প্রধান মন্ত্রী, শ্রী নরেন্দ্র মোদীনা ঙসি মধ্য প্রদেশকী গ্বালিয়রদা ‘দি সিন্ধিয়া স্কুল’গী 125শুবা ফাউন্দর্দ দেগী পালন থৌরমদা ৱা ঙাংখ্রে। থৌরম অসিদা প্রধান মন্ত্রীনা স্কুল অসিদা ‘মলতিপর্পস স্পোর্তস কমপ্লেক্স’কী উরেপ উয়ুং তমখি আমসুং মশক নাইবা এলুমনি অমসুং তোপ অচিবরশিংদা স্কুলগী এনুএল এৱার্দশিং পীখি। সিন্ধিয়া স্কুল অসি 1897দা লিংখৎখি অমসুং পুৱারী ওইরবা গ্বালিয়র ফোর্তকী মথক্তা লৈ। প্রধান মন্ত্রীনা থৌরম অসিদা কোম্মেমোরেতিব স্তাম্প ফোঙখ্রে।

প্রধান মন্ত্রীনা শিবাজী মহারাজকী মীতমদা হৈকৎ-লৈকৎ তমখি। মহাক্না থৌরম অসিদা উৎখিবা একজিবিসন অমগী ৱাকথ্রু তৌখি।

মহাক্না ঋসি গ্বালিপা, মশক নাইবা শৈশকপা তানসেন, মহাদ জী সিন্ধিয়া, রাজমাতা বিজয়া রাজে, অতল বিহারি বাজপায়ী অমসুং উস্তাফ অমজাদ অলি খান পনখি অমসুং গ্বালিয়রগী লমদমনা মতম চুপ্পদা অতোপ্পশিংগীদমক ইথিল পীরিবা মীওইশিং পুথোকখি। “মসি নারী শক্তি অমসুং থৌনাগী লমদমনি”, হায়না প্রধান মন্ত্রীনা ফোঙদোক্লদুনা লমদম অসিদা মহারানি গঙ্গাবাইনা মহাক্কী লিক-কোল য়োন্থোক্তুনা স্বারাজ হিন্দ ফৌজতা তান তৌখি। “গ্বালিয়রদা লাকপা অসি মতম চুপ্পদা নুংঙাই,” হায়না প্রধান মন্ত্রীনা ফোঙদোকখি। প্রধান মন্ত্রীনা সিন্ধিয়া ইমুংনা ভারত অমসুং বারানসীগী চৎনবী য়োকখৎপদা শরুক তমখিবা অদুসু পনখি। মহাক্না কাশিদা ঘাত কয়া শাখিবা অমসুং BHUদা শরুক তমখিবশিং অদু নীংশিংখি। মহাক্না হায়খি মদুদি ঙসি কাশিগী চাউখৎ-থৌরাংগী প্রোজেক্তশিং অসি ইমুং অসিগী মশক নাইবা মীওইশিংগীদমক চাউথোকচনীংঙাই ওইবা ৱাফম অমনি। প্রধান মন্ত্রীনা শ্রী জোতিরাদিত্য সিন্ধিয়া অসি গুজরাতকী ময়া নুপানি অমসুং গুজরাত্তা মহাক্কী পোক্নফম লমদমদা গায়কবার ইমুংনা শরুক তমখিবা অদুসু পনখি।

প্রধান মন্ত্রীনা হায়খি মদুদি মথৌ মশক খঙবা মীওশিংনা শেলগী কান্নবশিংগী মহুৎ তুংগী মীরোলশিংগী য়াইফনবা থবক তৌখি। এজুকেস্নেল ইন্সতিত্যুসনশিং লিংখৎপদা তুং কোইনা কান্নবা পীরিবা অদু পল্লদুনা প্রধান মন্ত্রীনা মহারাজা মধো রাও Iদা ইকাই খুম্নবা উৎখি। শ্রী মোদীনা মীয়ামনা কয়া খঙনদবা ৱাফম মদুদি মহারাজানা পব্লিক ত্রান্সপোর্ত সিস্তেম অমা লিংখৎখি  হায়রিবা অসি ঙসিসু দিল্লীগী DTCদা মথৌ তৌরি। প্রধান মন্ত্রীনা ঈশিং য়োকশিন্নবা অমসুং ঈথৈ-লৌখোংগী মহাক্কী থৌশিলগী মতাংদসু পনখি অমসুং হরসী দাম অসি চহি 150গী মতুংদা ফাওবা এসিয়াগী খ্বাইদগী চাউআ মদ দাম ওইরি। প্রধান মন্ত্রীনা হায়খি মহাক্কী বিজন্না ঐখোয়না পুন্সিগী লম খুদিংমক্তা তুং কোইগদবা অমসুং শম্বা লম্বীশিংদগী ঙাকথোক্নবা তাকপীরমখি।

