পাৱর মন্ত্রালয়

ইলেকত্রিক গারিগী এদোপসন অমসুং ফোরকাস্তকী দেতাগী দাসবোর্দ পৱার অমসুং নিউ অমসুং রিনিউএবল ইনর্জি মিনিস্তরনা হৌদোকখ্রে


তুংগীদি ইলেক্ত্রিক্নি, দিজল অমসুং পেত্রোল এস.য়ু.ভিশিং পুৱারি ওইহৌরগনি: পৱার অমসুং নিউ অমসুং রিনিউএবল ইনর্জি মিনিস্তর আর.কে সিংহ

ই.ভি-রেদি ইন্দিয়া দাসবোর্দনা ২০২২ অমসুং ২০৩০গী মরক্তা ইলেক্ত্রিক গারিশিং চাদা ৪৫.৫ কম্পাউন্দেদ এন্নুয়েল গ্রোথ রেত লৈগনি’; ২০৩০ ফাওবদা ভারত্তা চহিদা ই.ভি করোর ১.৬ য়োনগনি

Posted On: 16 OCT 2023 4:58PM by PIB Imphal

ঙসি নিউ দিল্লিদা পৱার অমসুং নিউ অমসুং রিনিউএবল ইনর্জি মিনিস্তর আর.কে সিংহনা অনৌবা ই.ভি-রেদি ইন্দিয়া দাসবোর্দ অমা হৌদোকখ্রে।  থিঙ্কতেঙ্ক ও.এম.আই ফাউন্দেসন্দা থৌশিল অমসুং উদোগকী অখঙ-অহৈশিংনা শেমগৎপা দাসবোর্দ অসি রিএল-তাইম ইলেক্ত্রিক গারি শীজিন্নবা অমসুং ফোরকাস্তশিং, বেত্তরি দরকার ওইবা, চার্জ তৌবগী চাং, কৈথেল ফগৎলকপগী মতাংদা মীৎয়েং থম্বা শেন তিংদবা দিজিতেল প্লেতফোর্ম অমনি। দাসবোর্দ অসিনা মীয়াম, উদোগ, থৌশিল শেম্লিবশিং অমসুং ইলেক্ত্রিক গারি শীজিন্নরিবশিংদা কান্নবা পীগনি।

প্লেতফোর্ম অসিনা দেতা অমসুং এ.আইগী শক্তি শীজিন্নরি অমসুং মেক্রোইকোনোমিক দেতাগী দরকার ওইবশিং ফংহলগনি অমসুং ইলেক্ত্রিক গারিগী লমদা ভারতনা য়াংনা চাউখৎলকপা অসি নৈনগনি। ই.ভি-রেদি ইন্দিয়া দাসবোর্দনা ২০২২ অমসুং ২০৩০গী মরক্তা ইলেক্ত্রিক গারিশিং চাদা ৪৫.৫ কম্পাউন্দেদ এন্নুয়েল গ্রোথ রেত লৈগনি’ অমসুং ২০২২দা ইলেক্ত্রিক তু-হুইল্লর ৬,৯০,৫৫০ য়োনবদা ২০৩০দা  ইলেক্ত্রিক তু-হুইল্লর ১,৩৯,৩৬,৬৯১ য়োনগনি।

থৌরম অদুদা দাসবোর্দকী মরমদা লাইরিকমচা অমা ফোঙখ্রে; লাইরিক অসিদা মফম অসিদা ফংগনি। হৌদোকপগী থৌরম মফম অসিদা য়েংবা য়াগনি।

“তুংগীদি ইলেক্ত্রিক্নি, মসি কনা অমতনা থিংবা ঙম্লোই, দিজল অমসুং  পেত্রোল এস.য়ু.ভিশিং পুৱারি ওইহৌরগনি”

কেন্দ্র অমসুং রাজ্য সরকারশিং, উদোগ, ৱার্ল্দ বেঙ্কগী মীহুৎশিং অমসুং অতোপ্পা মরী লৈনবশিংদা থৌরম অদুদা ৱা ঙাংবদা য়ুনিয়ন মিনিস্তরনা হায়খি তুংগীদমক ইলেক্ত্রিক লৈরে। মসি কনা অমতনা থিংবা ঙম্লোই। বেত্তরগী মমল হন্থরক্কনি, অমসুং অমুক্তং মমল তাখ্রবদি, দিজল অমসুং পেত্রেল এস.য়ু.ভি পুৱারি ওইহৌরগনি। ঐখোয়গী খোঙচৎ অসিদা মালেমদা খ্বাইদগী চাউবা ইকোনোমিশিংগী মনুংদা অমা ওইদুনা, ঐখোয়গী ইলেক্ত্রিক লৈগনি।

