গ্লোবেল সাউথনা লৈবাকশিংনা ঐখোয়গী সপ্লাই চেনবু ওপন, সেক্যুর, থাজবা য়াবা অমসুং পুম্নমক্কী কান্নবা ওইহন্দুনা হেন্না রেজিলিএন্ত ওইহন্নবগীদমক্তা অমত্তা ওইনা হোৎনমিন্নদুনা মরী লৈনবা পাম্বৈ পুথোকপগী তঙাই ফদবা লৈরক্লি। কম্মর্স অমসুং ইন্দস্ত্রী, কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন অমদি তেক্সতাইলগী কেন্দ্র মন্ত্রী, শ্রী পিয়ুশ গোয়লনা ঙসি  গ্লোবেল সাউথ সম্মিৎকী 2শুবা ভোইস্তা ৱা ঙাঙবনি।

কোবিদ-19গী লাইচৎ, ক্লাইমেত চেঞ্জনা পুরক্লিবা চৈথেং অমসুং জিওপোলিতিকেলগী উংখৎনবা হেনগৎলক্লিবা অসিনা গ্লোবেল সপ্লাই চেনদা অকায়বা পীবগা লোয়ননা অচৌবা শিংনবা অমসু ওইহল্লি হায়না শ্রী গোয়লনা হায়খি। মসিগুম্বা চৈথেংশিং অসিনা ফুদ অমসুং ইনর্জী সেক্যুরিতী, কোস্ত ওফ লিবিং অমসুং সস্তেনেবল দিভেলপমেন্ত গোল ফংবগী মাইকৈদা অচৌবা শিংনবা অমা ওইহল্লি। মালেমগী শিংনবা অয়াম্বসি গ্লোবেল সাউথনা ওইহনবা নত্তে, অদুবু মসিনা অহেনবা চৈথেংদি লমদমসিদা ফংহল্লি হায়না প্রধান মন্ত্রী, শ্রী নরেন্দ্র মোদীনা য়াম্না চুম্না হায়খ্রবনি হায়না মহাক্না পাউদমখি। মালেম্না ৱারোইশিন অমা য়েংলকপা খুদিংদা ঐখোয়গী অপুনবা খোল্লাওবু তাহনবগী মথৌ তাবসু লৈ হায়না প্রধান মন্ত্রীনা হায়খিবা লৈ হায়না মহাক্না মখা তাখি।

ভারতনা “ৱান আর্থ, ৱান ফেমিলী অমসুং ৱান ফ্যুচর” হায়বা থীম পীদুনা গ্লোবেল সাউথনা তেংবাংদুনা সেপ্তেম্বর থাদা নই দিল্লীদা G20 সম্মিত মায় পাক্না পাংথোকখি হায়না শ্রী গোয়লনা হায়খি। ভারতনা মশাগী প্রসিদেন্সী মখাদা অফ্রিকাগী য়ুনিয়নবু কাঙলুপ অসিগী মতম চুপ্পগী মেম্বর ওইহন্দুনা গ্লোবেল সাউথকী মপাঙ্গল হেনগৎহন্নবা মশক থোকপা থৌদাং পাংথোকখি। গ্লোবেল সাউথকী মপাঙ্গল কনখৎহনবা হায়বসি তঙাই ফদবনি, মসিনা মীওইবা খুন্নাইগী তুংগী মতমদসু কান্নবা পীগনি হায়না মহাক্না মখা তাখি।

