54வது இந்திய சர்வதேச திரைப்பட விழாவில்  மதிப்புமிக்க ஐ.சி.எஃப்.டி - யுனெஸ்கோ காந்தி பதக்கத்திற்கு உலகெங்கிலும் இருந்து பத்து திரைப்படங்கள் போட்டியிடுகின்றன. ஐ.சி.எஃப்.டி-யுனெஸ்கோ காந்தி பதக்கம் பிரிவில் மகாத்மா காந்தியின் காலத்தால் அழியாத லட்சியங்கள், யுனெஸ்கோவால் அங்கீகரிக்கப்பட்டவையாகும். இந்தத் திரைப்படங்கள் காந்தியின் தத்துவத்தை எதிரொலிப்பதுடன், நல்லிணக்கம், புரிதல் மற்றும் அமைதியில் வேரூன்றிய ஒரு உலகத்திற்காக வாதிடுகின்றன.

குறிப்பாக மோதல் மற்றும் குழப்பத்தால் சூழப்பட்ட உலகில் அமைதி, சகிப்புத்தன்மை, அகிம்சை, கருணை ஆகிய கொள்கைகளை நோக்கி நமது விழிப்புணர்வை மறுசீரமைக்கும் ஒளிவிளக்குகளாக போட்டிக்கு தேர்ந்தெடுக்கப்பட்ட இந்த சினிமா படைப்புகள் தனித்து நிற்கின்றன.

இந்த ஆண்டு, உலகின் பல்வேறு பகுதிகளில் இருந்தும் பின்வரும் பத்து திரைப்படங்கள் இந்த விருதுக்கு போட்டியிடுகின்றன:

1. முயாத் அலாயன் இயக்கிய 'ஜெருசலேமில் ஒரு வீடு' (பாலஸ்தீனம், இங்கிலாந்து, ஜெர்மனி, நெதர்லாந்து, கத்தார், 2022).

ஜெருசலேமில் முரண்பட்ட கலாச்சாரங்கள் மற்றும் நம்பிக்கைகளின் பின்னணியில் மனித உறவுகளின் சிக்கல்களை இந்தப் படம் ஆராய்கிறது. நகரத்தின் வரலாற்று மற்றும் அரசியல் பதட்டங்களுக்கு மத்தியில் தனிநபர்களின் போராட்டங்கள் மற்றும் அபிலாஷைகளை படம் ஆராய்கிறது.

 2. டினாட்டின் கஜ்ரிஷ்விலி இயக்கிய 'சிட்டிசன் செயிண்ட்' (ஜார்ஜியா, 2023).

ஜார்ஜியாவை மையமாகக் கொண்ட இப்படம் சமூக சவால்களுக்கு மத்தியில் தார்மீக ஒருமைப்பாட்டை நிலைநிறுத்த முயற்சிக்கும் ஒரு தனிநபரின் வாழ்க்கையை வழிநடத்துகிறது. இது தனிப்பட்ட தியாகத்தையும், நீதிக்கான தேடலையும் உருக்கமாகச் சித்தரிக்கிறது.

 3. அந்தோணி சென் இயக்கிய 'டிரிப்ட்' (இங்கிலாந்து, பிரான்ஸ், கிரீஸ், 2023).

அடையாளம், சொந்தம்,  தொடர்புக்கான மனித தேடல் ஆகியவற்றின் கருப்பொருள்களை ஆராய்ந்து, வெவ்வேறு நாடுகளில் உள்ள வாழ்க்கையை ஒன்றோடொன்று பின்னிப் பிணைக்கும் ஒரு கதையாடல். வாழ்க்கையின் நிச்சயமற்ற தன்மையைக் கடந்து செல்வது  எதிர்பாராத பிணைப்புகளுக்கு எப்படி வழிவகுக்கும் என்பதை இப்படம் சித்தரிக்கிறது.

4. அபோலின் டிராரே இயக்கிய "இட்ஸ் சிரா" (பிரான்ஸ், ஜெர்மனி, செனகல், 2023).

பன்முகப் பண்பாட்டுக் கண்ணோட்டத்தின் மூலம், புவியியல் மற்றும் கலாச்சார எல்லைகளைத் தாண்டிய பகிரப்பட்ட மனித அனுபவங்களை முன்னிலைப்படுத்தி, பின்னடைவின் கதையை இந்தப் படம் விரிவுபடுத்துகிறது.

5. ஓவ் மஸ்திங்கின் 'காலேவ்' (எஸ்டோனியா, 2022).

