U Myntri Sorkar Pdeng ba dei khmih ia ki tnat Petroleum & Natural Gas bad Housing & Urban Affairs, u Hardeep Singh Puri u la ong, “Katkum ka jingieng skhem u Myntri Rangbah Duh, u Narendra Modi na ka bynta ka thain shatei lammihngi, ka Sorkar bad ki kynhun public enterprise kum ka ONGC ki ieng skhem ban kyntiew ia ka jingim ha ka thain shatei lammihngi.” U la ong ia kane ha ka prokram ba la long ha Sivasagar, Assam, hadien ba u la plie paidbah ia ka hospital multi-speciality ba ai jingkyrshan ka ONGC ha kane ka jaka. Ha kane ka prokram la wan iashim bynta lang da u Myntri Khynnah ki tnat Petroleum and Natural Gas bad Labour and Employment, u Rameshwar Teli, u Chairman bad CEO, ONGC, u Arun Kumar Singh, bad ruh ki ophisar na ka Sorkar Assam bad ka ONGC.

183. ka jingai jingkren jong u, u Myntri u la ong ba ki jingdon jingem katkum ka juk mynta bad ki tiar ai jingsumar jong ka Siu-Ka-Pha hospital ki long kiwei na kiba bha tam ha ka ri bad ba kane kan ai jingiarap bha ia ki briew jong ka Upper Assam, bad ruh ki briew na ki jylla ba marjan kum ka Nagaland, Mizoram bad Arunachal Pradesh. Ha kine ki snem ban wan, la antad ba ka Siu-Ka-Pha hospital kan ai jingsumar ia kumba 1 lak ki nongpang ha ka shi snem, u la ong.

U Myntri Khynnah ka tnat Petroleum and Natural Gas, u Rameswar Teli, u la ong “Ka Siu-Ka-Pha Hospital, kaba la shna kum kawei na ki kam CSR ba heh tam jong ka ONGC, ka long kaba ai ki jingsumar katkum ka juk mynta bad kane kan iarap shisha ia ki briew na kane ka thain.”

Ia kane ka Multi Speciality Hospital la shna ha ka jingbei tyngka kaba T 483.19 klur, kaba long ka dak jong ka jingtrei ka ONGC ban kyntiew ia ka imlang sahlang ha ki jaka ba ka pyntreikam. La antad ba kane ka jaka ai jingsumar kan ai jingshakri ia kumba 1 lak ngut ki nongpang ha ka shi snem.

Ia kane ka hospital yn pyniaid da u Dr. Babasaheb Ambedkar Vaidyakiya Pratisthan (BAVP).

Kane ka hospital ka don ha ka jaka kaba palat 35 acre, ka don 300 tylli ki jingthiah nongpang, bad ka kynhun jong 70 ngut ki doktor ba la pyntbit bad ka ai shibun ki jingshakri ha ka jingsumar kiba kynthup ka Orthopaedics, Trauma, Paediatric & NICU, Obstetrics, Gynaecology, ENT, Skull base Surgery, Physiotherapy, Rehabilitation, bad advanced diagnostics. Ka don ia ki modular operating theater, ka critical care unit bad telemedicine, kaba pyniasoh ia ki nongpang bad ki nongai jingsumar ba la pyntbit na kylleng ka ri.

Ka ONGC Siu-Ka-Pha Multi Specialty Hospital ka pynkhlain shuh shuh ia ki lad ai jingsumar ha Assam bad ki jaka hajan jong ka. Ki briew kin ym donkam ban leit sha Dibrugarh ban ioh jngsumar.

Ha ryngkat ka thong ba nyngkong kaba long ka jingpynbiang ia ki lad ai jingsumar, ka ONGC Siu-Ka-Pha Multi Specialty Hospital kan don ka bynta kaba khraw ha ka jingplie lad ioh kam bad ki lad kamai jakpoh ha kane ka thain. Ka long kum ka dak jong ka jingkiew shaphrang, ka roi ka par bad ka bha ka miat jong ki briew ka Sivasagar.

Ka ONGC Siu-Ka-Pha Multi Specialty Hospital ka la aiti ialade sha ka jingai jingsumar katkum ka juk mynta ia ki briew ka Assam ki bym ioh lad ban ioh ia kane mynshuwa.

*****