ভারতকী G20 প্রসিদেন্সী মনুংদা, গ্লোবেল ভেল্যু চেন মেপ্পিং তৌনবা G20 জেনেরিক ফ্রেমৱর্ক অমগী য়ানবা পুরকখি, মসিনা GVCSপু রেজিলিএন্ত অমসুং ইনক্লুসিব ওইবা হেলহনগনি হায়না শ্রী গোয়লনা হায়খি। ফ্রেমৱর্ক অসিনা স্তেকহোলদর খুদিংগী মরক্তা নুং-পান ফাওনা উবগী মতৌ লৈহনগনি, অমসুং ভেল্যু চেনগী মনুংদা লৈরকপা য়াবা শিংনবশিংসু মশক খঙবা ঙমহনগনি হায়না মহাক্না হায়খি। ফ্রেমৱর্ক অসিগী মরু ওইবা মচংদি দেতা এনালাইসীস অমসুং রিপ্রজেন্তেসন তৌবনি হায়না মহাক্না পনখি। মসিগুম্বা বিলদিং ব্লোকশিং অসিবু পুনশিন্নদুনা, ফ্রেমৱর্ক অসিনা লৈবাক খুদিংগী GVCনা রেজিলিএন্ত ওইবদা তঙাই ফদবা সেক্তর অমসুং পোত্থোকশিং মশক খঙদোকপদসু তেংবাংগনি। শরুক য়ারিবা লৈবাকশিংনা মসিগুম্বা মেপ্পিং ফ্রেমৱর্ক অসিবু ইন্দুনা মখোয়গী তৌবা ঙম্বগী মতিক য়েংশিঞ্জনবা য়াই, অমসুং মখোয়গী GVCবু সেক্তর অমসুং পোত্থোক্কী থাক্তা য়েংশিনবদা শিজিন্নবা য়াগনি, লোয়ননা মসিনা মরম ওইরগা পুরক্কদবা খুদোংচাবা কয়াসু মশক খঙদোকপা য়াগনি হায়না মহাক্না পাউদমখি।

গ্লোবেল সাউথকী ওইনা য়েংলুবদা, খ্বাইদগী অহানবা তঙাই ফদবা অসিনা গ্লোবেল ভেল্যু চেন মশক খঙদোকপা ওইগনি, মসিদা লৈবাক খুদিংনা মখোয়না পথাপ অসিদা শরুক য়াবগী চাং হেনগৎহনবখক্তা নত্তনা ভেল্যু চেনগী মথক্তা কাখৎলক্তুনা মখোয়না শরুক য়াবগী মগুন হেনগৎহনবা য়াগনি হায়না শ্রী গোয়লনা হায়খি। অনিশুবদা, মসিনা GVCSনা মহৌশা অমসুং মীওইবনা থোকহনবা শিংনবা কয়াগা মাইয়োক্নহনবা ঙমগনি হায়না মহাক্না হায়খি। অহুমশুবদা, মসিনা ঐখোয়গী মাইক্রো, স্মোল অমসুং মীদিয়ম ইন্তর্প্রাইসশিংবু ইন্তর্নেস্নেল মার্কেত অমসুং শেয়রগী মনুং নীংথিজনা চনবা ঙমহনগনি। অরোইবদা, মসিনা ঐখোয়গী লোজিস্তিক্স ইনফ্রাস্ত্রকচরদা অৱাৎপা লৈরিবা অসিবু মেনখৎপদা তেংবাংগনি। অহাঙবশিং অসি মেনশিনবনা গ্লোবেল সাউথনা গ্লোবেল ত্রেদতা হেন্না নীংথিজনা শরুক য়াহনবা ঙমগনি হায়না মহাক্না হায়খি। মসিনা লমদমসিদা নুংঙাই য়াইফবা পুরকপদা তেংবাংবগা লোয়ননা সস্তেনেবল দিভেলপমেন্ত গোলশিং ফংহনবদসু হেন্না তেংবাংগনি। খুদম ওইনা হায়রবদা, ইং 1995তা সাউথ-সাউথ ত্রেদকী ভেল্যুনা USD 600 বিলিয়ন ওইরম্বদগী শরুক মাপনগী চাংদা মশক থোক্না হেনগৎখিদুনা ইং 2021দা USD 5.3 ত্রিলিয়ন ওইখিবা অদুনা লৈবাক কয়াগী শেন্মিৎলোনগী শাহৌ অমসুং রেজিলিএন্ততা মশক থোক্না তেংবাংখিবনি।

ভারতকী প্রসিদেন্সী মনুংদা, G20না WTOগী মরু ওইবা অমসুং মসিনা চাউখৎলক্লিবা লৈবাকশিংদা ত্রেদকী মতাংদা তেংবাংখিবা অদুবু শকখঙখি হায়না শ্রী গোয়লনা হায়খি। লেপ্তনা হোৎনরকপনা মরম ওইরগা, G20না তঙাই ফদবা রিসোর্সশিং শিজিন্নরসি হায়বা ৱাফমসু থমখিবনি। হীরম অসিগা মরী লৈননা, পান্দম অসি তানবদা ঐখোয়না গ্লোবেল সাউথকী মরুপশিংদগী মতেং ফংখি হায়না মহাক্না মখা তাখি।

