0 6

गोंय/मुंबई, 20 नोव्‍हेंबर 2023

विदेशी चित्रपट निर्मिती खातीर उर्बा रक्कम, खर्चाच्या ३० टक्क्यांवयल्यान ४० टक्क्यांमेरेन वाडयल्या वाडयतले. ते खातीर या आदीची २.५ कोटी रुपयांची मर्यादा वाडोवन ३० कोटी रुपया केल्या, अशे केंद्रीय म्हायती आनी वितरवणी, युवा वेव्हार आनी खेळ मंत्री, श्री अनुराग सिंग ठाकुर हांणी सांगलें. हाचे पयलीं उर्बा रक्कम फकत, २.५ कोटी रुपया आशिल्ली. त्या वांगडाच चित्रपटात भारताकडेन संबंधीत महत्त्वाचो विषय [Significant Indian Content (SIC)] आसल्यार, अश्या चित्रपटांखातीर अतिरिक्त ५% निधी बोनस म्हणून दितले, अशी घोषणा मंत्री ठाकूर हाणी आयज गोंयांतल्या पणजी हांगा जाल्ल्या ५४व्या भारतीय आंतरराष्ट्रीय चित्रपट महोत्सवांच्या उक्तावणा वेळार सांगले. 

भारताचो आकार आनी व्हड क्षमता मतींत घेवन मध्यम आनी मोठ्या बजेटचे आंतरराष्ट्रीय प्रकल्प देशांत आकर्शीत करपाखातीर चड प्रोत्साहन दिवपाची गरज आसा, अशें श्री ठाकुर हांणी सांगलें. “फिल्म उत्पादनाक प्रोत्साहन दिवपी हें बदल भारताच्या कला अभिव्यक्ती खातीर आशिल्ल्या वचनबद्धतेचें आनी आदाराचे प्रमाण आसा आनी सिनेमाच्या यत्नांक पसंतीचें थळ म्हूण आमची बाजू बळकट करता”, अशें तांणी मुखार सांगले.

नामनेची अभिनेत्री माधुरी दीक्षित हिच्या गौरवशाली कारकिर्दीक भौमानीत करतना, ५४व्या आंतरराष्ट्रीय चित्रपट महोत्सवांत ‘भारतीय सिनेमांत योगदान दिल्ल्या खातीर खाशेलो मान्यताय’ पुरस्कार दिवन तिचो भोवमान केलो. केंद्रीय म्हायती आनी प्रसारण, युवा वेव्हार आनी खेळ मंत्री श्री. अनुराग सिंग ठाकुर हांणी एक्सचेर पोस्ट केलां, कि "“दीर्घकाळ सिने क्षेत्राचेर राज केल्ली एक आयकॉनिक व्यक्तिमत्त्व म्हूण, माधुरी दीक्षित हिणे फाटली चार दसका तिच्या अतुलनीय प्रतिभेन, भारतीय चित्रपटांक शोभा हाडली.” 

केंद्रीय मंत्र्यानी  ‘७५ क्रिएटिव्ह माइंड्स ऑफ टुमॉरो’ हातूंत वेंचून आयिल्ल्या तरणाट्याखातीर भरती मोहीम जाहीर केली, जाका लागून तांच्या प्रतिभे खातीर आनी करिअराखातीर मर्यादेबगर संद मेळपाचीं दारां उक्तीं जालीं. आतां तिसरे आवृत्तींत ‘७५ क्रिएटिव्ह माइंड्स ऑफ टुमॉरो’ हें सिनेमाच्या माध्यमांतल्यान तरणाट्यांक आपली सृजनशील अभिव्यक्ती दाखोवपाक एक मंच दिवपाच्या प्रधानमंत्रीच्या दृश्टीकोनातल्यान २०२१ वर्सा सुरु जाल्लें. “अंदूं १० विभागातल्या सुमार ६०० नामांकनातले १९ राज्यांतल्यान ७५ तरणाटे चित्रपट निर्माते वेचून कडल्यात. तातूंत बिष्णुपूर, जगतसिंहपूर, आनी सदरपूर ह्या पयसुल्ल्या वाठारांचो आस्पाव आसा,” अशें मंत्री ठाकूर हांणी सांगलें. 

मंत्री ठाकूर हाणी इफफीच्या ह्या आवृत्तींत नवो पुरस्कार विभाग - बेस्ट वेब मालिका (ओटीटी) सुरू करपाची घोशणा केली. महोत्सवांतल्या नव्या घटकांचेर भर दितना श्री. अनुराग ठाकुर हांणी सांगलें की, इफ्फी भारतांतल्या मूळ सामुग्री निर्मात्यांची परिवर्तनकारी भुमिका मान्य करून ताका मान दितली, रोजगार आनी नवनिर्माणांत तांणी दिल्ल्या योगदानाक मनयतली. “पयलेच खेपे इफफीन सिनेमा संवसारांतल्या नव्या नवनिर्माणांक दाखोवपा खातीर बरो क्युरेट केल्लो ‘व्हीएफएक्स अँड टेक पॅव्हिलियन’ आनी ताच्या सह-निर्माणाक म्हायतीपट विभाग सुरू करून, फिल्म बाजाराची व्याप्ती वाडयल्या," अशेंय तांणी सांगले. 

