প্রধান মন্ত্রী, শ্রী নরেন্দ্র মোদীনা ওক্তোবর ২৬, ২০২৩ দা মহারাস্ত্র অমসুং গোৱাদা চৎকদৌরি।

প্রধান মন্ত্রীনা নুংথিল পুঙ ১ রোম তাবদা অহমদনগর জিলাগী, শিরদীদা থুংলগা শ্রী সাইবাবা সমাধী লাইশঙদা দর্শন অমসুং পুজা পাংথোক্কদৌরি। মহাক্না লাইশঙ অসিদা অনৌবা দর্শন ক্যু কমপ্লেক্সসু শঙ্গাগদৌরি। নুংথিল পুঙ ২ রোম তাবদা, প্রধান মন্ত্রীনা নীলৱন্দে ইকোনগী জল পুজন পাংথোক্কদৌরি অমসুং মসিগী কেনেল নেতৱর্ক অমবু মীয়ামদা কৎথোক্কদৌরি। নুংথিল পুঙ ৩:১৫ রোম তাবদা, প্রধান মন্ত্রীনা শিরদীদা মীয়ামগী থৌরম অমা য়াওগনি অমসুং মদুদা হকশেল, রেল, লম্বী থোঙ অমসুং থাউ অমসুং গ্যাসনচিংবা সেক্তরশিংদা লুপা কোতি ৭৫০০ রোমগী চাউখৎ খোঙথাংগী প্রোজেক্ত কয়ামরুম উরেপ উয়ুং তমগনি অমসুং মীয়ামদা কৎথোক্কনি।

নুংথিল পুঙ ০৬:৩০রোম তাবদা, প্রধান মন্ত্রীনা গোৱাদা থুংগনি অমসুং মফম অদুদা মহাক্না ৩৭ শুবা নেস্নেল গেম্স হৌদোক্কদৌরি।

মহারাস্ত্রদা প্রধান মন্ত্রী

প্রধান মন্ত্রীনা শঙ্গাগদৌরিবা শিরদীদা লৈবা অনৌবা দর্শন ক্যু কমপ্লেক্স অসি লাইনিংবশিংগী নুংঙাইনা ঙাইনবগী মফম পীনবগী ৱাখল্লোন্দা শাবা স্তেত-ওফ-দি-আর্ত ওইবা অনৌবা অচৌবা বিলদিং অমনি। মসিদা পুন্না লাইনিংবা লিশিং তরা হেনবনা  ফম্বা চনগদবা ঙাইনবগী কাজাওশিং য়াওই। মসিদা মীয়ামগী নুংঙাইনবা এয়র-কন্দিসন হাপ্লবা ক্লোক রেমশিং, অমাংশঙশিং, বুকিং কাউন্তরশিং, প্রসাদ কাউন্তরশিং, ই-পাউগী সেন্তরনচিংবা কয়া লৈরি। মসিগী অনৌবা দর্শন ক্যু কমপ্লেক্স অসি ২০১৮ গী ওক্তোবরদা প্রধান মন্ত্রীনা জত্রা হুনখিবনি।

প্রধান মন্ত্রীনা নিলৱন্দে ইকোনগী ওইথংবা (৮৫ কি.মী.) খোংবানগী কেনেল নেতৱর্ক মীয়ামদা কৎথোক্কদৌরি। মসিনা ঈশিং পাইপ্না থাদুনা তেহসিল ৭ (অহমেদনাগর জিল্লাদা ৬ অমসুং নাশিক জিলাদা ১) তগী খুঙ্গং ১৮২ দা কান্নবা পীগনি। নিলৱন্দে দাম অসি ১৯৭০ দা ইহান হানবা ওইনা হৌদোকখিবনি। মসিবু লুপা করোর ৫১৭৭ চঙনা শেমগৎলি।

মীয়ামগী থৌরম অমদা, প্রধান মন্ত্রীনা 'নমো শেতকারি মহাসন্মান নিধি য়োজনা' হৌদোক্কনি। য়োজনা অসিনা প্রধান মন্ত্রী কিসান সম্মান নিধি য়োজনাগী কান্নবা ফংবা য়ারবা মহারাস্ত্রগী মীয়াম লাখ ৮৬ হেনবদা চহি অমদা লুপা ৬০০০গী অহেনবা শেনফম পীদুনা কান্নবা পীগনি।

প্রধান মন্ত্রীনা অহমেদনগর সিভিল হোস্পিতালদা আয়ুশ হোস্পিতাল, কুর্দুৱারি-লতুর রোদ রেলৱে সেক্সন মৈ থানবা (১৮৬ কিমি); জাল্গাওনদগী ভুসাবল (২৪.৪৬ কিমি) শম্নরিয়া ৩শুবা অমসুং ৪শুবা রেলৱে লাইন; NHH -166 (পেকেজ-I) সঙ্গলিদগী বোরগাও সেক্সন লেন মরি ওইহনবা; ইন্দিয়ন ওইল কোর্পোরেসন লিমিতেদকী মনমাদ তর্মিনেলদা অহেনবা ফেসিলিতী হাপ্পা য়াওনা তোঙান-তোঙানবা চাউখৎ খোঙথাংগী প্রোজেক্ত কয়া উরেপ উয়ুং তমগনি অমসুং লৈবাক মীয়ামদা কত্থোক্কনি।

প্রধান মন্ত্রীনা অহমেদনগর সিভিল হোস্পিতালদা মেতর্নেল & চাইল্দ হেল্থ ৱিংগী উরেপ উয়ুং তমগনি।

থৌরম অসিগী মনুংদা, প্রধান মন্ত্রীনা আয়ুশ্মান ভারত কার্দ অমসুং স্বামিত্বা কার্দশিং কান্নবা ফংগদবশিংদা লান্থোক্কনি।

গোৱাদা প্রধান মন্ত্রী

প্রধান মন্ত্রীগী লুচিং মখাদা, লৈবাক অসিগী শান্নখোৎনবগী ফিভম অসি কয়াগী মতীক অহোংবা পুরক্লে। লৈঙাক অসিনা হনবা লৈতনা মতেং তৌনা এথলেতশিংগী পারফোর্মেন্সতা অদুক্কী মতীক অন্তর্জাতিগী থাক্তা হেনগৎলে। মকোক থোংবা পারফোর্মরশিং খন্দোক্নবা অমসুং মশান্না কয়া মীয়ামদা হেন্না মশক খঙহন্নবগীদমক জাতিগী থাক্তা তুর্নামেন্তশিং পাঙথোকপগী তঙাইফদবা লৈরিবসিবু য়েংদুনা নেসনেল গেম্স কয়া লৈবাক অসিদা পাঙথোক্লি।

প্রধান মন্ত্রীনা গোৱাগী মার্গাওদা লৈবা পন্দিত জৱাহর্লাল নেহরু স্তেদিয়মদা ওক্তোবর ২৬, ২০২৩ দা ৩৭ শুবা নেসনেল গেম্স হৌদোক্কনি। মহাক্না গেম্স অসিদা শরুক য়ারিবা এথলেতশিংদা ৱা ঙাংগনি।

নেসনেল গেম্স অসি গোৱাদা ইহান হানবা ওইনা পাঙথোক্লি। গেম্স অসি ওক্তোবর ২৬তগী হৌদুনা নবেম্বর ৯ ফাওবা পাঙথোক্কনি। লৈবাক শীনবা থুংবদগী এথলেত ১০,০০০ হেনবনা মফম ২৮ দা মশান্না ৪৩ দা অথোই অহেন তান্নগনি।   

***