کامرس اور صنعت، امور صارفین، خوراک اور عوامی تقسیم اور ٹیکسٹائل کے مرکزی وزیر جناب پیوش گوئل آج دوسری وائس آف گلوبل ساؤتھ  سربراہ کانفرنس سے  خطاب کر  تے ہوئے کہا  کہ گلوبل ساؤتھ کو ہماری سپلائی چینز کو کھلا، محفوظ، بھروسہ مند، مستحکم اور مساوی بنانے کے لیے  سبھی ممالک کے تعاون اور مل کر کام کرنے کے طور طریقوں اور وسائل  پر تبادلہ خیال کرنے کی ضرورت ہے، اس طرح انہیں مزید لچکدار بنایا جائے۔

جناب گوئل نے کہا کہ کووڈ-19 وبائی مرض کے بحران،  آب وہوا میں  تبدیلی کے اثرات اور بڑھتے ہوئے جغرافیائی سیاسی تناؤ نے عالمی سپلائی چین کودرہم برہم کر دیا ہے۔ ان رکاوٹوں نے خوراک اور توانائی کی حفاظت، زندگی گزارنے کی لاگت اور پائیدار ترقی کے اہداف کے حصول کے لیے بہت بڑے چیلنجز پیدا کیے ہیں۔ انہوں نے کہا کہ وزیر اعظم جناب نریندر مودی نے بجا طور پر نشاندہی کی ہے کہ زیادہ تر عالمی چیلنج گلوبل ساؤتھ نے پیدا نہیں کیے ہیں، بلکہ وہ ہمیں زیادہ متاثر کرتے ہیں۔ انہوں نے مزید کہا کہ وزیر اعظم نے  ہماری اس  اجتماعی آواز کی ضرورت پر زور دیا ہے کہ جب بھی اور جہاں بھی دنیا حل تلاش کرناچاہتی ہے اسے سنا جائے۔

جناب گوئل نے واضح کیا  کہ ہندوستان نے گلوبل ساؤتھ کے  اشتراک سے‘‘ایک زمین، ایک خاندان اور ایک مستقبل’’کے موضوع کے تحت ستمبر میں نئی دہلی میں جی 20 سربراہی اجلاس کی کامیابی کے ساتھ میزبانی کی۔ اپنی صدارت کے دوران، ہندوستان نے عالمی جنوب کی حیثیت اور وقار کو مضبوط بنانے میں ٹھوس طریقے کار اپنائے ، جس میں افریقی یونین کو گروپ  کا مستقل  ممبربنانا   اور عالمی جنوب کے جی 20 کے نتائج  کو خاطر خواہ اہمیت دے کر ٹھوس کارروائی  شامل ہے ، انہوں نے مزید کہا کہ افریقی یونین  اب  مستقل طور پر جی 20 کا حصہ رہے گی۔ انہوں نے کہا کہ عالمی جنوب کی آواز کو مضبوط کرنے اور اپنے اور انسانیت کے مستقبل کے لیے اکٹھے ہونے کے لیے مزید کوششیں کرنے کی ضرورت ہے۔

ہندوستان کی  جی 20 صدارت کے دوران،  جی وی سی ایس کو لچکدار اور جامع بنانے کے لیے جی 20 عمومی فریم ورک کو اپنایا گیا تھا تاکہ سی وی سی ایس کو لچکدار اور جامع بنایا جا سکے، انہوں نے مزید کہا کہ یہ فریم ورک تیار کیا گیا ہے، اس بات کو ذہن میں رکھتے ہوئے کہ کس طرح عالمی جنوب کے ممالک نہ صرف ایک عالمی مالیاتی نظام بن سکتے ہیں۔ بلکہ عوام کے لئے زیادہ خوشحالی پیدا کرنے کے لئے  ویلیو چین کو بھی آگے بڑھا سکتے ہیں۔ انہوں نے کہا کہ یہ فریم ورک تمام  شراکت داروں کے درمیان شفافیت اور اعتماد کو فروغ دیتا ہے، ساتھ ہی ساتھ ویلیو چینز میں شامل ممکنہ خطرات کی توقع اور تخمینہ لگانے کی اجازت دیتا ہے۔ انہوں نے اس بات کی  نشاندہی کی کہ فریم ورک کے اہم تعمیراتی بلاکس ڈیٹا کا تجزیہ اور نمائندگی ہیں۔ اس بلڈنگ بلاکس کو شامل کرکے، فریم ورک ہر ایک ملک کے لیے  جی وی سی لچک کے لیے اہم شعبوں اور مصنوعات کی شناخت میں مدد کرسکتا ہے۔ انہوں نے شرکت کرنے والے ممالک پر زور دیا کہ وہ اس نقشہ سازی کے فریم ورک کو اپنائیں کیونکہ وہ سیکٹر اور مصنوعات کی سطح دونوں پر اپنی صلاحیتوں اور اپنے جی وی سی ایس کا جائزہ لینے کے ساتھ ساتھ کھلنے والے مواقع کی نشاندہی کرنے کی مشق کرتے ہیں، انہوں نے مزید کہا کہ یہ فریم ورک، ایک بار  لاگو ہونے کے بعد، لچک اور شمولیت سے متعلق چار اہم خدشات کو دور کرنے کی صلاحیت رکھتا ہے۔

عالمی جنوبی کے حوالے سے، پہلی ضرورت عالمی قدر کی زنجیروں کی نشاندہی کرنے کی ہے، جہاں ہر ایک ملک نہ صرف اپنی شراکت داری کو بڑھانے پر توجہ دے سکتا ہے، بلکہ ویلیو چین کو آگے بڑھا کر اپنی شرکت کے معیار کو بھی بہتر بنا سکتا ہے۔ اس سے انہیں جی وی سی ایس کے ہائی ویلیو ایڈڈ حصوں کا سب سے بڑا حصہ میں شرکت کرنے میں مدد ملے گی۔ دوسرے یہ کہ ، ا نہوں نے کہا، یہ جی وی سی ایس کو قدرتی اور انسان  کے بنائے ہوئے دونوں جھٹکے برداشت کرنے  جی وی سی ایس کی مددکرے گا۔ سوئم یہ کہ  بین الاقوامی منڈیوں اور تجارت میں ہماری  چھوٹی اور درمیانی درجے کی صنعتوں کا بہتر انضمام ہوسکے گا۔ آخر میں، یہ ہمارے لاجسٹک بنیادی ڈھانچے میں موجود خلا کو دیکھنے میں ہماری مدد کرے گا۔ ان اہم خلاء کو پُر کرنے سے عالمی تجارت میں عالمی جنوب کے مزید انضمام اور شرکت میں مدد ملے گی، انہوں نے کہا کہ اگر ہم اس پر مل کر کام کرتے ہیں تو ہم تبدیلی کے اثرات کو تیز کر سکتے ہیں جس سے ہماری تجارت مجموعی ترقی اور خوشحالی پر اس کا اثر  پڑ سکتا ہے۔ اور خاص طور پر پائیدار ترقی کے اہداف کے حصول پر بھی اثر پڑسکتا ہے۔ مثال کے طور پر، جنوب جنوب تجارت میں 9 گنا اضافہ ہوا۔ یہ اضافہ1995 میں 600  ارب  امریکی ڈالر تھا جو  2021 میں بڑھ کر 5.3 ٹریلین امریکی ڈالر تک پہنچ گیا۔ اس تجارت سے کئی ملکوں کی معاشی ترقی اور لچک پر بڑا اثر پڑا۔

 جناب  گوئل نے کہا کہ ہندوستانی صدارت کے دوران، جی 20 نے ترقی پذیر ممالک، خاص طور پر کم ترقی یافتہ ممالک کو عالمی تجارت میں مؤثر طریقے سے حصہ لینے کے قابل بنانے کے لیے تجارتی پہل کے لیے امداد کے طور پر ڈبلیو ٹی او کی اہمیت کو بھی تسلیم کیا ہے، جس میں مقامی قدر میں اضافہ بھی شامل ہے۔ مسلسل کوششوں کی وجہ سے،  جی 20نے ضروری وسائل کی بہتر نقل و حرکت پر زور دیا۔ انہوں نے مزید کہا کہ اس سلسلے میں، ہمیں عالمی جنوب سے اپنے تمام عزیز دوستوں کی حمایت حاصل ہے، اس پر اور ڈبلیو ٹی او کو موثر عمل درآمد کے لیے جاری رکھیں گے۔

