১৯৪৮ তা লিংখৎখিবা মালেমদা খ্বাইদগী চাউবা য়ুনিফোর্মগী নহারোলগী লুপ, নেসনেল কেদেত কোরস( এন সি সি) লিংখৎখিবগী ৭৫শুবা মপোক কুমওন থৌরম নবেম্বর ২৬,২০২৩ দা পাংথোক্কনি, মসিনা নহারোলশিংদা থকসি-খাসি, লুচিংবা অমসুং মরৈবাক নুংশিবগী ৱাখল্লোলশিং চেলহন্নবা লুপা অসিগী মরুওইবা থবক অদু তাক্লি। শিংথানিঙাই ওইরবা মাইপাকপা অসিগী হরাও-তয়াম্বা ফোঙদোকপা থৌরম অসিদা, নবেম্বর ২৫,২০২৩দা নিউ দিল্লিদা লৈবা নেসনেল ৱার মেমোরিএলদা এন.সি.সি পুম্নমক্কী মহুৎশীন্দুনা দিফেন্স সেক্রেতরি শ্রী গিরিধার অরামানেনা থৱায় কৎখ্রবা অথৌবশিংগী মফমদা লৈ পরেং অমা কৎত্তুনা ইকায়খুম্নবা উৎখ্রে।

লৈবাক শেমগৎপদা এন.সি.সিনা শিংথানিঙাই ওইনা লৌরিবা থৌদাংগী মতাংদা দিফেন্স সেক্রেতরিনা হায়খি ঙসি এন.সি.সি শিংথানিঙাই ওইরবা তাঙ্কক অমা য়ৌরে। হৌখিবা চহি ৭৫ অসিদা, লুপ অসিগী চৎন-কাংলোনশিং চেৎনবা ঙাক্তুনা লৈরকখি অমসুং নহারোলশিংগী মরক্তা অপুনবা অমসুং থকসি-খাসি লৈহন্নবা অচৌবা লুপ অমা ওইরকখি। মখোয়গী মপান নাইদ্রবা মাইপাকপশিংগীদমক মহাক্না এন.সি.সি থাগৎপা ফোঙদোকখি অমসুং মখোয়গী তুংগী থবক-থৌরমশিংদা পীবা য়াবা মতেং পীগনি হায়না মখোয়দা থাজবা পীখি।

থৌরম অসিগী শরুক অমা ওইনা, কমলা নেহরু কলেজ, নিউ দিল্লিগী এন.সি.সি ৱিংগী নুপীমচা ২৬গী বেন্দনা লৈবাক নিংবগী থিমশিং খোঙখি অমসুং থৌরম অদুদা মরৈবাক নুংশিবা ইনোৎ হাপখি।

হৌখিবা চহি ৭০ হেনবদা লৈবাক শেমগৎপদা এন.সি.সিনা মরুওইবা থৌদাং লৌদুনা লাক্লি। ঐখোয়গী লৈবাক্কী তুংগী লুচিংবশিং পুথোক্নবা থৌরাং তৌদুনা অমসুং মথৌ মশক খঙবগী ৱাখল্লোল অমা ফাওহন্দুনা, এন.সি.সি কেদেত লাখ কয়াগী লমচৎ-শাজৎ শেমগৎপদা লুপ অসিনা মরুওইবা থৌদাং অমা লৌরি।

তোঙান-তোঙানবা থবকশিং হায়বদি খুন্নাই চাউখৎহনবা, অমাং-অতা থোরকপদা মতেং পাংবা, মহৌশাগী অকোয়বগী ফিবম ঙাক-শেনবা অমসুং মীয়ামগী থবকশিংদা থৱায় য়াওনা শরুক য়াদুনা খুন্নাইদা এন.সি.সিনা অচৌবা মফম অমা কল্লি। থৌরম অসিগী শরুক অমা ওইনা, এন.সি.সি কেদেতশিংনা চয়োল অনিগী ‘শ্বাছতা হি সেবা’ ভারত শীনবা থুংনা পাংথোকখিঅমসুং অমোৎপা লৈতবা ভারত অমগী পান্দমদা লম-তু শেংবগী থবকশিং পাংথোকখি। হিরম অসিদা মখোয়না মতেং পাংবা ওইনা, ওক্তোবর ১,২০২৩দা কেদেত লাখ ১৫ হেনবনা পুং অমগী ‘সরমদান’ থবকশিং পাংথোকখি।

৭৫শুবা মপোক কুমওনগী পুৱারি ওইরবা নুমিৎ অসিদা, খুন্নাইগী অমসুং লৈবাক-শেমগৎনবা তুংদা থবকশিং পাংথোক্নবা অমসুং কৎথোক্নবা এন.সি.সিনা অমুক হন্না ৱাশক লৌখি।  ঈ কৎপা, পেরেদশিং, লৈ কৎপা, নাৎকী থৌরমশিং অমসুং এন.সি.সিগী মাইপাকপশিং উৎপা থৌরমশিং য়াওনা লৈবাক শীনবা থুংনা থৌরম কয়া পরিং নাইনা পাংথোক্কনি।

*****