প্রধানমন্ত্রীগী লোইশঙ
প্রধান মন্ত্রী নরেন্দ্র মোদীনা ইরানগী রাস্ত্রপতীগা ৱারী শানখ্রে
লুচিংবা অনিনা নোংচুপ এসিয়া অমদি ইজ্রেল-হমাস মুক্নবগী অরুবা ফীভমশিংগী মতাঙদা ৱাখল্লোন ফোঙদোক্নখ্রে
মখোয়না ইরাং হন্থহনবা, অৱা অনা তারবশিংগী তেংবাং, ইং-তপ্পা অমদা ঙাকশেল হঞ্জিনহনবগী মথৌ তাবা ৱাফমশিং থম্নখি
লুচিংবশিংদুনা চাবহার হিথাংফম য়াওনা নাকল অনিগী ওইবা তেংবাংনবগী খোঙজেলবু তরাম্না ওক্নখি
Posted On:
06 NOV 2023 6:25PM by PIB Imphal
প্রধান মন্ত্রী শ্রী নরেন্দ্র মোদীনা ঙসি রিপব্লিক ওফ ইরানগী রাস্ত্রপতী HE দোক্তর সেয়েদ ইব্রাহিম রাইসীগা তেলিফোন্দা ৱারী শানখ্রে।
লুচিংবা অনিনা নোংচুপ এসিয়া অমদি ইজ্রেল-হমাস মুক্নবগী খুদোংথিনিংঙাই ওইবা ফীভমশিংগী মতাঙদা ৱাখল্লোন ফোঙদোক্নখি।
প্রধান মন্ত্রীনা তেরোরিস্তকী থৌদোকশিং, হাৎন শুনবা অমদি মীচম মীয়ামগী পুন্সি মাঙবগী মতাঙদা নুংনাংবা ফোঙদোকখি। মহাক্না ইজ্রেল-পেলেস্তাইন ৱাথোক্তা ভারতনা মতম কুইনদগী খোঙফম হোংদনা লেপ্লকখিবা খোঙফমবু অমুক নৌহৌননা পুখৎখি।
রাস্ত্রপতী রাইসীনা ফীভম অদুদা মহাক্না য়েংলিবা মীৎয়েঙসু থম্লকখি।
লুচিংবা অনিমক্না ইরাং কনখৎলকপা থিংবা, অৱাং অনা তারবশিংগী তেংবাং মখা চত্থবা অমদি ইং-তপ্পা অমসুং মরা চেৎপা ফীভম অমুক হঞ্জিনহনবগী তঙায় ফদবা ৱাফমশিং ফোঙদোক্নখি।
লূচিংবশিংনা মায়কৈ কয়া লোংবা নাকল অনিগী ওইবা মরীগী লৈরিবা খোঙজেলশিংবু য়েংশিল্লদুনা অফবা মায়কৈদা চৎলি হায়বা ৱাফম থম্নখি। মখোয়না রীজনেল কন্নেক্তিবিতীগী ফীভম ফগৎহন্নবগীদমক ইরান্দা চাবহার হিথাংফমগী থবক্তা মরুওইবা মীৎয়েঙ থম্লিববু তরাম্না ওকখি।
নাকল অনিনা লমদম অসোমদা ইং-তপ্পা, ঙাকশেল অমদি মরা চেৎপা পুরকপদা লৈনরিবা ৱাখল্লোনগী য়েংলগা মখা তানা পাউ ফাওননবু য়ানখি।
*****
(Release ID: 1975624)
Visitor Counter : 61
Read this release in:
Kannada
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Malayalam