ইলেক্ত্রোনিক্স অমসুং ইনফোর্মেসন তেক্নোলোজী মন্ত্রালয়গী সেক্রেতরী শ্রী এস. কৃশ্নন্না নোভেম্বর ০২, ২০২৩ দা MeitY-এন.এস.এফ. রিসর্চ কোলাবোরেসনগী মখাদা  MeitY- নেস্নেল সাইন্স ফাউন্দেসন (এন.এস.এফ.), য়ু.এস.এ. জোইন্ত কোল ফোর R&D প্রোপোজেলদা অহানবা ৱার্কশোপ অমা হৌদোকখ্রে। মসি য়ু.এস. অমসুং ভারতকী রিসর্চসরশিংগীদমক্তা ৱার্কশোপ মনুংদা ব্রেনস্ত্রোম তৌবা অমসুং রিসর্চ কোলাবোরেসনশিং তৌনবগী খুদোংচাবা অমনি।

MeitY অমসুং এন.এস.এফ.কী মরক্তা তৌনখিবা প্রোপোজেল হেন্দশেক অসিনা লৈবাক অনিমক্না মখোয়গী স্ত্রেতেজিক তেক্নোলোজী পার্তনর্শিপকী থমিন্নরিবা পান্দম, মখোয় মখোয়গী রিসর্চ কোসেন্তগী ইঞ্জেন্যুতী অমসুং মপাঙ্গল মখা তানা  হেনগৎহন্ননবগী ৱারেপ অদুবু উৎলি। য়ু.এস. অমসুং ভারতকী প্রোপোজিং তিমশিংগী ইনভেস্তিগেতরশিংবু প্রোজেক্তশিং অসিগী মাই পাক্নবগীদক্তা রিসোর্চ অমসুং এক্সপর্তিস ফংহন্ননবা তেস্তবেদ প্রোবাইদরশিং, লোকেল কম্যুনিতীশিং অমসুং ইন্দস্ত্রী পার্তনরশিংগা চান্নবা পার্তনরশিপ শেমগৎননবা কন্না পুক্নিং থৌগৎখ্রে।

মে ২০২৩ দা MeitY অমসুং এন.এস.এফ. না ইমপ্লিমেন্তেসন এরেঞ্জমেন্ত (আই.এ.) অমা রিসর্চ কোলাবোরেসন্দা সাইন তৌনখ্রে। কোলাবোরেতিব রিসর্চ ওপোর্চুনিতী অসিনা  প্রধান মন্ত্রী শ্রী নরেন্দ্র মোদীগী ২০২৩ জুনগী য়ু.এস. খোঙচত্তা ভারত অমসুং য়ুনাইতেদ স্তেত ওফ অমেরিকাগী সরকারনা পীখিবা জোইন্ত স্তেৎমেন্তদা মরু ওইনা উৎখিবা নাকল অনিমক্কী অপাম্বশিংগী নৌনা পুথোক্লকপা অমসুং অনৌবা ৱাখল্লোনশিংদা অখন্ননা মীৎয়েং থম্লি।  

অহানবা জোইন্ত কোলদা, সেমিকন্দক্তর রিসর্চ, মথংগী চারোনগী ই পাউগী তেক্নোলোজী/ নেতৱর্ক/ সীস্তেম, সাইবর- সেক্যুরিতী, সস্তেনেবিলিতী অমসুং গ্রীন তেক্নোলোজীশিং অমসুং ইন্তেলিজেন্ত ত্রান্সপোর্তেসন সীস্তেম হায়রিবশিং অসিগী প্রোপোজেলশিং খন্নগনি। প্রোপোজেল পীশিনবা ওগস্ত ২১, ২০২৩ দগী হৌখ্রে অমসুং প্রোপোজেল পীশিনবগী অরোইবা নুমিৎনা জনুৱারী  ০৫, ২০২৪ নি।

ৱার্কশোপকী অহানবা নুমিত্তা রিসর্চসর ২০০ হেনবনা অমসুং লৈবাক অনিমক্তগী স্তার্ত-অপশিং, এন.এস.এফ. কী ওফিসিএলশিং, য়ু.এস.এ. গী এম্বেসী অমসুং অতোপ্পা MeitY অমসুং ইন্দস্ত্রীগী ওফিসিএলশিংনা থৱাই য়াওনা শরুক য়াখি।

রিসর্চ কোলাবোরেসনগী মশক খঙদোক্লবা মফম ৫ দা সেমিকন্দক্তর রিসর্চ, ইন্দস্ত্রী/ য়ুনিভর্সিতী ইন্তরেক্সন, সাইবর সেক্যুরিতী অমসুং পেরেলেল ব্রেক-আউত সেসনশিংগী সেরিজ সেসনশিং য়াওখি, মদুদা লৈবাক অনিমক্তগী রিসর্চসরশিংনা নিংথিনা শরুক য়াখি।

***