‘‘گزشتہ سالوں میں، ملک کی ایک نئی قرارداد بھی ہمارے تہواروں کے ساتھ جڑی ہوئی ہے۔ آپ سب جانتے ہیں، یہ 'وکل فار لوکل' کی قرارداد ہے۔ پولی تھین کا نقصان دہ فضلہ ہمارے تہواروں کی روح کے خلاف ہے جو صفائی پر عمل پیرا ہیں۔ اس لیے ہمیں صرف مقامی طور پر تیار کردہ نان پلاسٹک بیگز کا استعمال کرنا چاہیے۔ تہواروں کے موقع پر ان کو فروغ دینا اور صفائی کے ساتھ ساتھ اپنی صحت اور ماحول کا خیال رکھنا ہمارا فرض ہے۔ – وزیر اعظم جناب نریندر مودی’’

دیوالی کا تہوار اب بہت قریب ہے اور ہر گھر اس تہوار کی خوشیوں سے بھر گیا ہے۔ دیوالی سے پہلے ہی لوگ گھروں میں صفائی  ستھرائی سے متعلق کاموں میں مصروف ہو جاتے ہیں، اس لیے صفائی ہر گھر کا مرکز بن جاتی ہے۔ دیوالی کے دوران صفائی ستھرائی  صرف گھروں تک محدود نہیں ہے بلکہ تمام کمیونٹیز اس بات کو یقینی بنانے کے لیے اکٹھے ہوں کہ تہوار منانے سے پہلے ہماری گلیوں، بازاروں اور محلوں کو صاف ستھرا رکھا جائے۔ پرانی اور غیر استعمال شدہ اشیاء کو نئی اشیاء سے بدلنا بھی اس تہوار کا روایتی حصہ رہا ہے۔ ایسے میں جب پورے ملک میں تہوار کا ماحول ہے، اسی مناسبت سے، مکانات  اور شہری امور کی وزارت  کے زیر اہتمام سوچھ بھارت مشن-شہری  2.0 نے 6 سے12 نومبر 2023 تک سوچھ دیوالی شبھ دیوالی مہم شروع کی ہے ۔ اس مہم کا مقصد سوچھ بھارت یاترا اور لائف اسٹائل فار انوائرمنٹ (مشن لائیف ای) کے اصولوں کے ساتھ ساتھ دیوالی کی ثقافتی اہمیت کو اجاگر کرنا ہے۔

مشن لائیف ای کے بنیادی اصولوں کا اعادہ کرتے ہوئے، جس کا مقصد ماحول کی حفاظت اور تحفظ کرنا ہے، طرز زندگی میں کرہ ارض  کے موافق طرز عمل میں تبدیلیاں لانا ہے، سوچھ دیوالی، شبھ  دیوالی کا تصور صاف  ستھری اور ماحول دوست تقریبات کی اہمیت پر زور دیتا ہے۔ اس اقدام کا مقصد ہر ایک کو مقامی طور پر تیار کردہ مصنوعات کا انتخاب کرنے، صرف ایک بار  استعمال کے پلاسٹک سے پاک دیوالی منانے اور دیوالی سے پہلے اور بعد میں صفائی کو ترجیح دینے کے لیے حوصلہ افزائی کرکے ماحول اور برادریوں کے تئیں  جذبات پیدا کرنے اور ذمہ دار بننے کی ترغیب دینا ہے۔ ایسا کرنے سے، مہم تہوار کے لیے ایک پائیدار اور ماحولیات کے حوالے سے شعوری نقطہ نظر کو فروغ دینے کی ایک پہل ہے۔

مشن نے 'سوچھ دیوالی شبھ دیوالی' سگنیچر مہم کے لیے حکومت کے شہری مشغولیت پلیٹ فارم مائی جی او وی  کے ساتھ شراکت کی ہے۔ اس کے تحت شہریوں کی حوصلہ افزائی کی جا رہی ہے کہ وہ قومی سگنیچر مہم میں حصہ لیں تاکہ صاف، سبز اور واحد استعمال  والےپلاسٹک سے پاک دیوالی منانے کے لیے اپنے عزم اور عہد کا مظاہرہ کریں۔ تمام شہری 6 سے 12 نومبر 2023 تک مائی جی او وی  پر سوچھ دیوالی کے لیے سائن اپ کر سکتے ہیں۔ وہ سوچھ دیوالی کے لیے اپنی منفرد پہل کو 30 سیکنڈ کی ویڈیو ریل میں قید  کر  سکتے ہیں اور اسے #سوچھ دیوالی  کے ساتھ اپنے پسندیدہ سوشل میڈیا پلیٹ فارم پر اپ لوڈ کر سکتے ہیں اور SBM Urban 2.0 – @sbmurbangov are کے آفیشل ہینڈل کو ٹیگ کر سکتے ہیں۔ مزید، شہری بلدیاتی اداروں سے درخواست کی گئی ہے کہ وہ دیوالی سے پہلے اور بعد میں صفائی سمیت ا سموگ کو ہٹانے جیسی سرگرمیاں شروع کریں۔

مختلف شہری گروپس اس سگنیچر مہم کو مقبول بنائیں گے تاکہ صاف اور سبز دیوالی منانے کے لیے شہریوں کی شرکت کو آسان بنایا جا سکے۔ مرکزی وزارتیں، ریاستی حکومتیں، مرکز کے زیر انتظام علاقے، تمام سرکاری دفاتر، ضلعی انتظامیہ اور مقامی ادارے مل کر کچرے کو الگ کرنے، کم کرنے، دوبارہ استعمال کرنے اور ری سائکل  کرنے کے اصولوں کو اپناتے ہیں۔ فلاحی انجمنیں، وارڈ کمیٹیاں، اپنی مدد آپ گروپس، این جی اوز اور یوتھ کلب بشمول سی ایس اوز اس پہلو کے بارے میں بیداری پیدا کرنے کے لیے شامل ہوں گے۔ فضائی آلودگی سے متاثرہ شہروں میں خراب ایئر کوالٹی انڈیکس (اے کیو آئی) کو صفائی کے کارکنوں کے لیے خصوصی دیکھ بھال اور حفاظتی انتظامات کو یقینی بنانا چاہیے۔ صفائی کے کارکن چہرے کے ماسک اور آنکھوں کے حفاظتی پوشاک تقسیم کر سکتے ہیں۔ دیوالی کی تقریبات کو خاص بنانے کے لیے انہیں مقامی طور پر تیار کردہ مصنوعات بھی تحفے میں دی جا سکتی ہیں۔

۔۔۔۔۔۔۔۔۔۔۔

ش ح۔ ا م۔

U- 726