মিলিতরী ইঞ্জিনিয়র সর্ভিস ( এম.ই.এস.) কী প্রোবেসনরশিংগা ভারতকী রাস্ত্রপতী, শ্রীমতি দ্রৌপদী মুর্মুগা, ঙসি (নোভেম্বর ৩, ২০২৩) রাস্ত্রপতি ভভন্দা উনখ্রে।

ওফিসরশিংদা ৱা ঙাংলদুনা, রাস্ত্রপতীনা হায়খি মদুদি ইঞ্জিনিয়র অমগী থৌদাং অসি কালকুলেসন, দিজাইনিং অমসুং কন্সত্রক্সন্দা লোইবা নত্তে। মসি য়াম্না পাক চাউই অমসুং মসিদা কাংলুপশিংবু নকশিন্নহনবা, মঙলান কয়া মশক খঙদোকপা, অমসুং তুংলমচৎকীদমক্তা শেম শাবা য়াউরি। মহাক্না নৌরিবা ওফিসরশিংদা হায়খি মদুদি মখোয়দা অকনবা অমসুং কুইনা চৎকদবা ফিজিকেল ইনফ্রাস্ত্রকচর শানবগী পাঙ্গল লৈ।

ইনভাইরোন্মেন্তেল চেলেঞ্জ অমসুং ক্লাইমেৎ চেঞ্জকী ইসুশিংগী মতাংদা ৱা ঙাংলদুনা, রাস্ত্রপতীনা এম.ই.এস. ওফিসরশিংগী মথৌদি ইকো-ফ্রেন্দলি ওইবা, কুইনা চৎকদবা স্ত্রকচরশিং দিজাইন তৌবা অমসুং শাবনি অমসুং রিন্যুএবল এনর্জী শিজিন্নবা হেনগৎনবা হোৎনবনি হায়খি। হৌজিক্তি গ্রীন ইঞ্জিনিয়রিংগী তঙাই ফদবা লৈরে। এম.ই.এস. না অতোপ্পা খোঙথাং কয়া শিজিন্নদুনা নেস্নেল কার্বোন ফুৎপ্রিন্তশিং হন্থহনবদা থৌদাং লৌরি হায়বসি তাবদা মহাক্না নুংঙাইবা ফাওখি। মহাক্না এম.ই.এস. কী নৌরিবা ওফিসরশিংনা অনৌবা ৱাখল্লোনশিং, অনৌবা এনর্জী অমসুং থৱাই য়াওনা হোৎনবা কয়াদগী এফর্তশিং অসিবু মখা তানা চৎথখিগনি হায়বগী থাজবা ফোংদোকখি।

খ্বাইদগী নৌবা অমসুং চাউখৎপা তেক্নোলোজীশিং শিজিন্নবা হায়বসি লম খুদিংমক্তা, অখন্ননা ইঞ্জিনিয়রিংগী লমদা, য়াম্না মরু ওই হায়না রাস্ত্রপতীনা হায়খি। মহাক্না এম.ই.এস. কী ওফিসরশিংদা লেপ্তনা চাউখৎলক্লিবা অসিগী খ্বাইদগী মাংজিল থানবা অমসুং মখোয়গী থবক থৌরমশিংদা খ্বাইদগী নৌবা এদবান্সমেন্তশিং পুরক্ননবা পাউতাক পীখি।

রাস্ত্রপতীনা হায়খি মদুদি মালেমগী থাক্কী হীরম কয়াদা ঐখোয়গী লৈবাক অসিনা  অনৌবা বেন্সমার্কশিং থম্লকপা মতমদা, আর্ম ফোর্সেশিং অমসুং লৈবাক্কীদমক্তা কৎথোকপগী থবকশিংদা মখোয়সু শরুক অমা ওইরি অমসুং মসিনা লৈবাক্কী অমসুং মালেমগী থাক্তা থোক্লিবা অহোংবশিংদা চুশিন্ননবা হোৎনরি হায়বসিদা চাউথোকচগদবনি। ইমালৈবাক্কীদমক্তা থৱাই কৎথোক্নবা শেম শাদুনা মতম পুম্বদা লৈরিবা থৌনা ফরবা লান্মীশিংদা সর্ভিস অমসুং সপোর্ত পিবগী খুদোংচাবা অমা ফংবা অসি মখোয়গী লাইবক ফবনি।  

রাস্ত্রপতীগী স্পীচ য়েংননবগীদমক চানবীদুনা মসিদা নম্বীয়ু

***