পেত্রোলিয়ম এন্দ নেচরেল গ্যাস অমদি হাউজিং এন্দ অর্বান এফ্যার্সকী কেন্দ্র মন্ত্রী শ্রী হরদীপ সিংহ পুরিনা হায়, “প্রধান মন্ত্রী মোদীনা অৱাং-নোংপোক্তা য়েংলিবা মীৎয়েঙনা মথৌ হাপ্তুনা, লৈঙাক অমদি ONFC গুম্বা লৈঙাক্কী এন্তরপ্রাইজশিংনা অৱাং নোংপোক্কী পুন্সি মহিং ফগৎহন্নবা লেপ্লি‍।” ৱাফম অসি মহাক্না অসামগী সিবসাগরদা MNGC-সপ্পোর্তেদ মল্তি-স্পিসিএল্তী হোস্পিতাল শঙ্গারবা মতুংদা ফোঙদোকখিবনি‍। থৌরমদুদা পেত্রোলিয়ম অমদি নেচরেল গ্যাস, লেবর অমদি এমপ্লোইমেন্তকী কেন্দ্রগী রাজ্য মন্ত্রী শ্রী রামেস্বর তেলী, ONGC গী চেয়রমেন অমদি CEO শ্রী অরুন কুমার সিংহ লোয়ননা অসাম লৈঙাক অমসুং ONGC গী মকোক থোংবা ওফিসিএলশিংসু শরুক য়াখি‍।

তিল্লিবা মীয়ামগী মফমদা ৱা ঙাংলদুনা, সিউ-কা-ফা হোস্পিতালদা থম্লিবা মতমগা চুনবা মচাক মথুম অমদি মেদিকেলগী খুৎশু খুৎলায়শিং অসি লৈবাকসিগী খ্বায়দগী ফবশিংগী মনুং চনবনা অপ্পর অসামগী মীয়ামদা কান্নবা পীবখক নত্তনা, য়ুমলোন্নবা স্তেত নগালেন্দ, মিজোরম অমদি অরুনাচল প্রদেশগী মীয়ামদসু কান্নবা পীরগনি হায়না মন্ত্রীনা হায়খি‍। লাক্কদৌরিবা চহিশিংদা সিউ-কা-ফা হোস্পিতাল অসি চহিদা অনাবা মীওই লাখ অমরোমদা লায়েং পীগনি হায়না পানরি, হায়না মহাক্না মখা তাখি‍।

পেত্রোলিয়ম অমদি নেচরেল গ্যাসকী কেন্দ্রগী রাজ্য মন্ত্রী, শ্রী রামেস্বর তেলীনা হায়, “ONGC গী খ্বায়দগী চাউবা CSR শিংগী মরক্তা অমা ওইনা শাগৎখিবা সিউ-কা-ফা হোস্পিতাল অসিদা খ্বায়দগী নৌবা হেল্থকেয়র সর্ভিসশিং ফংহন্দুনা য়াম্না খুমাঙ চাওশিনবা লায়েংশঙ অমা ওইনা লমদম অসোমগী মীয়ামদা মরম কয়াদা কান্নবা পীগনি”‍।

মল্তি স্পিসিএল্তী হোস্পিতাল অসি পুন্না লুপা করোর ৪৮৩.১৯ চঙনা ONGC না মখোয়না থবক তৌরুরুবা মফমদুগী মীয়ামগী পুন্সি ফগৎহন্নবগী লেপ্লিবা খোঙফম উত্তুনা শাগৎপনি‍। ফেসিলিতী অসিনা চহিদা অনাবা মীওই লাখ অমা হেনবদা হেল্থকেয়র সর্ভিস পীরবা য়াই হায়না পানরি‍।

লায়েংশঙ অসি দোক্তর বাবাসাহেব অম্বেদকর বৈদ্যকিয়া প্রতিস্থান্না (BAVP) য়েংশিনগনি অমদি চলাইগনি‍।

একর ৩৫ পাক চাউনা শন্দোক্তুনা লৈরিবা স্তেত-ওফ-দি-আর্ত লায়েংশঙ অসিদা ফমুং ৩০০, অমদি স্পিসিএলাইজ দোক্তর ৭০গী কাঙবু অমা লৈদুনা ওর্থোপেদিক্স, ত্রোমা, পেদিয়াত্রিক্স অমদি NICU, ওব্সতেত্রিক্স, গাইনেগোলোজী, ENT স্কল বেজ সর্জরী, ফীজিওথেরাপী, রিহেবিলিতেসন, অমদি খুমাঙ চাওশিল্লবা দাইগ্নোস্তিক্স য়াওনা মপুং ফাবা মেদিকেল সর্ভিসশিং ফংহল্লি‍। মসিদা মোদুলর ওপরেতিং থিএতরশিং, ক্রিতিকেল কেয়র য়ুনিৎ অমা, অমদি লৈবাক পুম্বা অনাবশিংবু স্পিসিএলিস্ত হেল্থকেয়র  প্রোভাইদরশিংগা শম্নহনগদবা তেলিমেদিসিনসু য়াওরি‍।

ONGC সিউ-কা-ফা মল্তি-স্পিসিএল্তী হোস্পিতাল অসি অসাম অমদি অকোয়বগী মফমশিংদা হকশেলগী লেন্দস্কেপ্তা চাউনা অহোংবা পুরক্কদবা নৌনা হাপচিল্লকপা অমনি‍। অনা লায়েংগীদমক, মফমসিগী মীয়াম্না দিব্রুগর চৎলুবগী মথৌ তাদ্রে‍।

হেল্থকেয়র সর্ভিস ফংহনবগী মরুওইবা পান্দমগী মথক্তা, ONGC সিউ-কা-ফা মল্তি-স্পিসিএল্তী হোস্পিতাল অসিনা লমদমসিদা থবক পীবা অমদি শেন্মিৎলোন মথৌ হাপ্পদা মরুওইবা থৌদাংসু লৌগনি‍। মসিনা সিবসাগরগী মীয়ামগী চাওখৎপা, খুমাঙ চাওশিনবা অমদি নুংঙাই য়াইফবগী মতৌ উৎলি‍।

ONGC সিউ-কা-ফা মল্তি-স্পিসিএল্তী হোস্পিতাল অসি অসামগী শেন্মিৎলোনগী ফীভম শোত্থহৌরবা মীওই কাঙলুপশিংদা অফবা হকশেলগী সর্ভিস পীননবা লেপ্লি‍।

*****