ইনভাইরনমেন্ত, ফোরেস্ত অমসুং ক্লাইমেত চেঞ্জ মন্ত্রালয়না য়ুনাইতেদ নেসন্স ফোরম ওন ফোরেস্ত (UNFF)কী শরুক অমা ওইনা ওক্তোবর 26-28, 2023দা উত্তরাখন্দ, দেহরাদুনগী ফোরেস্ত রিসর্চ ইন্সতিত্যুত (FRI)দা কন্ত্রী-লেদ ইনিসিএতিব (CLI) থৌরম অমা শীন লাঙগদৌরি।

য়ূনাইতেদ নেসন্স ফোরম ওন ফোরেস্তনা ফোরেস্ত মখল খুদিংবু শেন্নবা, য়োকখৎপা অমসুং সস্তেনেবল ওইবা মওংদা চাউখৎহন্নবা পুক্নিং থৌগৎলি। ভারত অসিসু UNFFকী ফাউন্দিং মেম্বর অমনি হায়না শকখঙনরিবনি। UN জেনেরেল এসেমব্লীনা খ্বাইদগী অহানবা UN স্ত্রেতজিক প্লান ফোর ফোরেস্তপু চহি 2017-2030 ফাওবা মতমগীদমক্তা অয়াবা পীখি। মসিগী স্ত্রেতজিক প্লান অসিনা ফোরেস্তকী মপান্দা হৌবা উপাল য়াওনা মখল খুদিংগী ফোরেস্ত খুদিংবু সস্তেনেবল ওইবা মওংদা শেন্নবা ঙম্নবা থাক খুদিংদা পাংথোক্কদবা থবকশিংগী ফ্রেমৱর্ক অমা ওইনা তেংবাংবগা লোয়ননা দিফোরেস্তেসন অমসুং ফোরেস্ত দিগ্রেদেসন তৌবগী মাইয়োক্তসু থেংনগনি।

CLIগী মপুং ওইবা পান্দমদি সস্তেনেবল ফোরেস্ত মেনেজমেন্ত অমসুং উমংগী UN স্ত্রেতজিক প্লান চৎনহনবগী মতাংদা খন্ন-নৈনরিবশিংদা শরুক তম্বনি। মসিনা SFM অমসুং UNSPF চৎনহনবগী হীরমদা UNFF মেম্বর স্তেতসিংগী মরক্তা খ্বাইদগী ফবা থৌওং শেয়র তৌনহন্নবা তেংবাংনবা পান্দম থম্লি। থৌরম অসিগী মনুংদা, UNFF মেম্বর লৈবাকশিংগী অখঙ-অহৈ, UNগী লুপ, রিজনেল অমসুং সব-রিজনেল পার্ত্নরশিংগা লোয়ননা মরু ওইবা কাঙলুপশিংনা থীমেতিক ইস্যুগী মতাংদা খন্ন-নৈনগনি।

ফোর্মেল ওইবা মীফম অসি ওক্তোবর 26, 2023দগী হৌগনি। থৌরম অসিদা ফোরেস্ত ফাইয়র অমসুং ফোরেস্ত সর্তিফিকেসন হায়না ওইরিবা গাইদিং থীমগী মরী লৈননা নুমিৎ নিনি খন্ন-নৈনবগী থৌওং য়াওনা নোংমগী ফিল্দ ত্রিপ অমসু য়াওগনি। ফোরেস্ত ফাইয়র অমসুং ফোরেস্ত সর্তিফিকেসন হায়না ওইরিবা গাইদিং থীমগী মতাংদা খন্ন-নৈনগদৌরিবা অসিনা UN স্ত্রেতজিক প্লান ফোর ফোরেস্ত (UNSPF)কী গ্লোবেল ফোরেস্ত গোলশিং হেন্না খুমাং চাউশিলহন্নবা মালেমগী ওইবা থবকশিংদা তেংবাংনবা হীরমশিং অসিগী মরী লৈনবা খ্বাইদগী ফবা থৌওং লান্নবগী মতৌবু হেন্না খুমাং চাউশিলহনগনি।

