శుక్రవారం జరిగిన డిజిటల్ ఇండియా డైలాగ్ సెషన్‌ లో, కేంద్ర నైపుణ్యాభివృద్ధి, వ్యవస్థాపకత, ఎలక్ట్రానిక్స్, ఐ.టి. శాఖ సహాయ మంత్రి శ్రీ రాజీవ్ చంద్రశేఖర్ మాట్లాడుతూ, సురక్షితమైన, విశ్వసనీయ ఇంటర్నెట్ యొక్క ఆవశ్యకతను పునరుద్ఘాటించారు.  సోషల్ మీడియా మధ్యవర్తులు డిజిటల్ నాగరికులకు జవాబుదారీగా ఉండాలని ఆయన పేర్కొన్నారు.   డీప్‌ ఫేక్ బెదిరింపుల పట్ల ప్రధానమంత్రి శ్రీ నరేంద్ర మోదీ వ్యక్తం చేస్తున్న ఆందోళనలను అనుసరించి, అన్ని ప్లాట్‌ ఫారమ్‌లు మరియు మధ్యవర్తులు తమ కమ్యూనిటీ మార్గదర్శకాలను ఐ.టీ. నిబంధనలతో సమన్వయం చేయడానికి అంగీకరిస్తున్నారు, ప్రత్యేకంగా డీప్‌ ఫేక్‌ లతో సహా వినియోగదారుకు హాని కలిగించే 11 రకాల కంటెంటులను లక్ష్యంగా చేసుకున్నారు.

సదస్సు తర్వాత మీడియాను ఉద్దేశించి మంత్రి మాట్లాడుతూ, ప్రస్తుత నిబంధనల పరిధిలో లోతైన సవాళ్లను ఎదుర్కోవడానికి ప్లాట్‌ ఫారమ్‌ లు మరియు మధ్యవర్తుల సమిష్టి నిబద్ధతను ధృవీకరించారు.

ఈ సందర్భంగా మంత్రి మాట్లాడుతూ, “మేము కొత్త చట్టాలు, నిబంధనలను చర్చిస్తున్నప్పుడు కూడా ప్రస్తుత చట్టాలు, నియమాలు లోతైన నకిలీలను నిశ్చయంగా ఎదుర్కోవడానికి వీలు కల్పిస్తాయని అన్ని ప్లాట్‌ ఫారమ్‌ లు మరియు మధ్యవర్తులు అంగీకరించారు.  రాబోయే ఏడు రోజుల్లో అన్ని నిబంధనలు మరియు వీక్షణలు మరియు వినియోగదారులతో ఒప్పందాలు ఐ.టి. నియమాలలో నిర్దేశించబడిన 11 రకాల కంటెంటుల నుండి వినియోగదారులను స్పష్టంగా నిషేధించే లా చేస్తామని వారు అంగీకరించారు.  గౌరవనీయులైన ప్రధానమంత్రి నరేంద్ర మోదీ గారు ఇప్పటికే డీప్‌ ఫేక్‌ ల సమస్యతో పాటు, సురక్షితమైన, విశ్వసనీయ ఇంటర్నెట్‌ కు ప్రాతినిధ్యం వహిస్తున్న బెదిరింపులు, సవాళ్ల గురించి గత సంవత్సరం ప్రముఖంగా పేర్కొన్నారు.  త్వరలో ఒక రూల్-7 అధికారి ని నియమించనున్నట్లు, మధ్యవర్తుల ద్వారా చట్టాన్ని ఉల్లంఘించినట్లు నివేదించడానికి డిజిటల్ నాగరికుల కోసం డిజిటల్ ప్లాట్‌ ఫారమ్‌ ను ఏర్పాటు చేయనున్నట్లు, ఎం.ఈ.ఐ.టి.వై. తెలియజేసింది.  డిజిటల్ నాగరికులకు సురక్షితమైన, విశ్వసనీయ ఇంటర్నెట్‌ కు హక్కులు ఉండగా, వాటిని అందించడానికి మధ్యవర్తులు బాధ్యత వహించాలి." అని పేర్కొన్నారు. 

ఫిర్యాదుల పరిష్కార యంత్రాంగాల్లో పురోగతిని గుర్తించిన మంత్రి రాజీవ్ చంద్రశేఖర్, డీప్‌ ఫేక్‌ లు మరియు తప్పుడు సమాచారం వంటి సవాళ్లను పరిష్కరించడానికి మధ్యవర్తుల సహకారం కొనసాగించాలని కోరారు.

“మనం భాగస్వామ్యంలో ఉన్నాము, ఫిర్యాదులను పరిష్కరించడంలో ప్రభుత్వం మరియు ప్లాట్‌ ఫారమ్‌ లు చాలా బాగా పనిచేశాయి.  అతి త్వరగా ఈ పని చేసినందుకు నేను మధ్యవర్తులను అభినందిస్తున్నాను.  అయితే, ముఖ్యంగా తప్పుడు సమాచారం, డీప్‌ ఫేక్‌ లు, బెట్టింగ్ మరియు చట్టవిరుద్ధమైన బెట్టింగ్ ప్లాట్‌ ఫారమ్‌ ల ప్రకటనలతో పాటు, మోసపూరిత రుణ యాప్‌ ల ప్రకటనల విభాగాలలో చేయవలసింది ఇంకా చాలా ఉంది.  ఇవి ఆన్‌ లైన్‌ లో భద్రత మరియు విశ్వాసానికి ముప్పుగా కొనసాగుతున్నాయి." అని కూడా కేంద్ర మంత్రి పేర్కొన్నారు. 

*****