প্রধান মন্ত্রীনা 2014দা মহাক্না ভারতকী প্রধান মন্ত্রীগী থৌদাং লৌরবা মতমদা খুদক্তা ফলশিং ফংনবা থবক তৌবা নত্ত্রগা তুং কোইগদবা থৌশিল পাইখৎপা ওপ্সন অনি লৈখি হায়না ফোঙদোকখি। মহাক্না হায়খি মদুদি সরকারনা চহি 2, 5, 8, 10, 15 অমসুং 20গী তোঙান-তোঙানবা তাইম বেন্দশিংদা থবক তৌনবা ৱারেপ লৌখি অমসুং হৌজিক সরকারনা চহি 10 মপুং ফাগদৌরে, পন্দুনা লৈরম্বা ৱারেপ কয়ামরুম তুং কোইগদবা থৌশিলগা লোয়ননা পাইখৎখি। শ্রী মোদীনা মাইপাকখিবশিং অদু পাউদমখি অমসুং জম্মু অমসুং কাশ্মিরদা আর্তিকল 370 এব্রোগেৎ তৌনবা দিকেদ তরুক শুরবা দিমান্দ, আর্মীগী এক্স-সর্ভিসমেনদা ৱান রেঙ্ক ৱান পেন্সন পীনবা দিকেদ মরি শুরবা দিমান্দ, GST অমসুং ত্রিপল তলাক লোগী দিকেদ মরি শুরবা দিমান্দগী মতাংদা পনখি। মহাক্না পার্লিয়ামেন্তদা হন্দক্তা নারী শক্তি বন্দন অধিনিয়ম পাস তৌখিবা অদুসু পনখি। শ্রী মোদীনা হায়খি খুদোংচাবশিংগী অৱাৎপা অমত্তা লৈহন্দুনা হৌরক্লিবা মীরোলশিংগীদমক পোজিতিব এতমোস্ফিয়র অমা শেম্নবা হৌৎনরিবা হৌজিক পাল্লিবা সরকার অসিনা নৎলমদ্রবদা পন্দুনা লৈরম্বা ৱারেপশিং অসি মথংগী মীরোলগীদমক মাংদা পুখৎলমলোই। “অচৌবা মঙলান মঙঙু অমসুং চাউনা মাইপাকউ” হায়না প্রধান মন্ত্রীনা মহৈরোয়শিংদা ফোঙদোক্লদুনা মহাক্না দি সিন্ধিয়া স্কুলনা ভারতনা নীংতম্বা ফংখিবগী চহি 100 শুরকপদা চহি 150 মপুং ফারগনি হায়খি। মথংগী চহি 25 অসিদা প্রধান মন্ত্রীনা থাজবগা লোয়ননা হৌরক্লিবা মীরোলশিংনা ভারতপু চাউখৎপা লৈবাক অমা ওইহনগনি হায়বগী থাজবা ফোঙদোকখি। “ঐহাক্না নহারোল অমসুং মখোয়গী তৌবা ঙম্বশিংদা থাজবা থম্মি” হায়না প্রধান মন্ত্রীনা ফোঙদোকখি অমসুং নহারোলনা লৈবাক্কীদমক লৌখিবা ফিরেপ অদু থুংহনবা ঙমগনি হায়বগী থাজবা ফোঙদোকখি। মহাক্না মথংগী চহি 25 অসি ভারতকীদমক মরু ওইবা অদুগুম্না মহৈরোয়শিংগীদমক্তসু মরু ওই। “দি সিন্ধিয়া স্কুলগী মহৈরোয় খুদিংমক্না প্রোফেস্নেলগী লমদা নত্ত্রগা অতোপ্পা মফম অমা হেক্তদা ভারতপু বিক্ষিৎ ভারত ওইহন্নবা হোৎনগদবনি”, হায়না মহাক্না ফোঙদোকখি।

প্রধান মন্ত্রীনা হায়খি সিন্ধিয়া স্কুল এলুমনিগা লোয়ননা ৱারী শাখিবা অদুনা বিক্ষিৎ ভারতকী মঙলাম থুংহন্নবা মখোয়গী মতিক ময়াইদা মহাক্না থাজবা হেনগৎহনখি। মহাক্না হায়খি কেন্দ্রগী মন্ত্রী জিতেন্দ্র সিংহ, রেদিও লিজেন্দ অমীন সয়ানি, প্রধান মন্ত্রীনা ইখিবা গরবা খুদোল তমখিবা মীত ব্রদর্স, সলমান খান অমসুং শৈশকপা নিতিন মুখেসকী মতাংদা পনখি।

প্রধান মন্ত্রীনা ভারতকী হেনগৎলক্লিবা গ্লোবেল প্রোফাইলগী মতাংদা ফোঙদোকখি। মহাক্না থাগী সাউথ পোলদা লেন্দিং তৌখিবা অমসুং G20 মাইপাক্না পাঙথোকখিবগী মতাংদা ফোঙদোকখি। মহাক্না ভারত অসি খোঙজেল য়াংনা খুমাং চাউশিল্লিবা ইকনোমীগী মতাংদা ৱা ঙাংখি। ভারত অসি ফিনতেক, রিএল-তাইম দিজিতেল ত্রাঞ্জেক্সনশিং অমসুং স্মার্তফোন দেতা কঞ্জুম্পসনগী এদোপ্সন রেত্তা নম্বর ৱান ওইরি। মহাক্না হায়খি মদুদি ভারতনা ইন্তর্নেৎ য়ুজরশিং অমসুং মোবাইল মেন্যুফেকচরিংদা নম্বর তু ওইরি। ভারতনা অহুমশুবা খ্বাইদগী চাউবা স্তার্তঅপ ইকোসিস্তেম ওইরি অমসুং মালেমগী অহুমশুবা খ্বাইদগী চাউবা ইনর্জী কঞ্জুমর ওইরি। মহাক্না ভারতনা স্পেস স্তেসনগীদমক শেম শারিবা অমসুং ঙসি তৌখিবা মাইপাক্লবা গগনয়ানগা মরী লৈনবা তেস্তকী মতাংদা ফোঙদোকখি। মহাক্না তেজাস অমসুং INS বিক্রান্তগী মতাংদসু পনখি অমসুং “ভারতকী ওইনা ওইথোকপা ঙমলোইদবা অমত্তা লৈতে” হায়না ফোঙদোকখি।

মহৈরোয়শিংদা মালেম অসিদা মখোয়না চৎনীংবা নত্ত্রগা তৌনীংবা তৌবা য়াই হায়রদুনা প্রধান মন্ত্রীনা মখোয়দা স্পেস অমসুং  দিফেন্স সেক্তরশিং য়াওনা মখোয়গীদমক হাংলিবা অনৌবা এভেন্যুশিংগী মতাংদা মখোয়দা ফোঙদোকখি। প্রধান মন্ত্রীনা মহৈরোয়শিংদা অনৌবা ৱাখল্লোন পুথোক্নবা হায়খি অমসুং মখোয়না শতাবদি ত্রেনশিং হৌখিবা অসিগুম্বা হান্নগী রেলৱে মন্ত্রী শ্রী মধাবরাওনা পাইখৎলমখিবা থৌশিলশিং অসি দিকেদ অহুম অমুক হন্না তৌবা ঙমখিদে হায়না নীংশিংখি অমসুং হৌজিক্তি লৈবাক  অসিনা ভন্দে ভারত অমসুং নমো ভারত ত্রেনশিং উবা ফংলে হায়খি।

প্রধান মন্ত্রীনা দি সিন্ধিয়া স্কুলদা লৈরিবা হাউসশিংগী মশিং অসি স্বারাজতা লৌখিবা ফিরেপশিংদা য়ুম্ফম ওই হায়খি অমসুং মসি অচৌবা ইথিলগী হৌরকফমনি হায়খি। মহাক্না শিবজী হাউস, মহাদজী হাউস, রানোজী হাউস, দত্তাজী হাউস, কনরখেদ হাউস, নিমাজী হাউস অমসুং মধাব হাউসকী মতাংদা পল্লদুনা মসি সপ্ত ঋসিশিংগী শক্তিগী মান্নৈ হায়খি। শ্রী মোদীনা মহৈরোয়শিংদা থবক 9 শীন্নখি অমসুং মখোয় অদুদি: ৱাতর সেক্যুরিতীগী এৱের্নেস কেম্পেন চত্থবা, দিজিতেল পেমেন্তশিংগী মরমদা এৱের্নেস পীবা, গ্বালিয়রবু ভারতকী খ্বাইদগী লুনানবা সহর ওইহন্নবা, মেদ ইন ইন্দিয়া প্রদক্তশিং প্রমোৎ তৌনবা, ভোকেল ফোর লোকেলগী এপ্রোচ এদোপ্ত তৌনবা, ভারত এক্সপ্লোর তৌদুনা লৈবাক মনুংদা হান্না মীরৈবাক্তা চৎত্রিঙৈদা চৎপা, রিজনেল ফার্মরশিংগী মরক্তা মহৌশাগী লৌউ-পথাপকী এৱের্নেস পীবা, নোংমগী চাগদবা চীঞ্জাক্তা মিল্লেৎশিং য়াওহনবা, স্পোর্তস, য়োগ অমসুং মশা মউ ফনবা শাজেল অসি পুন্সি মহিংগী মরু ওইবা শরুক ওইহনবা অমসুং অরোইবদা য়ামদ্রবদা লায়রবা ইমুং অমগী হেন্দ হোল্দিং তৌবা। মহাক্না হায়খি মদুদি মীওই করোর 13বু হৌখিব চহি মঙা অসিদা লম্বেল অসিদা চৎতুনা লাইরবদগী থোরকপা ঙমহনখি।

“ভারতনা ঙসি তৌরিবা খুদিংমক, মসি মেগা স্কেলদা তৌরি” হায়না প্রধান মন্ত্রীনা ফোঙদোক্লদুনা মহাক্না মহৈরোয়শিংদা মখোয়গী অচৌবা মঙলানশিং শাগৎনবা অমসুং ফিরেপশিং লৌনবা হায়খি। “নখোয়গী মঙলান্না ঐগী ফিরেপনি” হায়না মহাক্না ফোঙদোকখি অমসুং মহৈরোয়শিংদা নমো এপ নত্ত্রগা ৱাতসএপকী খুত্থাংদা মঙোন্দা মখোয়গী ৱাখল্লোনশিং শিয়র তৌরক্নবা হায়খি।

ৱারোল পীবা লোইশিনবদা প্রধান মন্ত্রীনা হায়খি, “সিন্ধিয়া স্কুল অসি শুপ্নগী ইন্সতিত্যুসন অমা খক্তা নত্তনা লেগেসীসু ওইরি”। মহাক্না হায়খি স্কুল অসিনা নীংতম্বগী মমাং অমসুং মতুংদা মহারাজ মধো রাওজীগী ফিরেপশিং মাংদা পুখৎখি। শ্রী মোদীনা অমুক হন্না এৱার্দ ফংখিবা মহৈরোয়শিংদা নুংঙাইবা ফোঙদোকখি অমসুং সিন্ধিয়া স্কুলগী অফবা তুংলমচৎকীদমক য়াইফ মঙ্গোল পীখি।

থৌরম অসিদা মধ্য প্রদেশকী রাজ্যপাল, শ্রী মঙ্গুবাই পতেল, মধ্য প্রদেশকী মুখ্য মন্ত্রী, শ্রী শিবরাজ সিংহ চৌহান অমসুং কেন্দ্র মন্ত্রীশিং, শ্রী জোতিরদিত্যা সিন্ধিয়া, নরেন্দ্র সিংহ তোমর অমসুং জিতেন্দ্র সিংহনা শরুক য়াখি।

Speaking at the 125th Founder’s Day programme of @ScindiaSchool in Gwalior. Watch. https://t.co/77hHzBjxyo

— Narendra Modi (@narendramodi) October 21, 2023

Maharaja Madho Rao Scindia-I Ji was a visionary who had a dream of creating a brighter future for generations to come. pic.twitter.com/KoGN84EcuJ

— PMO India (@PMOIndia) October 21, 2023

Over the past decade, the nation's unprecedented long-term planning has resulted in groundbreaking decisions. pic.twitter.com/OOR7TYm0xO

— PMO India (@PMOIndia) October 21, 2023

A few weeks ago, the Nari Shakti Vandan Adhiniyam was successfully passed, ending decades of delay. pic.twitter.com/1YeZVdlg28

— PMO India (@PMOIndia) October 21, 2023

Our endeavour is to create a positive environment in the country for today's youth to prosper: PM @narendramodi pic.twitter.com/3jYQV7GBjy

— PMO India (@PMOIndia) October 21, 2023

Every student of @ScindiaSchool should have this resolution... pic.twitter.com/zeWfaMjveT

— PMO India (@PMOIndia) October 21, 2023

***