নই দিল্লীদা হন্দক্তা পাংথোকখিবা G20 সম্মিতকী মায় পাকপশিং মখা তানা পাউদম্লদুনা, মসিনা রেদ দোক্যুমেন্তশিংবু দিজিতেল্লাইজ তৌবগী চাং হেনগৎহন্দুনা ত্রেদ কোস্ত হন্থহনখি হায়না শ্রী গোয়লনা হায়খি। দোমেস্তিক দোক্যুমেন্তশিংবু দিজিতেলাইজ তৌরবসু, ইন্তর্নেস্নেল ত্রেদকী মরু ওইবা দোক্যুমেন্তশিংবু হৌজিক ফাওবা দিজিতেল্লাইজ তৌদবগী মতৌ উবা ফংলি হায়না মহাক্না হায়খি। অদুনা, মরী লৈনবা দোক্যুমেন্তশিং দিজিতেলাইজ তৌবনা হকতথেংননা তৌবা চাদিংগী ফিভমদা চাউরাক্না বিলিয়ন দোল্লর তরুক মখায় কনবা য়াবগী ওইথোকপা লৈ হায়না মহাক্না মখা তাখি। হীরম অসিগী মতাংদা, G20না ত্রেদ দোক্যুমেন্তশিং দিজিতেলাইজ তৌবগী অৱাংবা থাক্কী কাঙলোন 10 পুথোকখি। কাঙলোনশিং অসিনা অপুনবা পথাপ অসিদা অহোংবা পুরকপগী ফম্বাক শেমখি, অমসুং মালেমগী ওইবা পেপরলেস ত্রেদিংগী পাক চাউরবা চৎনবী অমসু শেমগনি। মসিনা ত্রেদ তৌবগী অচঙবা শেল হন্থহন্দুনা চাউখৎলক্লিবা লৈবাকশিংদা কান্নবা য়াম্না পীগনি হায়না শ্রী গোয়লনা ফোংদোকখি।

ঐখোয়না হৌজিক থবক তৌবগী মওং অমসুং তুংগী মতমদা থবক তৌবগী মওংদা মালেমগী ওইবা অচৌবা অহোংবা অমা পুরকপগী থৌওংগী ময়াইদা ঐখোয়না হৌজিক লৈরি হায়না শ্রী গোয়লনা হায়খি। থবক্কী তুংগী মতমগী ফিভম অসিদি ইন্দস্ত্রী 4.0, ইনর্জী ত্রাঞ্জিসন অমসুং মতমগা চুনবা তেক্নোলোজীনা লেপকনি, মহাক্না হায়খি। মসিনা মালেমগী ওইবা ৱর্কপ্লেস অমসুং ৱর্কফোর্স লেভেলদা অহোংবা কয়া পুরক্লি। শিংনবশিং অসিবু ইনক্লুসিব অমসুং ইকুইতেবল ওইবা মওংদা মতৌ করম্না মাইয়োক্নগদগে হায়বগী মতাংদা ঐখোয়না য়ানবা অমসু পুরকখ্রবনি। অমসুং পান্দম অসি ফংনবগীদমক্তা গ্লোবেল সাউথনা তেক্নিকেল এজুকেসন, রিসর্চ অমসুং দিভেলপমেন্ত, তেক্নোলোজী অমসুং মরী লৈনবা সর্ভিস শিজিন্নবগী মতাংদা তেংবাংনবগী তঙাই ফদবা লৈ। মসিগুম্বা সাউথ-সাউথ কোল্লাবোরেসন অসিনা তুংগী মতমগী ত্রেদকী মনুং চন্না, তেক্নোলোজী অমসুং সর্ভিসকী ফম্বাক্কী মপাঙ্গল হাপ্পদা তেংবাংগনি। সম্মিত অসিগী মমিংমক্না তাকপগুম্না, হৌজিক্কী মতমসিদি অমনা অমগী পাঙ্গল অমসুং তৌবা ঙম্বগী মতিক্কী কান্নবা লৌনদুনা, থাজবা অমসুং ইকায় খুম্নবগী থৌওংদা য়ুম্ফম ওইদুনা, গ্লোবেল সাউথনা পার্ত্নরশিপ শেমগৎপগী মতম ওইরবনি হায়না শ্রী গোয়লনা ফোংদোকখি অমসুং মহাক্কী ৱারোলসু লোইশিনখি।

***