মিনিস্তরনা হায়খি লৈবাক অমা ওইনা ইলেক্ত্রিক গারি শীজিন্নবা হৌবা হায়বসি ভারতকীদমক তঙাইফদবনি। ঐখোয়না ৫শুবা খ্বাইদগী চাউবা ইকোনোমিদগী ৩শুবা খ্বাইদগী চাউবা ইকোনোমিদা কাখৎলকপা পাম্মী। মসিদা ইনর্জিগী লমদা মনিংতম্বা দরকার ওই, মরম অদুনা ইলেক্ত্রিক গারিশিং শীজিন্নবা দরকার ওইরিবনি।

“কার্বোন শীজিন্নদবা চৎথোক-চৎশিনগী থবকশিং অসি কার্বোন থাদোকপা হন্থহন্নবা তঙাইফদে”

য়ুনিয়ন মিনিস্তরনা হায়খি কার্বোন শীজিন্নদবা চৎথোক-চৎশিনগী থবকশিং অসি য়াম্না মরুওই অমসুং ঐখোয়গী মৈখু থাদোকপগী চাদা ১৮ দি ত্রান্সপোর্তনা ওইরি, মসি উদোগকী হেক মখাদা লৈরি অমসুং সরকারনা থৱায় য়াওনা ই.ভিশিং পুক্নিং থৌগৎলি। ঐখোয়গী প্রধান মন্ত্রীনা গুজরাতকী চীফ মিনিস্তর ওইরিঙৈদা, য়ুনিত অমদা লুপা ১৫দা সোলার লৈখি; থর্মেল পৱার য়ুনিত অমদা লুপা ৪.৫০দা ফংলি হায়না মীওই কয়ানা মঙোন্দা চৈখি, অদুবু মহাক্না হায়খি করিগুম্বা মহাক্না মমল অসিদা লৈদ্রবদি, মমল হন্থরক্লোই। ঙসিদি সোলারগী মমল হন্থরক্লে। মসি ঐখোয়না ইলেক্ত্রিক্কী গারি শীজিন্নবা হেনগৎহন্নবা পান্দম অমগী মখাদা পাংথোকপনি। কনাগুম্বা মীওই অমতনা ইলেক্ত্রিক গারিশিংগী ৱারি শানবা হৌদ্রিঙৈ মমাঙদা, এপ্রিল ২০১৮দা সরকারনা অহানবা ওইনা ইলেক্ত্রিক গারিশিং চার্জ তৌনবা চৎন-কাংলোনশিং পুথোকখ্রে। 

মিনিস্তরনা হায়খি সরকারনা দাসবোর্দ অমা (https://evyatra.beeindia.gov.in/) হাংদোক্লে অমসুং মসিদগী ঐখোয়না চার্জ তৌফমশিং অমসুং মখোয় হাংলিবরা নত্ত্রগা হাংদ্রিবরা হায়বা খঙবা ঙম্লগনি। দাসবোর্দ শীজিন্নদুনা কনাগুম্বা অমনা মফম অদু য়ৌদ্রিঙৈদা চার্জ তৌফম অদু কন্দুনা থম্বা য়াই।

“ভোলুম হেনগৎহন্নবা অমসুং  বেত্তরিগী মমল হন্থহন্নবা, বেত্তরিশিংগী অতোপ্পা পি.এল.আই অমা লৈরে”

ইলেক্ত্রিক গারিশিং শীজিন্নবদা থেংনরিবা খুদোংচাদবশিংগী মতাংদা য়ুনিয়ন মিনিস্তরনা হায়খি বেত্তরি মমলনা মরম ওইদুনা মীওই অমনা থেংনরিবা খুদোংচাদবা অসি মমলনি। বেত্তরিশিং পুথোক্নবা ঐখোয়না প্রদক্সন লিঙ্ক ইন্সেন্তিপ পীরে, অতোপ্পা পি.এল.আই অমসু ঐখোয়না পুথোক্লগনি। ঐখোয়না বেত্তরিগী মমল হন্থহনবা দরকার ওই। নোংচুপ্না কার্বোন থাদোকপা হন্থহনবগী মরুওইবগী মতাংদা ৱা ঙাংলি, অদুবু বেত্তরি মমল হন্থহন্নবগী মতাংদা মখোয়না করি অমতা হায়দে। করিগুম্বা ঐখোয়না ভোলুম হেনগৎহল্লবদি বেত্তরিগী মমল হন্থগনি অমসুং মরম অদুনা পুথোকপা, কেপাসিতি অমসুং ভোলুমশিংগী ঐখোয়না অতোপ্পা পি.এল.আই অমা চৎনগদৌরিবনি।

