وزیراعظم کا دفتر
وزیراعظم کی امریکہ کے وزیر خارجہ اور وزیر دفاع سے ملاقات
وزیر اعظم نے جامع عالمی اسٹریٹجک شراکت داری کے سہولت کار کے طور پر 2+2 فارمیٹ کا خیرمقدم کیا
وزرائے موصوف نے وزیر اعظم کے امریکہ کے سرکاری دورے اور صدر بائیڈن کے جی 20 سربراہ اجلاس کے موقع پر بھارت کے دورے کے بعد دوطرفہ تعاون میں پیش رفت پر روشنی ڈالی
انھوں نے مغربی ایشیا سمیت باہمی دلچسپی کے مختلف علاقائی اور عالمی امور پر تبادلہ خیال کیا
وزیر اعظم نے صدر بائیڈن کے ساتھ آئندہ تعامل کی توقع کا اظہار کیا
Posted On:
10 NOV 2023 8:22PM by PIB Delhi
امریکہ کے وزیر خارجہ جناب انٹونی بلنکن اور وزیر دفاع جناب لائیڈ آسٹن نے آج وزیر اعظم جناب نریندر مودی سے ملاقات کی۔
دونوں سکریٹریوں نے وزیر اعظم کو بھارت کے وزیر دفاع جناب راج ناتھ سنگھ اور وزیر خارجہ ڈاکٹر ایس جئے شنکر کے ساتھ 2+2 فارمیٹ میں اپنی بات چیت کے بارے میں آگاہ کیا۔
انھوں نے جون 2023 میں وزیر اعظم کے امریکہ کے سرکاری دورے اور نئی دہلی میں جی 20 سربراہ اجلاس کے موقع پر دونوں رہنماؤں کے درمیان ملاقات کے بعد دفاع ، سیمی کنڈکٹر ، ابھرتی ہوئی ٹکنالوجی ، خلائی ، صحت سمیت دوطرفہ تعاون کے مختلف شعبوں میں پیش رفت پر بھی روشنی ڈالی۔
وزیر اعظم نے تمام شعبوں میں گہرے تعاون پر اطمینان کا اظہار کیا اور کہا کہ بھارت اور امریکہ کے درمیان جامع عالمی اسٹریٹجک شراکت داری جمہوریت ، تکثیریت اور قانون کی حکمرانی کے احترام پر مبنی ہے۔
انھوں نے مغربی ایشیا میں جاری پیش رفت سمیت باہمی دلچسپی کے مختلف علاقائی اور عالمی امور پر بھی تبادلہ خیال کیا۔ انھوں نے ان مسائل پر بھارت اور امریکہ کے درمیان قریبی تعاون جاری رکھنے کی ضرورت پر زور دیا۔
وزیر اعظم نے صدر بائیڈن کو مبارکباد پیش کی اور کہا کہ وہ ان کے ساتھ تعامل جاری رکھنے کی توقع رکھتے ہیں۔
***
(ش ح – ع ا – ع ر)
U. No. 916
(Release ID: 1976283)
Visitor Counter : 81
Read this release in:
English
,
Marathi
,
Hindi
,
Manipuri
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam