1 8

गोंय/मुंबई, 24 नोव्‍हेंबर 2023

54व्या भारतीय आंतरराष्ट्रीय चित्रपट महोत्सवांत (इफ्फीं) प्रतिश्ठीत आयसीएफटी – युनेस्को गांधी पदका खातीर नामांकीत जाल्ले आनी पुरस्कारा खातीर सर्त करपी संवसारभरांतले धा चित्रपट, महोत्सवाच्या वेगवेगळ्या  सुवातींनी दाखयतात. आयसीएफटी-युनेस्को गांधी पदक विभागात युनेस्कोन मान्यताय दिल्ल्या, महात्मा गांधीजींच्या एकता, समजूतदारपण आनी शांततायेंत रुजल्ल्या संवसाराविशीचे, कालबाह्य जायत आशिल्ल्या आदर्शांचो आस्पाव केला. 

सर्ती खातीर वेंचून काडिल्लीं हीं सिनेमाचीं म्हान कलाकृती, खासा करून संघर्श आनी अराजकातेचो वेढो आशिल्ल्या संवसारांत, शांतताय, सहिश्णुताय, अहिंसा आनी करुणा ह्या तत्वां कडेन, आमची जाणविकाय परतून जुळोवन दिवपी दिवो, म्हणून उबी रावतात.  

अंदूं संवसारांतल्या साबार कोनशांतले धा बेसबरे सिनेमा ह्या पुरस्कारा खातीर सर्तींत आसात:

1. मुयाद अलायन दिग्दर्शित ‘अ हाऊस इन जेरुसलेम’ (पॅलेस्टीन, युके, जर्मनी, नेदर्लंड्स, कतार, 2022) 

जेरुसलेमांतली संस्कृताय आनी समजुतींच्या फाटभुंयेर, मनशाच्या नात्यातल्या गुंतागुंतांचो अभ्यास ह्या चित्रपटांत केला.

शाराच्या इतिहासीक आनी राजकी तणावांत, व्यक्तींच्या संघर्शांत आनी आकांक्षांचेर हो चित्रपट खोलायेन विचार करता.

2. तिनाटीन काजरीशविली दिग्दर्शित ‘सिटीझन सेंट’ (जॉर्जिया, 2023)

जॉर्जियांत घडिल्लो हो चित्रपट समाजीक आव्हानां मदीं, नैतीक अखंडताय तिगोवन दवरपाचो यत्न करपी व्यक्तीच्या जिवितांविशी सांगता. वैयक्तीक बलिदान आनी नीतिमत्वाच्या सोदाचें मार्मिक चित्रण तातूंत दिल्लें आसा.

3. अँथनी चेन दिग्दर्शित ‘ड्रिफ्ट’ (युके, फ्रांस, ग्रीस, 2023)

वेगवेगळ्या देशांतल्यान जिवीत गुंथपी एक काणी, वळख, आपलेपण आनी मनशाच्या संबंदाचो सोद हे विषय चित्रपटात दिसून येतात. जिणेंत अनिश्चिततायेंतल्यान व्हांवून वचून, अनिश्चीत बंधनां कशीं निर्माण जावंक शकतात, हाचें चित्रण ह्या चित्रपटांत केलां.

4. अपोलीन त्राओरे दिग्दर्शित “इटस सिरा” (फ्रांस, जर्मनी, सेनेगल, 2023)

बहुसंस्कृतीक भिंगांतल्यान हो सिनेमा कथा उक्ती करता, भौगोलिक आनी संस्कृतीक मर्यादा हुंपपी, मनशाच्या अणभवांचेर चित्रपट भर दिता.

5. ओव मस्टिंग  दिग्दर्शित ‘कालेव’ (इस्टोनिया, 2022) 

इस्टोनियांत घडिल्लो हो चित्रपट, देशाच्या सांस्कृतीक सारांत बुडिल्ली एक कथा गुंतागुंतीच्या रितीन सांगता. वैयक्तीक आनी सामुहीक अस्मितायेचो विचार करून, राश्ट्रीय इतिहासांत गुंथिल्ल्या वैयक्तीक प्रवासांचें चित्रण तातूंत केलां.

6. पॉल फौझान अगुस्ता दिग्दर्शित 'द प्रायझ' (इंडोनेशिया, 2022)

महत्वाकांक्षा आनी येसस्वी जावपाच्या सोदांत बुडपी, इंडोनेशियांतली हि एक काणी. व्यक्तींक मान्यताय आनी येस मेळोवपाच्या सोदांत कितल्यो नैतीक दुविधा येतात, हाचीविशी चित्रपटांत भर दिला. 

7. जॉन टॉर्नब्लॅड दिग्दर्शित ‘द शुगर एक्सपेरिमेंट’ (स्वीडन, 2022) 

स्विडनांतल्या ह्या चित्रपटांत समाजीक नेम आनी वैयक्तीक निवडीचेर उजवाड पडटा. समाजीक रचनांवांगडा केल्ल्या वैयक्तीक प्रयोगांक, कशें आव्हान दिवंक शकतात, हाचो अभ्यास चित्रपट करता.

8. राकेश चतुर्वेदी ओम दिग्दर्शित ‘मंडली’ (भारत, 2023) 

भारतांतले मूळ आशिल्लो हो चित्रपट इश्टागत, निश्ठा आनी वैयक्तीक वाड हांच्या परिदृश्यांतल्यान भोंवता. तातूंत नात्यांची परिवर्तनकारी शक्त आनी तातूंतल्यान उत्प्रेरक जावपी प्रवास आस्पावता.

9. विष्णु ससी शंकर दिग्दर्शित ‘मलिकापुरम’ (भारत, 2022)

भारतांत केरळांतल्या सांस्कृतीक वातावरणांत घडिल्ल्या ह्या चित्रपटांत, समाजीक अपेक्षां आनी नात्यांची गुंतागुंती दाखयल्या. मनशाची भावनीक स्थिती आनी तातूंतल्यान निर्माण जावपी संघर्श, ह्या फिल्मात दाखयला. 

10. सायंतन घोसान दिग्दर्शित ‘रबींद्र काब्य रहस्य’ (भारत, 2023)

भारतांतल्या बंगालाचे फाटभुंयेर आशिल्ल्या ह्या चित्रपटांत, रवींद्रनाथ टागोर हांच्या कवितेचें सार समाविश्ट करून, मनशाच्या भावनांनी आनी नात्यांनी  आशिल्ले गूढ उक्ते केला.

हे सिनेमांचे रत्न प्रेक्षकांक मोहित करपाचें उतर दितात. आमच्या संवसारांत "शांती" चें म्हत्व खोलायेन बळकट करून सामुहीक कृतींक प्रेरणा दितात, एक बरो संवसार तयार करतात आनी मनीसपणाची परब मनयतात

आयसीएफटी पॅरिस आनी युनेस्को हांणी स्थापन केल्लें गांधी पदक हें महात्मा गांधीजींच्या शांतताय आनी अहिंसा दृश्टीकोनाक, सगळ्यांत बरें तरेन दाखोवपी चित्रपटाक, इफ्फींत वर्सुकी मान दितात. 1994 वर्सा सुरू जाल्लो हो पुरस्कार, ह्या मुल्यांचो आस्पाव आशिल्ल्या चित्रपटांक भौमानीत करता. 

* * *

PIB Mumbai | S.Jan/M.Prabhugaonkar/D.Rane

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai