गोंय/मुंबई, 20 नोव्‍हेंबर 2023

विचारांच्या बाजारा सारकोच फिल्म बाजार संवसारांतल्या सगळ्या कोनशांतल्या चित्रपट निर्मात्यांक एक सर्ग आसा तशेंच हो बाजार म्हळयार कल्पकताय आनी प्रेरणा हांचो संगम आसा, अशें केंद्रीय म्हायती आनी वितरावणी, तरनाटे वेव्हार आनी खेळ मंत्री श्री अनुराग सिंग ठाकुर हांणी सांगले.  दक्षिण गोंयांतल्या मॅरियट रिसॉर्ट वाठारांत, आशियांतल्या सगळ्यांत व्हडल्या फिल्म बाजाराचे उक्तावण करतकच ते उलयताले. 

20% वर्सुकी वाड आशिल्ल्या भारतीय मीडिया आनी मनरिजवण उद्देगाची संवसारांतलो पांचवो व्हडलो आनी संवसारीक उद्देग म्हणून तोखणाय जाता. अंदू 17व्या वर्सा फिल्म बाजार हो इफफीचो एक म्हत्वाचो घटक थारला. सगळ्यो शिमो हुंपून आशिया खंडांतलो हो व्हडलो फिल्म बाजार थारला, अशेंय श्री. अनुराग सिंग ठाकुर हांणी सांगलें. 

अंदूं फिल्म बाजारा खातीर वेगवेगळ्या चित्रपटांची निवड केल्ल्यान काल्पनीक, डॉक्यू-शॉर्ट, म्हायतीपट,  पितृसत्ताक, शारी, अत्यंत गरिबी, हवामान संकश्ट, राश्ट्रवाद, खेळ आनी फिटनेस हांचे संबंदीत सार्वत्रिक विशयांचेर आदारीत एनिमेटेड फिल्म लेगीत दिसून येतात, अशी केंद्रीय मंत्र्यान म्हायती दिली.

सह-निर्मिती  बाजारपेठे विशीं उलयतना मंत्री म्हणटा, “आमी सह-निर्मिती  बाजारांत 7 देशांतले बारा म्हायतीपट  सादर केल्यात. 17 वेगवेगळ्या भाशांनी हे चित्रपट आसात. फिल्म निर्मात्यांच्या माध्यमातल्यान वास्तवाच्या काळजांत वचपाचो हो प्रवास आसा, अशे तांणी सांगले. 

तशेंच  हातूंत व्हिडियो लायब्ररी प्लॅटफॉर्म, प्रदर्शन कक्ष, 190 सादरीकरणां आसत. तातूंतल्यान कांय सादरीकरणां फिल्म बाजार शिफारशी (एफबीआर) खातीर वेंचून काडटले, अशें तांणी सांगलें. 

“वर्क-इन-प्रोग्रेस लॅब म्हळ्यार फिल्म निर्माते आपल्या वावराचे कच्चे काम दाखयतात. फाटल्या वर्सा परस प्रकल्पांची संख्या दुपेटीन वाडोवन अंदूं आमचे कडेन 10 प्रकल्प उक्तावणाक तयार आसात, अशें तांणी सांगलें.

वेवसायांत सोंपेंपण दिवपाच्या प्रधानमंत्र्याच्या घोशणेप्रमाण "बुक टू बॉक्स ऑफिस" हो एक रोमांचक नवो घटक जोडला, अशे ठाकुर जाहीर केलें. हांतुतल्यान 59 सादरीकरणां दाखयतले. गूगल आर्ट्स आनी हिंदी फिल्मांचीं चित्रां आनी ल्हान व्हिडियो आशिल्लें ऑनलायन हब आशील्ल्या आर्ट्स अँड कल्चर हिंदी प्रदर्शनाचेंय तांणी उक्तावण केलें. 

फिल्म बाजारांत दाखोवपाचे 10 शिफारस केल्ले चित्रपट म्हायतीपट, हॉरर, हवामान संकश्ट, कल्पनिक  साहित्य आदी विभागातले आसात. हे  चित्रपट इंग्लीश, हिंदी, बंगाली, मारवाड़ी, कन्नड, आनी माओरी (न्यूझीलंड भास) भाशेंत आसात. अंदूं फिल्म बाजारांत नव्यान क्युरेट केल्लो “व्हीएफएक्स आनी टेक पॅव्हिलियन" आसा जो फिल्म निर्मात्यांक फकत “शॉट घेवपाची” पारंपारीक पद्दत न्हय, तर “शॉट तयार कशे करप” अशा ताज्या नवनिर्माणां विशीं जागृत करपाचो हेत दवरता. 

फिल्म बाजारांत भारत, बांगलादेश, श्रीलंका, अमेरीका, ब्रिटन, सिंगापूर, जर्मनी, फ्रांस, पोलंड, लक्सेंबर्ग आनी इझ्रायल ह्या देशांतल्यान सह-निर्मिती बाजारांतल्या फीचर फिल्म प्रकल्पांची अधिकृत निवड जाल्या. वेंचून काडिल्ले फिल्म निर्माते उक्त्या बाजारात आंतरराष्ट्रीय आनी भारतीय निर्माते, वितरक, महोत्सव आयोजक, अर्थीक आनी विक्री एजंट हांचे मुखार आपले प्रकल्प मांडटले. 

नॅशनल फिल्म डेव्हलपमेंट कॉर्पोरेशनान म्हळयार (एनएफडीसी) हांणी सुरू केल्लो फिल्म बाजार, दक्षिण आशियांतलो सगळ्यांत व्हडलो चित्रपट बाजारपेठ आसा जो थळाव्या चित्रपट निर्मात्यांक संवसारीक निर्माते आनी वितरकांकडेन जोडपाचो वावर करता.

* * *

PIB Mumbai | S.Jan/M.Prabhugaonkar/D.Rane

सोशल मिडियावर आम्हाला फॉलो करा:@PIBPanaji    /PIBPanaji    /pib_goa   pibgoa[at]gmail[dot]com  /PIBGoa