নুপী অমসুং অঙাংশিংগী চাউখৎ থৌরাং মন্ত্রালয়
হয়েং মু্ম্বাইদা প্রধান মন্ত্রী মাত্রি মাত্রু বন্দনা য়োজনাগী জাতিগী থৌরম পাংথোক্কনি
মমা ওইরকপদা ইকায়খুম্নবা উৎচবা অমা: প্রধান মন্ত্রী মাত্রি মাত্রু বন্দনা য়োজনা
থৌরম অদুদা ‘প্রধান মন্ত্রী মাত্রি মাত্রু বন্দনা য়োজনাগী মেন্নুয়েল’ ফোঙগনি, অনৌবা পোর্তেল অমসুং মোবাইল এপ্প হৌদোক্কনি,প্রধান মন্ত্রী মাত্রি মাত্রু বন্দনা য়োজনাগী মখাদা লৈবাক শীনবা থুংনা লৈরিবা বেনিফিসরিশিংদা দাইরেক্ত বেনিফিৎ ত্রান্সফর(দি বি তি) অমসুং অনিশুবা পোকপা নুপীমচাশিংগী অহানবা ওইনা খুদোংচাবা পীগনি
Posted On:
26 OCT 2023 11:44AM by PIB Imphal
হয়েং ওক্তোবর ২৭,২০২৩দা মহারাস্ত্রাগী মুম্বাইদা লৈবা যশবন্তরাও চাবন সেন্তরদা প্রধান মন্ত্রী মাত্রি মাত্রু বন্দনা য়োজনাগী জাতিগী থৌরম পাংথোক্কনি। থৌরম অসি শরুক অনি থোক্নবা পাংথোক্কনি, অহানবদা ৱার্কশোপ পাংথোক্লবা মতুংদা মহারাস্ত্রাগী চীফ মিনিস্তর শ্রী একনাথ সম্ভাজি সিন্দেনা চিয়ারপর্সন ওইদুনা হৌদোকপগী থৌরম পাংথোক্কনি অমসুং থৌরম অদুদা ৱুমেন অমসুং চাইল্দ দিবলপমেন্ত অমসুং মাইনোরিতি এফেয়ার্সকী য়ুনিয়ন মিনিস্তর শ্রীমতি স্মৃতি জুবিন ইরানি, ৱুমেন অমসুং চাইল্দ দিবলপমেন্ত অমসুং অয়ুসকী রাজ্য মন্ত্রী দোক্তর মুঞ্জাপারা মহেন্দ্রভাই, মহারাস্ত্রা সরকারগী পব্লিক হেল্থ দিপার্তমেন্তগী মিনিস্তর শ্রী তানাজি সাৱন্ত, মহারাস্ত্রা সরকাআরগী ৱুমেন অমসুং চাইল্দ দিবলপমেন্তগী মিনিস্তর অদিতি সুনিল তাতকারে অমসুং মহারাস্ত্রা লেজিসলেতিপ এসেমব্লিগী মেম্বর শ্রী অসিস সেলার, ভারত সরকারগী ৱুমেন অমসুং চাইল্দ দিবলপমেন্ত মিনিস্ত্রিগী সেক্রেতরি অমসুং ভারত সরকার অমসুং তোঙান-তোঙানবা রাজ্য সরকারশিংগী সেনিয়র ওফিসারশিং শরুক য়াগনি। থৌরম অদুদা লেদি সুপরভাইজরশিং অঙ্গনৱাদি ৱার্করশিং অমসুং অশা ৱার্করশিংশু শরুক য়াগনি।
থৌরম অদুদা প্রধান মন্ত্রী মাত্রি মাত্রু বন্দনা য়োজনাগী মাইপাকপশিং, মসিগী খোঙচৎ অমসুং প্রধান মন্ত্রী মাত্রি মাত্রু বন্দনা য়োজনা পোর্তেল অমসুং মোইবাইল এপ্পকী শক্তমশিং উৎকনি। দিজিতেল ইন্দিয়া, মেক ইন ইন্দিয়া অমসুং অত্মানির্ভর ভারত চাউখৎনবা প্রধান মন্ত্রীগী পান্দমগা লোয়ননা, অনৌবা প্রধান মন্ত্রী মাত্রি মাত্রু বন্দনা য়োজনা পোর্তেল অমা শেম্লে। পোর্তেল অসিদা অনৌবা শক্তমশিং হায়বদি বেনিফিসরশিং ফজনা মশক খঙদোক্নবা য়ু.আই.দি.এ.আইগী ওনলাইন অমসুং ফেস ওথেন্তিকেসন তেক্নোলোজি য়াওরে। মসিগী মথক্তা দি.বি.তিগী খুৎথাংদা ফন্দ পীনবা বেনিফিসরি বেঙ্ক একাউন্তশিং এন.পি.সি.আই ভেরিফিকেসন তৌগনি। পোর্তেল অসিদা বেনিফিসরিশিং অমসুং অঙ্গনৱাদি/অশা ৱার্করশিং পোর্তেল অসিদা ওনলাইন রেজিস্তার তৌনবগী খুদোংচাবা য়াওরে।