“সপ্লাই চেনগী ৱাফমশিং অরুবা ৱাফমশিংনি, লিথিয়মদগী অতোপ্পা কেমিস্ত্রিশিংদা হোংদোকপা দরকার ওই”

য়ুনিয়ন মিনিস্তরনা হায়খি ই.ভি শীজিন্নবগী অতোপ্পা খুদোংচাদবদি লিথিয়ম ফংফম অসিনি। লিথিয়ম রিজার্বকী চাদা ৮০ লৈবাক অমা খক্তা লৈরি অমসুং লিথিয়ম পুথোকপগী চাদা ৮৮ লৈবাক অমা খক্তনা পাংথোক্লি। সপ্লাই চেনগী ৱাফম আসি হৌজিক মরুওইনা লৌরে। ঐখোয়না মথৌ  তারিবদি লিথিয়মদগী অতোপ্পা কেমিস্ত্রিশিং হায়বদি সোদিয়ম আইওন্দা হোংদোকপা অসিনি। সপ্লাই চেন ফজনা লৈহন্নবা অতোপ্পা কেমিস্ত্রিশিং শীজিন্নবা হায়বসি তঙাইফদবনি। উদোগশিংনা অতোপ্পা কেমিস্ত্রিশিংগী লমদা থিজিন্নবা শেন থাদগদবনি।

 “শেন-থুম চাউখৎনবা অমসুং ক্লাইমেত এক্সনগীদমক ই.ভিশিং য়াম্না মরুওই”

য়ুনিয়ন মিনিস্ত্রিনা হায়খি ভারতকুম্বা লৈবাক অমদা শেন-থুম চাউখৎনবা অমসুং ক্লাইমেত এক্সনগীদমক ই.ভিশিং য়াম্না মরুওই। অইং-অশাগী খল হোংলকপা থিংনবা থবকশিংদা অহোংবা পুরকপা অসি তঙাইফদে অমসুং মসি তশেংনা থবক ওইনা পাংথোক্কদবনি। ঐখোয়না মীকোক অমদা মৈখু থাদোকপা অসি মালেমগী চাংচৎকী শরুক অহুম থোকপগী মনুংদা শরুক অমনি, অদুগা চাউখৎলবা লৈবাকশিংগী ওইনা মালেমগী চাংচৎকী শরুক অহুমনি। ঐখোয়গী অপুনবা মীশিং অসি চাদা ১৭ ওইরবসু মালেমদা ঐখোয়না কার্বোনদাইওক্সাইদ চাদা ৪ খক থাদোক্লি।

মিনিস্তরনা হায়খি মালেমগী শাবা হেনগৎলকপা দিগ্রি সেলসিয়স ২গী মখাদা লৈহনবদা অয়াবা পীদুনা ইনর্জিগী অওনবশিং পুরক্নবা থবক পায়খৎলিবা অচৌবা ইকোনোমি অমা ভারতনা ওইরি। ঐখোয় অসি মাংজৌননা এন.দি.সিগী পান্দমশিং ফংলবা অমতা ঙাইরবা অচৌবা ইকোনোমি অমনি। লৈবাক অমতদা রিনিউএবল ইনর্জি পুথোকপা ঙম্বা য়াংনা চাউখৎত্রি। চহি ১১ ঙনখৎনা, ২০১৯দা ঐখোয়না মৈখু থাদোকপা হন্থহন্নবগী এন.দি.সি ফংবা ঙম্লে। মরম অদুনা গ্লাস্কোদা ঐখোয়না হায়খি ঐখোয়গী পৱার পুথোকপগী চাদা ৫০ নন-ফোসিল ফুয়েলশিংদগী ওইগনি। ঐখোয়গী মৈখু থাদোকপগী চাং চাদা ৪৫দা হন্থহনগনি হায়না ঐনা ৱাশকখি। ই.ভিশিং শীজিন্নবা অসিনা মৈখু থাদোকপা হন্থহনগনি। ঐখোয় সরকার অমা ওইনা, ঐখোয়গী মালেম অসি ঐখোয়না মরুওইনা লৌবা, মসি ঐখোয়গী চৎনবী ওইনা মসি য়াম্না মরুওইবনি। ঐখোয়না মহৌশাগী অকোয়বগী ফিবমদা থাজবা থম্বা মরম্না ঐখোয়না থবক পায়খৎপনি।

