ইনফোর্মেসন অমসুং ব্রোদকাস্তিং মন্ত্রালয়
azadi ka amrit mahotsav g20-india-2023

পাইরেসীনা মরম ওইরগা ইন্দস্ত্রীদা চহিদা লুপা করোর ২০,০০০গী শেনফম মাঙলকপনা ফিল্ম পাইরেসী লাকশিন্নবা অচৌবা থবক পায়খৎলে


পাইরেতেদ ফিল্ম হাপ্পা ৱেবসাইত/এপ/লিঙ্ক অমা হেক্তবু হকথেংননা থিংজিন্নবা/লৌথনবা CBFC অমদি I&B ওফিসরশিংদা অয়াবা পীখ্রে

Posted On: 03 NOV 2023 1:20PM by PIB Imphal

পাইরেসীনা মরম ওইরগা ফিল্ম ইন্দস্ত্রীদা চহিদা লুপা করোর ২০,০০০ ফাওবগী চাংদা মাঙলকপগা লোয়ননা ইনফোর্মেসন অমদি ব্রোদকাস্তিং মন্ত্রালয়না লৈবাকসিদা ফিল্ম পাইরেসী থিংননবা অকনবা খোঙথাঙ লৌখৎলে‍। চহি অসিগী নোংজু মীফম মনুংদা পার্লিয়ামেন্তনা সিনেমাতোগ্রাফ (এমেন্দমেন্ত) এক্ত, ১৯৫২ পাস তৌখ্রবা মতুংদা, ইনফোর্মেসন অমদি ব্রোদকাস্তিং মন্ত্রালয়না পাইরেসীগী মায়োক্তা ৱাকৎ লৌশিন্নবা অমদি দিজিতেল প্লেৎফোর্মশিংদা পাইরেত তৌরকপা মচাকশিং লৌথোক্নবা ইন্তরমেদিয়রীশিংদা পাউতাক পীননবগীদমক নোদেল ওফিসরশিংগী ইন্সতিত্যুস্নেল মেকানিজম লিংখৎলে‍।

হৌজিক ফাওবগী ওইনা কোপীরাইত এক্ত অমদি IPCগী মখাদা আইনগী ওইবা থবক লৌখৎপা নত্তনা পাইরেত তৌরকপা ফিল্ম কন্তেন্তশিং হকথেংননা লৌথোক্নবা ইন্সতিত্যুস্নেল মেকানিজম অমত্তা লৈত্রি‍। ইন্তরনেৎ মরাঙ কায়না শীজিন্নরকপা অমদি মী অয়াম্বনা ফিল্মগী ওইবা মচাকশিং লেম্না য়েংবা পাম্নবনা, পাইরেসী চাউনা থোক্লি‍। মথক্তা পনখিবা খোঙথাঙ অসিনা পাইরেসীগী মতাঙদা ইনফোর্মেসন অমদি ব্রোদকাস্তিং মন্ত্রালয়না খুদক্তা থবক লৌখৎপা য়াহনগনি অমদি ইন্দস্ত্রীদা মতেঙ ওইরগনি‍।

বিল অসিনা চহি খুদিংগী ফিল্ম অমদি এন্তরতেন্মেন্ত ইন্দস্ত্রীদা পাইরেসীনা লুপা করোর লিশিং কুন হেনবগী শেনফম মাঙহল্লি হায়রি‍। ফিল্ম অমা পুথোরকপদা চহি কয়া চঙনা হোৎনরকপবু পাইরেসীনা মাঙহল্লি‍। হায়রিবা ফীভম অসিগী মায়োক্তা থবক লৌখৎনবগীদমক, ইন্দস্ত্রীনা তরাম্না ওকখিবা এক্ত অসি লৈঙাক্না পাস তৌখিবনি‍। এক্ত অসিনা ফিল্ম ইন্দস্ত্রীনা মতম কয়াদগী তান্দুনা লাক্লিবা থৌরাং অমা ওইনা ফিল্ম পাইরেসী লাকশিন্নবা পান্দম থম্লি অমদি নোদেল ওফিসরশিং হাপ্পা অসি মায়কৈ অসিদা অচৌবা খোঙথাঙ অমনি‍।

