ریلوے پروٹیکشن فورس (آر پی ایف)کو ریلوے املاک، مسافروں کے علاقوں اور مسافروں کی حفاظت کی ذمہ داری سونپی گئی ہے۔ فورس مسافروں کو محفوظ،تحفظ سے آراستہ اور آرام دہ سفر کا تجربہ فراہم کرنے کے لیے چوبیس گھنٹے کام کر رہی ہے۔ یہ ہندوستانی ریلوے کو اپنے صارفین کو محفوظ مال بردار ٹرانسپورٹ سروس فراہم کرنے میں مدد کرتی ہے۔ آر پی ایف نے احتیاطی حفاظتی اقدامات کرتے ہوئے اور ریلوے املاک کے خلاف جرائم کا پتہ لگانے کے لیے کوششیں کرتے ہوئے ملک بھر میں پھیلے ہوئے ریلوے کے بڑے اثاثوں کے تحفظ کی ذمہ داری کو بخوبی نبھایا ہے۔

ستمبر 2023 کے مہینے کے دوران آر پی ایف کی کامیابیوں کا مختصر خلاصہ حسب ذیل ہے:

بچوں کا بچاؤ اور آپریشن ننھے فرشتے :-آر پی ایف اُن بچوں کو دوبارہ ملانے میں اہم کردار ادا کرتی ہے، جو اپنے خاندان سے کئی وجوہات کی وجہ سے کھوگئے/بچھڑ گئے ہیں۔ اس سلسلے میں ہندوستانی ریلوے پر آپریشن’ننھے فریسٹی‘ شروع کیا گیا تھا اور اس مہم کے تحت ستمبر2023 کے مہینے میں895 سے زیادہ بچوں(لڑکے-573 اور لڑکیاں-322) دیکھ بھال اور تحفظ کے محتاج تھے، جو ہندوستانی ریلوے کے ساتھ رابطے میں آئے تھے، کو بازیاب کر کے ان کے اہل خانہ کے حوالے کرنے سے پہلے متعلقہ حکام کے حوالے کر دیا گیا۔

انسانی اسمگلنگ اور آپریشن اے اے ایچ ٹی:- انسانی اسمگلروں کے برے منصوبوں کا مؤثر انسداد کرنے کے لیے آر پی ایف کے انسداد انسانی اسمگلنگ یونٹ ہندوستانی ریلوے پر پوسٹ لیول(تھانہ کی سطح)پر کام کر رہے ہیں۔ یہ اے ایچ ٹی یو انسانی اسمگلنگ کی روک تھام میں ملوث ایجنسیوں اور این جی اوز کے ساتھ باقاعدہ رابطے میں ہیں اور اسمگل کیے جانے والے بچوں کو بچانے میں ان کی مدد کی ہے۔ ستمبر 2023 کے دوران 14 سمگلروں کو گرفتار کرکے 29 افراد کو ان اسمگلروں کے چنگل سے بچایا گیا۔

آپریشن ’’جیون رکشا‘‘:- آر پی ایف کی چوکسی اور تیز کارروائی کی وجہ سےآر پی ایف کی ٹیم نے آپریشن’جیون رکشا‘ کے تحت ستمبر 2023 کے مہینے میں 265 مسافروں کی جان بچائی، جو پلیٹ فارمز اور ریلوے پٹریوں پر ٹرینوں سے گزرنے کے قریب پہنچ گئے تھے۔

خواتین کی حفاظت:- خواتین مسافروں کی حفاظت اور تحفظ ہندوستانی ریلوے کی ایک اہم تشویش رہی ہے۔ اس سلسلے میں، لمبی دوری کی ٹرینوں میں خواتین مسافروں کو تحفظ فراہم کرنے کے لیے ایک پہل ’’میری سہیلی‘‘ شروع کی گئی ہے، خاص طور پر وہ جو اکیلے سفر کرتی ہیں یا جو جرائم کا شکار ہیں، ان کے لئے یہ مہم شروع کی گئی ہے۔ اس اقدام کے تحت231 میری سہیلی ٹیموں نے ستمبر 2023 کے مہینے کے دوران 13071 ٹرینوں کا دورہ کیا اور 421198 خواتین مسافروں کو سیکورٹی کی یقین دہانی کرائی۔

مزید برآں آر پی ایف نے ستمبر 2023 کے دوران خواتین کے لیے مخصوص کوچوں میں سفر کرنے والے 6033 افراد کے خلاف کارروائی کی۔

شرپسندوں  کے خلاف کارروائی اور آپریشن’’اُپ لبدھ’’:- اس سلسلے میں ستمبر 2023 کے مہینے کے دوران405شرپسندوں کو گرفتار کر کے ان کے خلاف قانون کے مطابق قانونی کارروائی عمل میں لائی گئی اور36.43 لاکھ روپے مالیت کے مستقبل کے ٹکٹ ضبط کیے گئے۔

آپریشن’’نارکوس‘‘:- ستمبر 2023 کے مہینے کے دوران، 2.65 کروڑ روپے کی مالیت کے این ڈی پی ایس کے قبضے کے ساتھ 70 افراد کو گرفتار کیا گیا اورگرفتار مجرموں کو مزید قانونی کارروائی کے لیے بااختیار ایجنسیوں کے حوالے کر دیا گیا۔

ایمرجنسی رسپانس اور آپریشن ’یاتری سرکشا‘:- پریشانی میں مبتلا مسافروں کی سیکورٹی سے متعلق شکایات کے ازالے کے لیے اور فوری مدد کی غرض سے مسافر ریل مدد پورٹل پر یا ہیلپ لائن نمبر 139(ایمرجنسی رسپانس سپورٹ سسٹم نمبر 112 کے ساتھ مربوط)کے ذریعے شکایت کر سکتے ہیں۔ ماہ ستمبر-2023 کے دوران 28000 سے زائد شکایات موصول ہوئیں اور ان کے حل کے لیے مناسب ضروری کارروائی کی گئی۔

*************

ش ح۔ ج ق۔ن ع

U. No.10955