எஸ்தோனியாவை மையமாகக் கொண்ட இந்தப் படம், நாட்டின் கலாச்சார சாராம்சத்தில் ஊறிப்போன ஒரு கதையை நுணுக்கமாக ஆராய்கிறது. இது தேசிய வரலாற்றோடு பின்னிப் பிணைந்த தனிப்பட்ட பயணங்களைச் சித்தரிக்கிறது, தனிநபர் மற்றும் கூட்டு அடையாளங்களின் பின்னிப்பிணைந்த கட்டமைப்பை இது பிரதிபலிக்கிறது.

6. பால் பௌசன் அகஸ்டாவின் 'தி பிரைஸ்' (இந்தோனேசியா, 2022).

 லட்சியம் மற்றும் வெற்றிக்கான தேடலின் சிக்கல்களுக்குள் மூழ்கும் இந்தோனேசியாவிலிருந்து ஒரு கதை. அங்கீகாரம் மற்றும் சாதனைக்கான தேடலில் தனிநபர்கள் எதிர்கொள்ளும் தார்மீக சங்கடங்களை இப்படம் ஆராய்கிறது.

7. ஜான் டோர்ன்பிளாட் இயக்கிய 'தி சுகர் எக்ஸ்பெரிமென்ட்' (ஸ்வீடன், 2022).

ஸ்வீடனை மையமாக வைத்து எடுக்கப்பட்டுள்ள இப்படம் சமூக விதிமுறைகள் மற்றும் தனிமனித தேர்வுகளை வெளிச்சம் போட்டுக் காட்டுகிறது. சமூகக் கட்டமைப்புகளுடனான தனிப்பட்ட சோதனைகள் நிறுவப்பட்ட முன்னுதாரணங்களுக்கு எவ்வாறு சவாலாக இருக்கும் என்பதை இது ஆராய்கிறது.

 8. ராகேஷ் சதுர்வாடி ஓம் இயக்கிய 'மண்டலி' (இந்தியா, 2023).

இந்தியாவில் வேரூன்றியுள்ள இந்தப் படம் நட்பு, விசுவாசம் மற்றும் தனிப்பட்ட வளர்ச்சியின் தன்மைகளைக் கடந்து செல்கிறது. இது உறவுகளின் உருமாற்ற சக்தியையும், அவை தூண்டும் பயணங்களையும் உள்ளடக்கியது.

 9. விஷ்ணு சசி சங்கரின் 'மாளிகாபுரம்' (இந்தியா, 2022).

 கேரளாவின் கலாச்சாரச் சூழலை மையமாகக் கொண்ட இப்படம், சமூக எதிர்பார்ப்புகளுக்கு மத்தியில் உறவுகளின் நுணுக்கங்களைச் சித்தரிக்கிறது. இது மனித தொடர்புகளின் உணர்ச்சி நிலையையும் அவற்றுக்குள் எழும் மோதல்களையும் வழிநடத்துகிறது.

10. சயந்தன் கோசன் இயக்கிய 'ரபீந்திரா கப்ய ரகசியா' (இந்தியா, 2023).

 இந்தியாவின் வங்காளப் பின்னணியில் உருவாக்கப்பட்ட இந்தப் படம் ரவீந்திரநாத் தாகூரின் கவிதைகளின் சாராம்சத்தை உள்ளடக்கியது, மனித உணர்ச்சிகள் மற்றும் உறவுகளில் உள்ளார்ந்த மர்மங்களை அவிழ்க்கிறது.

சினிமா ரத்தினங்கள் எனப் போற்றப்படும் இந்தப் படங்கள் பார்வையாளர்களைக் கவர்ந்திழுப்பவையாகும். கூட்டு நடவடிக்கைகளை ஊக்குவிக்கவும், ஒரு சிறந்த உலகத்தை வளர்ப்பதற்கும், மனிதகுலத்தின் சாராம்சத்தைக் கொண்டாடுவதற்கும் நமது உலகில் "அமைதியின்" முக்கியத்துவத்தை ஆழமாக வலுப்படுத்துகின்றன.

ஐ.சி.எஃப்.டி பாரிஸ் மற்றும் யுனெஸ்கோவால் நிறுவப்பட்ட காந்தி பதக்கம் என்பது மகாத்மா காந்தியின் அமைதி மற்றும் அகிம்சை பற்றிய பார்வையை சிறப்பாக பிரதிபலிக்கும் ஒரு திரைப்படத்திற்கு ஐ.எஃப்.எஃப்.ஐ.யில் வழங்கப்படும் வருடாந்திர மரியாதையாகும். 1994 ஆம் ஆண்டில் தொடங்கப்பட்டதிலிருந்து, இந்த நிலையான மதிப்புகளை உள்ளடக்கிய திரைப்படங்களை இந்த விருது கொண்டாடுகிறது.

*******

ANU/SMB/PKV/RR/KPG