এক্ত অসি, ইকোন কোন্না ১৯৮৪দা চাউনা শেমদোকখ্রবা মতুংদা দিজিতেল পাইরেসী য়াওনা ফিল্ম পাইরেসী থিংননবগী ৱাফমশিং হাপচিন্দুনা চহি ৪০গী মতুংদা শেমদোকপনি‍। শেমদোকপা অসিদা য়ামদ্রবদা থা অহুম কৈশুমশঙদা থম্বা অমদি লুপা লাখ ৩গী ফাইন, চহি ৩ ফাওবা কৈশুমশঙদা থম্বা অমদি ওদিত তৌরবা অপুনবা পুথোকখিবগী শেঞ্জংগী ৫% ফাওবগী ফাইন য়ৌনা শাংদোকপা য়াবা অকনবা চৈরাক য়াওরি‍।

কনানা এপ্লাই তৌবা য়াগনি?: মসিগীদমক কোপীরাইত হোল্দর অমা হেক্তা নৎত্রগা মখোয়না অয়াবা পীরবা মীওই অমা হেক্তনা পাইরেত তৌরকপা মচাক লৌথনবা নোদেল ওফিসরদা চে থাবা য়াগনি‍। করিগুম্বা ৱাকৎ অমা কোপীরাইত পায়দবা মীওই অমনা নৎত্রগা কোপীরাইত পায়রিবা মীওইদুনা অয়াবা পীবা মীওই নত্তবা অমনা থাঙ্গৎলক্লবদি, নোদেল ওফিসর অদুনা পাউতাক পীদ্রিঙৈ মমাঙদা ৱাকৎ অদু অচুম্বনি হায়বা লেপথোক্নবা কেস কেসকী মতুং ইন্না হীয়রিং চত্থগনি‍।

নোদেল ওফিসরদগী আইনগী মখাদা পাউতাক ফংলবা মতুংদা, দিজিতেল প্লেৎফোর্ম অদু পুং ৪৮গী মনুংদা পাইরেত তৌরকপা মচাক থাগৎলিবা ইন্তরনেৎ লিঙ্ক অদু শোয়দনা লৌথোক্কদবনি‍।

২০২৩গী নোংজু মীফম মনুংদা পার্লিয়ামেন্তনা পাস তৌখিবা সিনেমাতোগ্রাফ (এমেন্দমেন্ত) এক্ত, ২০২৩ (১২ ওফ ২০২৩) অসিনা অয়াবা য়াওদনা ফিল্ম রেকোর্দিং তৌবা অমদি উৎপা, অমসুং ইন্তরনেত্তা অয়াবা পীদবা কোপীশিং থাদোক থাজিন তৌবা য়াওনা ফিল্ম সর্তিফিকেসনগা মরী লৈনবা ৱাফমশিংগী ৱাখৈনবা পাম্বৈ পীরি‍। শেমদোক্লিবা অসি কোপীরাইত এক্ত, ১৯৫৭ অমদি ইনফোর্মেসন তেক্নোলোজী এক্ত (IT) ২০০০নচিংবা ফিল্ম পাইরেসীগী ৱাফমশিং ৱাখৈনবা পাম্বৈ পীরিবা হান্না লৈরবা আইনশিংগা চুননা শেমদোকপনি‍।

নৌনা হাপচিল্লকপা সিনেমাতোগ্রাফ এক্ত, ১৯৫২গী সেক্সন 6AB অসিনা মীওই অমতনা ফিল্ম অমা হেক্তগী হক মৎপা কোপীশিং শীজিন্নবা নৎত্রগা এক্ত অসিগী নৎত্রগা মসিগী মতুং ইন্না শেম্লকপা কাঙলোনশিংগী মখাদা লাইসেন্স পীদবা ফিল্ম উৎনবগী মফমশিংদা শেন্দোংগীদমক মীয়ামদা উৎননবা মতেঙ পাংবা; নৎত্রগা কোপীরাইত এক্ত, ১৯৫৭ নৎত্রগা মতমদুদা চৎনরিবা অতৈ আইনশিংগী মখাদা পীরিবা কোপীরাইত শোকহনবা থবক অমত্তা তৌবা য়ারোই হায়বা য়াওরি‍। মখা তানা সিনেমাতোগ্রাফ এক্ততা নৌনা হাপচিল্লিবা সেক্সন 7(1B)(ii) অসিনা মথক্তা পল্লিবা সেক্সন 6ABগী তাইওন্নবা মওং অমদা ইন্তরমেদিয়রী প্লেৎফোর্ম অমদা কোপীরাইত শোকহনবা কোপীশিং উৎপা/থাগৎলিবদু লৌথোক্নবা/চঙবা য়াহন্দনবা চুনবা থবকশিং লৈঙাক্না লৌখৎপা য়াই হায়বা ৱাফম পীরি‍।

******



(Release ID: 1974485) Visitor Counter : 76