جناب گوئل نے نشاندہی کی کہ ہندوستان کی صدارت جی 20 ڈیجیٹل پبلک بنیادی ڈھانچے کے نظام کے لیے جی 20 فریم ورک لے کر آیا ہے۔ یہ براہ راست لوگوں کے لیے سماجی سطح پر خدمات کی فراہمی میں ڈی پی آئیز کے کردار کو تسلیم کرتا ہے۔ تجارت اور صنعت کے وزیر نے کہا کہ ہم منصفانہ اور مساوی عالمی تجارت کو بڑھانے کے لیے جدید ٹیکنالوجی کے استعمال پر بھی عمل پیرا ہیں۔ انہوں نے کہا کہ نئی دہلی کے رہنماؤں کا اعلامیہ دو پہلوؤں پر مرکوز ہے: پہلا، ایم ایس ایم ایز کی اہمیت اور ہماری معیشتوں میں ان کے کردار کو سمجھنا۔ ہم نے اپنی معیشت کو بین الاقوامی بنانے کی کوششوں میں بہت سے ممالک کو درپیش بڑے چیلنجوں کے طور پر تجارت سے متعلق معلومات اور مارکیٹ تک رسائی کی نشاندہی کی ہے۔ انہوں نے کہا کہ معلومات تک ناکافی رسائی کی وجہ سےایم ایس ایم ایز اکثر ممکنہ منڈیوں کی نشاندہی کرنے سے قاصر رہتے ہیں، انہوں نے مزید کہا کہ انہیں کاروباری مواقع، صارفین، حریفوں، تقسیم کے طریقہ کار، مقامی اصول و ضوابط اور ٹیکس کے بارے میں محدود معلومات ہیں۔ نتیجے کے طور پر، وہ مارکیٹ کے مواقع سے فائدہ اٹھانے سے قاصر ہیں جن کے لیے بڑی مقدار، مستقل معیار، یکساں معیار اور باقاعدہ فراہمی کی ضرورت ہوتی ہے۔ ہندوستانی  جی 20 صدارت کے تحت، ایم ایس ایم ایز کی معلومات تک رسائی کو بڑھانے کے لیے ایک جے پور کال کو بین الاقوامی تجارتی مراکز کی اپ گریڈیشن کے تصور میں اپنایا گیا ہے۔ جناب گوئل نے کہا کہ عالمی تجارت نے پورٹل کے ذریعے ہماری مدد کی، جو کاروبار اور تجارت سے متعلق معلومات حاصل کرنے والے ایم ایس ایم ایز کے لیے ون اسٹاپ ہب کے طور پر کام کرے گا۔ انہوں نے تمام شریک ممالک پر زور دیا کہ وہ عالمی تجارت میں اپنے ایم ایس ایم ایز کو بہتر طور پر مربوط کرنے کے لیے اس اقدام میں شریک ہوں۔

نئی دہلی میں حالیہ  جی 20  چوٹی کانفرنس کی کامیابیوں کو جاری رکھتے ہوئے، جناب گوئل نے کہا کہ اس نے تجارتی دستاویزات کی ڈیجیٹلائزیشن کو بڑھا کر تجارتی لاگت میں کمی پر توجہ مرکوز کی ہے۔ یہ دیکھا جاتا ہے کہ ملکی مقاصد کے لیے دستاویزات کی ڈیجیٹلائزیشن سے قطع نظر، بین الاقوامی تجارت کے لیے اہم دستاویزات کو ابھی بھی ڈیجیٹل نہیں کیا گیا ہے، کیونکہ ہموار بین الاقوامی تجارت کو فعال کرنے کے لیے ایک اہم دستاویز، ڈیڑھ بلین ڈالر براہ راست لاگت میں الیکٹرانک بل آف لیڈنگ کا زیادہ سے زیادہ نفاذ خود تقریباً چھ کی بچت کا باعث بن سکتا ہے۔  انہوں نے کہا۔ اس سلسلے میں، جی 20 نے تجارتی دستاویزات کی ڈیجیٹلائزیشن کے لیے 10 اعلیٰ سطحی اصول اپنائے ہیں۔ ان اصولوں نے عالمی سطح پر ایک وسیع پیمانے پر کاغذ کے بغیر تجارتی نظام کی حتمی منتقلی اور اسے اپنانے کا روڈ میپ بنایا۔ انہوں نے کہا کہ یہ تجارت کرنے کی لاگت کو کم کر کے تمام ترقی پذیر ممالک کو مستقل طور پر فائدہ پہنچا سکتا ہے۔

جناب گوئل نے اس بات کو اجاگر کیا کہ ہم کام کرنے کے طریقے اور مستقبل میں اسے کیسے کیا جائے گا اس میں بڑے پیمانے پر عالمی تبدیلی کے  دور سے گزر رہے ہیں ۔ انہوں نے کہا کہ کام کے مستقبل کا تعین صنعت  4.0، توانائی کی منتقلی اور نئے دور کی ٹیکنالوجیز سے کیا جائے گا۔ یہ عالمی کام کی جگہ اور افرادی قوت کی سطح پر تبدیلیاں لا رہے ہیں۔ انہوں نے مزید کہا کہ ہم نے اس بات پر اتفاق رائے پیدا کیا ہے کہ اس چیلنج سے کس طرح ایک جامع اور مساوی طریقے سے نمٹا جائے انہوں نے کہا کہ  اس بات کو یقینی بنانے کے لیے یہ ضروری ہے کہ عالمی جنوب کے ممالک تکنیکی تعلیم، تحقیق اور ترقی، ٹیکنالوجی کی تعیناتی اور متعلقہ خدمات میں تعاون کریں۔ یہ جنوب- جنوب تعاون ٹیکنالوجی اور خدمات سمیت مستقبل کی تجارت کی بنیاد کو مضبوط بنا  سکتا ہے۔ جیسا کہ سربراہی اجلاس کا نام اس بات پر زور دیتا ہے کہ یہ وقت ہے کہ عالمی جنوب کے ممالک ایک دوسرے کی طاقتوں اور صلاحیتوں کا فائدہ اٹھاتے ہوئے اعتماد اور باہمی احترام پر مبنی شراکت داری قائم کریں۔

********

ش ح۔  ح ا۔ رض

U. No.1119