নীতি আয়োগ
চাউখৎনবা অমসুং নুংঙাই-য়াইফনবা খুদিংমক কোনশিনবা ললোন-ইতিক্কী মতাংদা নিতি অয়োগনা শীন্দুনা ৱার্কশোপ পাংথোকখ্রে
Posted On:
07 NOV 2023 11:08AM by PIB Imphal
চাউখৎনবা অমসুং নুংঙাই-য়াইফনবা খুদিংমক কোনশিনবা ললোন-ইতিক থবকশিং অমসুং অৱা-অনা মায়োক্নবা ঙম্বা সপ্লাই চেনশিংগী মতাংদা নিউ দিল্লি লিদরস দিক্লারেসন(এন এদি এল দি) থবক ওইনা পাংথোক্নবা অমসুং লৈবাক শীনবা থুংনা য়ৌহন্নবা পান্দমদা “চাউখৎনবা অমসুং নুংঙাই-য়াইফনবা খুদিংমক কোনশিনবা ললোন-ইতিক্কী” মতাংদা নিতি অয়োগনা শীন্দুনা থিমেতিক ৱার্কশোপ অমা পাংথোকখ্রে। ভারতনা প্রসিদেন্ত ওইদুনা পাংথোকখিবা জি-২০ মীফমগী মখাদা নিউ দিল্লি লিদরস দিক্লারেসন মখা তানা থবক ওইনা পাংথোক্তুনা মীওই খুদিংমক নুংঙাইনবা অমসুং চাউখৎনবা অপুনবা ললোন-ইতিক্কী পাংথোক্নবা থিমেতিক ৱার্কশোপ অসি শীনবনি।
নিতি অয়োগকী সি.ই.ও, শ্রী বি.ভি.আর সুব্রাহমনয়ামনা হায়খি ললোন-ইতিক অসি চাউখৎপা অমসুং নুংঙাই-য়াইফবগী ইঞ্জিন অমা ওইনা মীচং-মীখাই নাইদবা অমসুং খুদিংমক কোনশিনবা ললোন-ইতিক্কী থবক অমা শেমগৎপা দরকার ওই। ভারতনা গ্লোবেল ভেলু চেন(জি ভি সি)দা পুনশিনবা আমসুং অনৌবা ললোন-ইতিক্কী থবকশিং খোঙজেল য়াংনা শীজিন্নবা দরকার ওইরে।
নিতি অয়োগকী মেম্বর দোক্তর অর্বিন্দ বিরমনিনা ‘মেপ্পিং গ্লোবেল ভেলু চেনস’ হায়না মিংথোনবা অহানবা সেসন্দা ৱা ঙাংবদা হায়খি মরুওইবা হিরমশিং হায়বদি শীন্মী য়াম্না দরকার ওইবা সপ্লাই চেনশিং, থৌশিল শেম্বা অমসুং তেক্স লৌবগী থবকশিং লাইহনবা, এম.এস.এম.ইশিংগীদমক শেন পীবা, রিফন্দ অমসুং এক্সপোর্ত ক্রেদিৎকী থবকশিং মপাঙ্গল কনখৎহনবা দরকার ওই। তোঙান-তোঙানবা এন্তি-দম্পিংগী ৱাফমশিং য়েংশিনবা অমসুং লৈবাকশিংগা লোয়ননা এফ.তি.এশিং মপাঙ্গল কনখৎহনবা দরকার ওই।
‘মেপ্পিং গ্লোবেল ভেলু চেন্স’ সেসন্দা অফবা সপ্লাই চেনশিংগীদমক অফবা লোজিস্তিক্স মপাঙ্গল কনখৎহনবা, চাংদম্নবা হেনগৎহন্নবা একচেঞ্জ রেত অশিন-অরাং তৌবা, এম.এন.সিশিংদগী মতম চানা খুৎথিংজিনবা, কুমুলেতিপ রুলস ওফ ওরিজিনগী প্রোভিজনশিং, চাংদম্নবা য়াবা শরুকশিং মশক খঙদোকপা, অরোনবা লৈতবা অমসুং খোঙ্গুল লীবা য়াবা জি.ভি.সিশিং, স্তার্দঅপশিং মেপ লৌবা অমসুং ললোন-ইতিক্কী থৌশিলগা উদোগকী থৌশিলগা পুনশিনবা হায়রিবা হিরমশিংদা মীৎয়েং থমখি।