থৌরম অদুদা মীয়াম, ফিল্দদা থবক তৌরিবশিং,, সুপরভাইজরশিং, সেঙ্কসন্নিং ওফিসারশিং, দিস্ত্রিক নোদেল ওফিসারশিং অমসুং স্তেৎ নোদেল ওফিসারশিংগীদমক অনৌবা প্রধান মন্ত্রী মাত্রি মাত্রু বন্দনা য়োজনা পোর্তেলগী অপুনবা য়ুজর মেন্নুয়েল অমসু ফোঙগনি।
২০১৭গী জনুৱারি ১দা হৌদোকখিবা প্রধান মন্ত্রী মাত্রি মাত্রু বন্দনা য়োজনাগী পান্দম অমসুং প্রধান মন্ত্রী মাত্রি মাত্রু বন্দনা য়োজনা ২.০ ওইনা, মিসন শক্তিগী শরুক অমা ওইনা অমুক হন্না শেমদোক্তুনা এপ্রিল ১, ২০২২ দগী চৎনবা হৌখিবা য়োজনা অসিগী পান্দমদি নুপীশিংনা মীরোল্লিঙৈদা মাঙখিবা খুৎশুমল অদু মেনখৎনবা শেনগী মতেং পাংদুনা অঙাং উনদ্রিঙৈ অমসুং উনরবা মতুংদা নুপীশিং পোথানবা মতম পীবা অমসুং মীরোলবীশিং অমসুং খোমজিংবী মমাশিংগী হকশেলগী ফিবম ফগৎহনবনি।
ঐখোয়গী লৈবাক্কী অপুনবা মীশিংগী চাদা ৭০ নুপীশিং অমসুং অঙাংশিংনি। মখোয় শক্তি পীবা, ঙাক-শেনবা অমসুং চাউখৎহনবা হায়বসি লৈবাক অসি চাউখৎনবা তঙাইফদবনি। হৌখিবা চহি ৯ অসিদা, ঐখোয়গী প্রধান মন্ত্রীগী লমজিং মখাদা য়োজনা অসিগী পান্দমশিং ফংনবা ৱুমেন অমসুং চাইল্দ দিবলপেমেন্ত মিনিস্ত্রি কৎথোক্লে:
(i) নুপা-নুপী থোং মান্নহন্দুনা, ৱাখল তাহন্দুনা অমসুং নুপীশিং মীওইবগী হকশিং ফংনবা অমসুং মতিং ফুদোকপা ঙম্নবা লৈঙাক্কী অমসুং আইনগী মতেং পাংদুনা নুপীশিং খুন্নাইগী অমসুং শেন-থুমগী চাউখৎপা পুরকপা।
(ii) লাইরিক-লাইশু, মচি ওইবা চীঞ্জাক অমসুং লৈঙাক অমসুং আইনগী মতেং পীদুনা অমসুং অপুনবা থৌশিলশিং অমসুং থবকশিংগী খুৎথাংদা অঙাংশিং চাউখৎহনবা, য়েংশিনবা অমসুং ঙাক-শেনবা।
প্রধান মন্ত্রী মাত্রি মাত্রু বন্দনা য়োজনা ২.০গী শিংথানিঙাই ওইবা মশক অমদি, অঙাং নুপীমচা পোকপদা শেন্থং পীদুনা খুন্নাইনা অঙাং নুপীমচাশিংদা য়েংলিবা মীৎয়েং ফগৎহন্নবা হোৎনবা অসিনি। লায়রবা নুপীশিংদা, প্রধান মন্ত্রী মাত্রি মাত্রু বন্দনা য়োজনানা লুপা ৫,০০০গী কান্নবা ইন্সতোলমেন্ত অনি থোক্না পীরি। স্কিমগী কান্নবশিং অসি অনিশুবা পোকপা অঙাং অদু নুপীমচা ওইরবদি মখা তানা পীরে। নৌনা শেমদোক্লবা কাংলোন অসিগী মখাদা, অনিশুবা অঙাং নুপীমচা পোকপী মমাশিংদা ইন্সতোলমেন্ত অমদা লুপা ৬,০০০ পীরে। মসিনা অঙাং নুপীমচাশিং মমাগী পুক্নুংদা লৈরিঙৈদা হাৎতোকপা থিংদুনা নুপীমচাশিং পোক্তুনা সেক্স রেসিও ফগৎহনগনি অমসুং থবক-ইনখাং শুবদা নু্পীশিং মশিং য়াম্না শরুক য়াবা ঙমহনগনি। মসিগী মথক্তা, স্কিম অসিনা মতম চানা তিকা থাবা, অঙাং পোকপগী রেজিস্তার তৌবা অমসুং হোস্পিতালদা অঙাং উনবগী রেজিস্তার তৌবা ঙমহল্লে।
য়োজনা অসি হেক হৌদোকপদগী, বেনিফিসির করোর ৩.১১দা লুপা করোর ১৪,১০৩ হেনবগী অপুনবা শেনফম অমা য়েন্থোকখ্রে। প্রধান মন্ত্রী মাত্রি মাত্রু বন্দনা য়োজনা পোর্তেল অমসুং মোবাইল এপ্প অসিনা তেক্নিকেলগী অফবা খুদোংচাবা পীদুনা দি.বি.তিগী খুৎথাংদা ফন্দ নিংথিনা ফংহনবদা মতেং পাংগনি।
****
(Release ID: 1971580)
Visitor Counter : 86