প্রধানমন্ত্রীগী লোইশঙ
রোজগার মেলাগী মখাদা, প্রধান মন্ত্রীনা ওক্তোবর ২৮দা লৈঙাক্কী দিপার্তমেন্তশিং অমদি লূপশিংদা নৌনা থবক লৌশিল্লবা মীওইশিংদা এপোইন্তমেন্ত লেত্তর ৫১,৫০০ হেন্না য়েন্থোক্কদৌরি
রোজগার মেলা প্রধান মন্ত্রীনা থবক পীবদা খ্বায়দগী অহেনবা মীৎয়েঙ থম্লিবা খোঙফম অসিবু ফংহন্নবগী মায়কৈদা থাংজিনবা খোঙথাং অমনি
নৌনা থবক হাপ্লবা মীওইশিংনা মশাবু ওনলাইন মোদ্যুল কর্ময়োগী প্রারম্ভকী খুত্থাঙদা ত্রেন তৌজদৌরি
Posted On:
27 OCT 2023 3:32PM by PIB Imphal
প্রধান মন্ত্রী শ্রী নরেন্দ্র মোদীনা ওক্তোবর ২৮, ২০২৩গী নুংথিল পুং ১ তাবা মতমদা ভিদিও কন্ফরেন্সিংগী খুত্থাঙদা নৌনা থবক লৌশিল্লবা মীওইশিংদা এপোইন্তমেন্ত লেত্তর ৫১,০০০ হেন্না য়েন্থোক্কদৌরি। প্রধান মন্ত্রীনা নৌনা থবক হাপ্লবা মীওইশিংদুগী মফমদা থৌরমদুদা ৱাসু ঙাঙগনি।
রোজগার মলে লৈবাক শিনবা থুংনা মফম ৩৭তা পাঙথোক্কনি। থৌরাং অসিবু শৌগৎলদুনা কেন্দ্র লৈঙাক্কী দিপার্তমেন্তশিং লোয়ননা স্তেত/য়ু.তি. লৈঙাকশিংনসু থবক লৌরি। লৈবাক শিনবা থুংবদগী নৌনা থবক খল্লক্লবশিং অসিনা রেলৱেজ মন্ত্রালয়, দিপার্তমেন্ত ওফ পোস্ত, গৃহ মন্ত্রালয়, দিপার্তমেন্ত ওফ রিভিন্যু, দিপার্তমেন্ত ওফ হাইয়র এজুকেসন, দিপার্তমেন্ত ওফ স্কুল এজুকেসন এন্দ লিতরেসী অমদি হকশেল অমসুং য়াইফ-য়ুম্বাল মন্ত্রালয়নচিংবা কয়া য়াওনা তোঙান তোঙানবা মন্ত্রালয়/দিপার্তমেন্তশিংদা লৈঙাক্কী থবক পুবা হৌগদৌরি।
রোজগার মেলা প্রধান মন্ত্রীনা থবক পীবদা খ্বায়দগী অহেনবা মীৎয়েঙ থম্লিবা খোঙফম অসিবু ফংহন্নবগী মায়কৈদা থাংজিনবা খোঙথাং অমনি। রোজগার মেলানা মখা তানা থবক পীননবগী অমদি নহাশিংবু মপাঙ্গল হাপ্নবা অমসুং লৈবাক চাওখৎহনবদা শরুক য়াহন্নবগীদমক ৱাহন্থোক লৈবা খুদোংচাবশিং পীননবগী মরুওইবা পাম্বৈ অমা ওইরক্কনি হায়না থাজনরি।
নৌনা থবক হাপ্লবা মীওইশিংনা মশাবু, ‘এনীৱ্যের এনী দিভাইস’ লর্নিং ফোর্মেত্তা ই-লর্নিং কোর্স ৭৫০ হেন্না ফংহল্লিবা iGOT কর্ময়োগী পোর্তেলদা লৈবা ওনলাইন মোদ্যুল অমা ওইরিবা, কর্ময়োগী প্রারম্ভকী খুত্থাঙদা ত্রেন তৌজগদৌরি।
*****
(Release ID: 1972093)
Visitor Counter : 91
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam