తప్పుదారి పట్టించే ప్రకటనలు మరియు అన్యాయమైన వ్యాపార అభ్యాసానికిగాను ఖాన్ స్టడీ గ్రూప్ (కెఎస్‌జి)పై సెంట్రల్ కన్స్యూమర్ ప్రొటెక్షన్ అథారిటీ (సిసిపిఏ) ₹ 5 లక్షల జరిమానా విధించింది. దేశవ్యాప్తంగా వినియోగదారుల హక్కులను కాపాడేందుకు ఈ నిర్ణయం తీసుకుంది.

వినియోగదారుల రక్షణ చట్టం, 2019 ఉల్లంఘన దృష్ట్యా  చీఫ్ కమిషనర్ శ్రీమతి నిధి ఖరే నేతృత్వంలోని సిసిపిఏ  మరియు కమిషనర్ శ్రీ అనుపమ్ మిశ్రా.. ఖాన్ స్టడీ గ్రూప్ (కెఎస్‌జి)పై తప్పుదారి పట్టించే ప్రకటనలు మరియు తప్పుదారి పట్టించే క్లెయిమ్‌లను ప్రచారం చేయడం ద్వారా అన్యాయమైన వ్యాపార అభ్యాసానికి పాల్పడినందుకు గాను ఒక ఉత్తర్వు జారీ చేశారు.

ప్రతి సంవత్సరం యూనియన్ పబ్లిక్ సర్వీస్ కమిషన్ (యూపిఎస్‌సి) సివిల్ సర్వీసెస్ పరీక్ష ఫలితాలు వెలువడినప్పుడు, వివిధ ఐఏఎస్‌ కోచింగ్ ఇన్‌స్టిట్యూట్‌లు విజయవంతమైన అభ్యర్థులను తమ విద్యార్థులుగా పేర్కొంటూ  ప్రకటనలు జారీ చేస్తాయి. అభ్యర్ధులను ప్రభావితం చేయడానికి  కోచింగ్ ఇన్‌స్టిట్యూట్‌లు  టాపర్లు మరియు విజయవంతమైన అభ్యర్థుల చిత్రాలను మరియు పేర్లను ఉపయోగిస్తాయి. అయితే అభ్యర్థులు ఎంచుకున్న కోర్సులు లేదా వారు చెల్లించిన ఫీజులు & అలా హాజరైన కోర్సు యొక్క వ్యవధిని బహిర్గతం చేయవు.

అందువల్ల సిసిపిఏ స్వయంగా గుర్తించి వివిధ ఐఏఎస్ కోచింగ్ ఇన్‌స్టిట్యూట్‌లకు నోటీసులు జారీ చేసింది అందులో ఖాన్ స్టడీ గ్రూప్ వాటిలో ఒకటి.

ఖాన్ స్టడీ గ్రూప్ తన ప్రకటనలో ఈ క్రింది అంశాలను వెల్లడించింది-
 

1. ఎంపికైన 933 మంది విద్యార్థులలో 682 మంది కేఎస్‌జి నుండి ఉన్నారు.
2. యూపీఎస్‌సి సివిల్ సర్వీసెస్ పరీక్ష 2022 యొక్క టాప్ 5 విజయవంతమైన అభ్యర్థులందరూ కెఎస్‌జికి చెందినవారు.
3. యూపీఎస్‌సి ఆల్‌ ఇండియా మొదటి ర్యాంక్ సాధించిన ఇషితా కిషోర్ యూపీఎస్‌సి 2022 కెఎస్‌జికి చెందినవారు.
4. భారతదేశంలో జనరల్ స్టడీస్ మరియు సిఎస్‌ఏటి కోసం ఉత్తమ ఐఏఎస్‌ కోచింగ్ ఇన్స్టిట్యూట్.

సిసిపిఏ తన ప్రాథమిక విచారణలో కెఎస్‌జి వివిధ రకాల కోర్సులను ప్రచారం చేసిందని, అయితే యూపీఎస్‌సి పరీక్ష 2022లో ప్రకటించబడిన విజయవంతమైన అభ్యర్థులు ఎంచుకున్న కోర్సుకు సంబంధించిన సమాచారం ఆ ప్రకటనలో దాచబడిందని కనుగొంది. దీని ప్రకారం 03.08.2023 తేదీన ఖాన్ స్టడీ గ్రూప్‌కు నోటీసు జారీ చేయబడింది

ఇన్స్టిట్యూట్ తన ప్రతిస్పందనలో కెఎస్‌జి యొక్క ప్రేరేపిత ప్రకటనలో ప్రదర్శించిన 682 మంది విజయవంతమైన అభ్యర్థులలో 674 మంది ఉచిత ప్రోగ్రామ్ అయిన మాక్ ఇంటర్వ్యూ ప్రోగ్రామ్‌ను తీసుకున్నారని తెలిపింది.

ఒక తరగతి వినియోగదారుల హక్కులను రక్షించడం, ప్రోత్సహించడం మరియు అమలు చేయడం సిసిపిఏకి అప్పగించబడింది. అందువల్ల ఈ విషయంలో వివరణాత్మక దర్యాప్తు కోసం డీజీ (ఇన్వెస్టిగేషన్) సిసిపిఏ అభ్యర్థించబడింది. 682 మందిలో 8 మంది ఉత్తీర్ణులైన అభ్యర్థులు మాత్రమే మునుపటి సంవత్సరాల్లో అదనపు కోర్సులకు మార్గదర్శకత్వం తీసుకున్నట్లు దర్యాప్తు నివేదికలో కనుగొనబడింది. ఈ వాస్తవాన్ని వారి ప్రకటనలలో బహిర్గతం చేయలేదు. తద్వారా విజయవంతమైన అభ్యర్థులు తమ విజయానికి ఈ సంస్థకు రుణపడి ఉంటారని నమ్మేలా వినియోగదారులను మోసం చేస్తున్నారు.