হৌখিবা চহি খরসিদা, লাম্মৈ চাকপগী পাক-চাউবা অমসুং মতম শাংনা চাকপগী মতৌদা অকীবা ফংনা হেনগৎলকপা, মসিনা মরম ওইরগা বাইওদাইবর্সিতী, ইকোসীস্তেম সর্ভিস, মীওইবশিংগী পুন্সি মহিং, নুংঙাই য়াইফবা অমসুং লৈবাক্কী শেন্মিৎলোন্দা চৈথেং পীবগী মতৌ উবা হেনগৎলক্লি। মসিনা উমংগী মফমশিংদা মরু ওইনা চৈথেং পীখি, মালেমগী উমংগী লমগী চাউরাকপা 3%গা মান্নবা মিলিয়ন হেক্ত্যার 100বু উমং মৈ চাকপনা চহি খুদিংগী চৈথেং পীরি। মসিগুম্বা মৈ চাকপগী চাংনা কা হেনবগী মতৌশিংবু মমিং চৎপা থৌদোক কয়ানা খুদম ওইরি, অমসুং হন্দক্কী কালেন্দা নুংশিত ফবগী চাংদা অকায়বা পীবা, মীওইবা, লম্লক্কী শা, ইকোসীস্তেম সর্ভিস অমসুং লন-থুম কয়াদা অমাঙ-অতা থোকপা, অমসুং অৱাংথংবা হেমিস্ফিয়রদা ৱাইল্দলাইফ দিজাজতর কয়া থোকখি। মসিগুম্বা ফিভম অসি ভারত্তসু থোক্তবা নত্তে, ক্লাইমেত চেঞ্জ লাকপনা মরম ওইরগা উমং মৈ চাকপগী থৌদোকশিং চাং নাইনা থোকপা হৌরক্লে।

ফোরেস্ত সর্তিফিকেসনগী হীরমদা হন্দক্কী চহি খরসিদা মালেমগী মিৎয়েং তানরক্লি। সর্তিফিকেসনগী মখাদা লৈবা অপুনবা উমংগী পাক চাউবা অসি ইং 2010দগী হৌনা 35%গী (নত্ত্রগা হেক্ত্যার মিলিয়ন 120) চাংদা হেনগৎখ্রে। চাউখৎলক্লিবা লৈবাক কয়ানা সর্তিফিকেসন প্রোসেসকা মরী লৈননা শিংনবা কয়া থেংনরি। মসিগী মনুংদা, সর্তিফিকেসন, ওদিত অমসুং কমপ্লাইএন্সকী থবকশিংদা শেল য়াম্না চাউনা চঙবা, মনুং হঞ্জিনবা মফমদা লৈবা উমংগী মপুশিংগা পাউ ফাওনবা ঙমদবা, অমসুং সর্তিফিকেসন তৌবগী স্তেন্দর্দ কয়ানা লুবদগী কেপাসিতী লৈতবগী ফিভম অসিসু য়াওরি। ফোরেস্ত সর্তিফিকেসনগী মতাংদা খন্ন-নৈনগদৌরিবা অসিনা চাউখৎলক্লিবা লৈবাকশিংদা হীরম অসিগা মরী লৈনবা পোলিসী লেন্দস্কেপকী লৌশিং হেনগৎহনগনি।

মীফম অসিদা শরুক য়ারিবা রাজ্যশিংনা হায়রিবা শিংনবগী হীরমশিংদা খন্ন-নৈনগনি। মসিদা লৈবাক 40 অমসুং মালেমগী লুপ 20 হেনবদগী লাক্কদৌরিবা দেলিগেত 80না শরুক য়াগনি। হায়রিবা অসি ওনলাইন অমসুং মশামক্না শরুক য়াবা অনিমক য়াওগনি। মীফম অসিনা উমং মৈ চাকপা অমসুং ফোরেস্ত সর্তিফিকেসনগা মরী লৈননা থবক ওইনা চৎনবা য়াবা ফ্রেমৱর্ক অমসুং পাউতাক কয়া পুথোকপা ঙমগনি, সস্তেনেবল ফোরেস্ত মেনেজমেন্ত ওইথোকহনগনি হায়বগী থাবা থম্নরি। হায়রিবা হীরমশিং অসি মে 2024দা ন্যু য়োর্ক্তা লৈবা UNগী ময়াই লোইশঙদা পাংথোক্কদবা UNFFকী 19শুবা সেসন্দা মখা তানা খন্ন-নৈনগনি।

***