बायलां सशक्तीकरणाच्या कामा खातीर भारताची वचनबद्धता दाखयतना,  श्री ठाकुर हांणी सांगलें की, अंदूंच्या इफफीत ४० उल्लेखनीय बायल चित्रपट निर्मात्यांचे चित्रपट आसतले. “तांची प्रतिभा, सृजनशीलता आनी अद्वितीय दृष्टीकोन ह्या महोत्सवात विविध गटांचे आणि आशयाचे फुडारपण करतले”. 

भारताचे प्रधानमंत्री, श्री. नरेंद्र मोदी हांणी ‘सबका साथ, सबका विकास’ ह्या मंत्रा वरवीं समावेशक आनी सुलभ भारत तयार करपाचेर सातत्यान भर दिला. प्रधानमंत्र्यांच्या दृश्टीकोनांत आनीक एक आयाम जोडून, इफफी समावेशकता हें मार्गदर्शक तत्व म्हूण ‘सबका मनोरंजन’ म्हळ्यार ‘सगल्यांची मनरिजवण’ हाका पाळो दिता, अशे मंत्री ठाकूर हाणी सांगले. “अंदूंच्या महोत्सवाच्या सगळ्या सुवातींनी दिव्यांग आशिल्ल्या व्यक्तीं खातीर सुविधा आसतल्यो. दृष्टिदोष आनी आयकुपाक येय नाशिल्ल्या प्रतिनिधीं खातीर चार अतिरिक्त खाशेलीं चित्रपट प्रदर्शनां आसतलीं, तातूंत एम्बेडेड ऑडियो वर्णन आनी सांकेतिक भाशेची सोय आसतली”, अशें तांणी सांगलें.

भारतांत मीडिया आनी मनरिजवण क्षेत्र वाडोवपा खातीर भारत सरकारान हालींच्या काळांत घेतिल्ल्या जायत्या उपायांविशी, मंत्री ठाकूर हांणी म्हायती दिली. “हालींच  मानादीक प्रधानमंत्री श्री. नरेंद्र मोदीजी हांच्या फुडारपणा खाला सिनेमाटोग्राफ (दुरुस्ती) विधेयक, २०२३, विधेयकाक लोकसभा आनी राज्यसभेत मान्यताय मेळ्ळी. हो कायदो कायदेशीर चौकटी रूंद करता तसेच सेंसरशिपा भायर कॉपीराइट संरक्षण आस्पावपाक, आपलें लक्ष केंद्रित करतनाच पायरेसी आड खर उपाय काडटात”, अशें तांणी सांगले.

एकवटीत करपी शक्त म्हूण सिनेमाची म्हत्वाची भुमिका रेखांकित करतना, श्री ठाकुर हांणी म्हळे, कि “आपल्या पुराय इतिहासांत सिनेमान विचार, कल्पनाशक्त आनी नवकल्पनेचे अशे तरेन विश्लेषण केला की ती शांतताय, प्रगती आनी समृध्दी खातीर एक उर्बा दिवपी  शक्त तयार जाल्या.”

भारताच्या यशस्वी चंद्रयान-३ मिशनाक, कलाकृतींनी मेळपी शास्त्रीय शक्यतांकडेन जोडून केंद्रीय मंत्री ठाकूर हाणी म्हळें, कि १९०२ वर्सा अंतरिक्ष संघटनांची कल्पना वा संकल्पना लेगीत जावचे बऱ्याच काळापयलीं एक उल्लेखनीय दृश्टीकोन कलाकृती आनी जॉर्ज मेलीयस हाचो फ्रेंच चित्रपट, 'ए ट्रिप टू द मून' हाणी लोकांच्या मनांत शास्त्रीय शक्यताय आनी प्रगतीचीं बींया रुजयल्ली.” "सिनेमाची शक्त अविश्वसनीय आसा आनी हे विचार आमच्या संवसाराक कशे आकार दितात ते लेगीत आकर्शक आसा."

श्री. अनुराग सिंग ठाकुर हांणी, हॉलीवूड अभिनेते/निर्माते मायकल डग्लस हांका २०२३ वर्साचो प्रतिश्ठीत सत्यजीत रे जीवनगौरव पुरस्कार फावो जाल्ल्या खातीर परबीं दिली. तशेंच आंतरराष्ट्रीय सर्तीची, इंडियन पॅनोरमा, बेस्ट वेब सीरीज (ओटीटी ), आनी ७५ क्रिएटिव्ह माइंड्स ऑफ टुमॉरोच्या परीक्षकांचे काळजा सावन उपकार मानले.

आपले उलोवप सोंपयतना मंत्र्यांनी सांगलें, की इफ्फी खातीर ताची दृश्टी फकत एकाच कार्यावळी पुरती मर्यादीत ना. जेन्ना आमी अमृत महोत्सवातल्यान अमृत काळात संक्रमण करतात, आनी  उपरांत भारत स्वातंत्र्याचें शंबर वर्सां मनयतलो तेन्ना इफ्फी कितें आसूंक जाय, हांचेविशीं लेगीत विचार चड आसा, अशे तांणी सांगले.

* * *

PIB Mumbai | S.Jan/M.Prabhugaonkar/D.Rane

सोशल मिडियावर आम्हाला फॉलो करा:@PIBPanaji    /PIBPanaji    /pib_goa   pibgoa[at]gmail[dot]com  /PIBGoa