యూపిఎస్‌సి సిఎస్‌ పరీక్ష 2022లో మొత్తం 5 మంది టాపర్‌లు అంటే ఇషితా కిషోర్ (ఎయిర్‌-1), గరిమా లోహియా (ఎయిర్‌-2), ఉమా హారతి ఎన్‌ (ఎయిర్‌-3), స్మృతి మిశ్రా (ఎయిర్‌-4) మరియు మయూర్ హజారికా (ఎయిర్‌-5) అని సిసిపిఏ కనుగొంది. వీరు  ఖాన్ స్టడీ గ్రూప్ నుండి మాక్ ఇంటర్వ్యూను మాత్రమే తీసుకున్నారు, ఇది ఉచితంగా అందించబడింది.

ఖాన్ స్టడీ గ్రూప్ వారి చిత్రాలను ప్రముఖంగా ప్రకటనలో ఉంచడం ద్వారా విజయవంతమైన అభ్యర్థి ప్రయత్నాలు మరియు విజయం యొక్క పూర్తి క్రెడిట్‌ను తీసుకుంటున్నట్లు కనుగొనబడింది. వ్రాత పరీక్ష మరియు ఇంటర్వ్యూలో స్కోర్ ఆధారంగా విజయం సాధించిన అభ్యర్థి ర్యాంక్ అనేది ఆధారపడి ఉంటుందని అందరికీ తెలిసిన విషయమే. అందువలన యూపీఎస్‌సి ఆశావహులు తప్పుదోవ పట్టించే ప్రకటనల ద్వారా ఆకర్షించబడవచ్చు.

ప్రెస్ ఇన్ఫర్మేషన్ బ్యూరో (పిఐబి) ద్వారా 23 మే, 2023 నాటి యూనియన్ పబ్లిక్ సర్వీస్ కమిషన్ (యూపీఎస్‌సి) పత్రికా ప్రకటన ప్రకారం యూపిఎస్‌సి సివిల్ సర్వీసెస్ ఎగ్జామినేషన్, 2022కి మొత్తం 11,35,697 మంది అభ్యర్థులు దరఖాస్తు చేసుకున్నారు. వీరిలో మొత్తం 13,090 మంది అభ్యర్థులు సెప్టెంబర్, 2022లో జరిగిన వ్రాత (మెయిన్) పరీక్షకు అర్హత సాధించారు. ఇంకా, మొత్తం 2,529 మంది అభ్యర్థులు పరీక్ష యొక్క వ్యక్తిత్వ పరీక్షకు అర్హత సాధించారు. చివరగా మొత్తం 933 మంది అభ్యర్థులను వివిధ సర్వీసులకు నియామకం కోసం కమిషన్ సిఫార్సు చేసింది. అందువల్ల సిఎస్ఈ 2022 యొక్క వ్యక్తిత్వ పరీక్షకు ఎంపికైన 2,529 మంది అభ్యర్థులలో అటువంటి ఎంపికైన ప్రతి 3 మంది అభ్యర్థులలో ఒకరు సిఎస్‌ఈలో తుది ఎంపికకు చేరుకునే బలమైన సంభావ్యత ఉంది.

సివిల్ సర్వీసెస్ పరీక్షలో ఉత్తీర్ణులైన అభ్యర్థులు మొత్తం 3 దశల పరీక్షలను క్లియర్ చేయాల్సి ఉంటుందనేది అందరికీ తెలిసిన విషయమే. అవి ప్రిలిమ్స్, మెయిన్ ఎగ్జామ్స్ మరియు పర్సనాలిటీ టెస్ట్ (పిటి). ప్రిలిమ్స్ అనేది స్క్రీనింగ్ టెస్ట్ అయితే, మెయిన్స్ ఎగ్జామ్స్ మరియు పర్సనాలిటీ టెస్ట్ రెండింటిలోనూ పొందిన మార్కులు చివరకు ఎంపిక కావడానికి లెక్కించబడతాయి. మెయిన్ పరీక్షలు మరియు పిటికి మొత్తం మార్కులు వరుసగా 1750 మరియు 275. ఈ విధంగా వ్యక్తిత్వ పరీక్ష యొక్క సహకారం మొత్తం మార్కులలో 13.5%. అభ్యర్థులు ఇప్పటికే ప్రిలిమినరీ మరియు మెయిన్స్ పరీక్షలను స్వయంగా ఉత్తీర్ణులయ్యారు. అందులో ఖాన్ స్టడీ గ్రూప్ సహకారం లేదు. ఈ ముఖ్యమైన వాస్తవాన్ని దాచడం ద్వారా ఇటువంటి తప్పుడు & తప్పుదారి పట్టించే ప్రకటనలు యూపీఎస్‌సి ఆశించే వినియోగదారులపై తీవ్ర ప్రభావాన్ని చూపుతాయి. ఖాన్ స్టడీ గ్రూప్ యూపిఎస్‌సి పరీక్ష యొక్క ప్రిలిమినరీ మరియు మెయిన్స్ పరీక్షలో ఇప్పటికే ఉత్తీర్ణత సాధించిన అభ్యర్థులకు మాత్రమే మార్గదర్శకత్వం అందించింది.
 

***