‘চাউখৎনবা খুদিংমক কোনশিনবা ললোন-ইতিক’ হায়বা হিরমদা নিতি অয়োগকী মেম্বর প্রোফেসার রমেস চান্দনা চিয়ার লৌদুনা অনিশুবা সেসন পাংথোকখি। সেসন অদুদা খন্নখিবা মরুওইবা হীরমশিংদি- এল.দি.সিশিংগী কেপাসিতি অমসুং ইনফ্রাস্ত্রচর চাউখৎহনবা; নন-তারিফ বেরিয়রশিং হন্থহনবা; চাউখৎলক্লিবা অমসুং চাউখৎত্রিবা লৈবাকশিংগী এম.এস.এম.ইশিং ললোন-ইতিক পাংথোক্নবা মচাকশিং ফংহনবা; স্তেন্দার্দ থম্বা; তেক্নিকেল চাউখৎহনবা; অরোন-অথুপ লৈহন্দবা অমসুং ললোন-ইতিক্কী থবকশিংদা ক্লাইমেতকী অচুম্বা ৱাখল্লোনশিং পুশিল্লকপা অসিনি।
ৱার্কশোপ লোইশিনবগী শরুক্তা দব্লিউ.তি.ওগী হান্নগী দি.দি.জি দোক্তর হর্স বর্ধন্না চিয়ার লৌদুনা ‘খুদিংমক কোনশিনবা ললোন-ইতিক্কী থবক্তা থেংনরিবা খুদোংচাদবশিং’গী মতাংদা খন্নখি। ভারতকী মমাংঙৈদগী লৈরক্লবা মপান্দা থাদোকপা পোৎলমশিং হেনগৎহনবা; ললোন-ইতিক্কী থবকশিং নুপী শিন্মীশিং শরুক য়াবা হেনগৎহনবা; সপ্লাই চেন অমসুং ললোন-ইতিক্তা রাজ্য/জিলা থাক পুনশিনবা; জি.ভি.সিশিংদা এম.এস.এম.ইশিং পুনশিনবা; পুথোক-পুশিন অমসুং শেন-থুমগী মতেং পাংবা; নিউত্রি সিরয়েলশিং য়োকখৎতুনা অমসুং সর্বিস মপান্দা থাদোকপা হেনগৎহন্দুনা অইং-অশাগী খল হোংলকপা থেংনবা ঙম্বা লৌউ-শিংউ পায়খৎপা; ললোন-ইতিক্কী চে-চাংশিং দিজিতাইজ তৌবা অমসুং রিস্কিল্লিং অমসুং অপস্কিল্লিং য়াওনা স্কিল হেনগৎহনবদা মীৎয়েং চঙবা হায়রিবা হিরমশিং অসিদা মহাক্না পুক্নিং চিংশিনখি।
থবক ওইনা পাংথোকপা য়াবা লাল্লোংশিং শেম্নবা অমসুং লৈবাক অসি চাউখৎনবা অমসুং নুংঙাই-য়াইফনবা থৌরাংশিং থবক ওইনা পাংথোক্নবা ইথিল পীনবা নিউ দিল্লি লিদরর্স দিক্লারেসনগী মরুওইবা পান্দমশিংগী মতাংদা নিতি অয়োগনা শীন্দুনা থিমেতিক ৱার্কশোপশিং পরিং নাইনা পাংথোক্লি। অতোপ্পা থিমেতিক ৱার্কশোপশিং অদুগী হিরমশিংদি এস.জি.দি, তুরিজমগী রোদমেপ, দিজিতেল পব্লিক ইনফ্রাস্ত্রকচর, ভারত অমসুং অফ্রিকান য়ুনিয়ন মতেং পীনবা, চাউখৎনবা দেতা শীজিন্নবা, নুপীশিংনা লমজিংবা চাউখৎপা অসিনচিংবনি।
****
(Release ID: 1975608)
Visitor Counter : 68