ই.ভি-রেদি ইন্দিয়া দাসবোর্দ

ও.এম.আই ফাউন্দেসনগী মতুংইন্না, ই.ভি-রেদি ইন্দিয়া দাসবোর্দ অসি ভাহান রাজ্যশিং অমসুং তেলঙ্গানা শীনবা থুংবগী সেল দেতাশিং য়াওরবা ভারতকী অমতা ঙাইরবা দাসবোর্দনি, মসিদা চার্জ তৌফম, দরকার ওইবগী ফিবম, গারি লৈবদা চঙবা অপুনবা শেনফম চঙদম্নবা, ই.ভি শীজিন্নরিবশিং কান্নবা ফংহনবা কয়া য়াওরি। মসিগী মথক্তা মসিনা ই.ভিশিংদা হৌজিক শেন থাদবগী মওং অমসুং লৈবাক অসিগী ই.ভি য়াম্না শীজিন্নবা মফমশিং খঙদোকপা ঙমগনি। মসিনা মখা তানা মৈখু থাদোকপা হন্থহন্দুনা, মৈখু অমতা থাদোক্তবা ভারতকী খোঙচৎ য়াংখৎহন্নবা পান্দম থম্লি।

ফাউন্দেসন্না হায়খী ২০৩০ ফাওবদা ভারত্তা চহি অমদা ই.ভি করোর ১.৬ হেন্না শীজিন্নগনি হায়না দাসবোর্দনা পারি। মসিগা লোয়ননা মহারাস্ত্রা অমসুং দিল্লিদা লৈবাক অসিগী খ্বাইদগী মশিং য়াম্না চার্জ তৌফমশিং লৈরি। লৈবাক অসিদা ইলেক্ত্রিক তু হুইল্লর শাবদা তমিল নাদুনা মাঙজিল থারি, ইলেক্ত্রিক থ্রী হুইল্লর শাবদা তেলঙ্গানানা মাংজিল থারি, ইলেক্ত্রিক ফোর হুইল্লর শাবদা মহারাস্ত্রা, বেত্তরি শাবদা গুজরাতনা অমসুং রিছার্স অমসুং দিবলপমেন্তদা কর্নাতকানা মাংজিল থারি। কিলোৱাত অমা লুপা ৩.৬ পীদুনা চান্দিগরনা চার্জ তৌবগী মমল খ্বাইদগী য়ামদনা লৌরি। দাসবোর্দনা হায়খি মদুদি ২০৩০ ফাওবদা ভারতনা কার্বোনদাইওক্সাইদ থাদোকপা মিল্লিয়ন তন ৫.১৮ রোম হন্থহনগনি হায়রি। হৌজিক ফাওবদা লক্ষদ্বিপ ইথৎশিংগী অপুনবা পাক-চাউবা লমগী শরুক অনিগী লমদা উ পাম্বী মিল্লিয়ন ৮৫.৪৭ হৌরি।

ও.এম.আই ফাউন্দেসনগী ইজুকিউতিপ দিরেক্তর, ঐশ্বারয়া রমন্না হায়খি ই.ভি-রেদি ইন্দিয়া অসি অমদা খুদিংমক য়াওরবা অমসুং শেন তিংদবা দাসবোর্দ অমনি। মসি ভারতকী ই.ভিগী খোঙচৎ শরুক য়ানিংবা খুদিংমক্কীনি। মসি ও.এম.আই ফাউন্দেন্না কন্না থিজিনবা, নৈনবা, ঐখোয়গী অখঙ-অহৈশিংগী চোকথবা নাইদনা কৎথোকপগী মহৈনি।

ই.ভি-রেদি ইন্দিয়া দাসবোর্দকী মরুওইবা শক্তমশিং:

  1. দাসবোর্দ অসিদা ভাহান রাজ্য ৩৪ অমসুং য়ু.তিশিং অমসুং তেলঙ্গানাগী সেল দেতাশিং য়াওরে। শীজিন্নবগী চাংশিং, মতম, ফোর্ম ফেক্তর, রাজ্যশিং অমসুং অহেনবা হিরম কয়াদা দেতা অসি লাইনা খঙনবা উৎলে।
  2. দাসবোর্দ অসিদা ই.ভি শীজিন্নবগী মতাংদা ওইরকপা য়াবশিং উৎলে অমসুং ২০৩০ ফাওবদা বেত্তরি দিমান্দগী মতাংদা উৎলে। মসিগী মথক্তা, ভারত পুম্নমক্কী উৎপগী মথক্তা, রাজ্যশিংগী প্রোজেক্সনশিং উৎলে।
  3. ই.ভি লৈদুনা শীজিন্নরিবশিংগী ওইনা, দাসবোর্দনা ই.ভি গারি মপুশিংগী শেন-থুমগী কান্নবশিং উৎলে। বতন অমা নম্বদা, সবসিদি ফংবা য়ারবা ই.ভি মোদেলশিং অমসুং সবসিদিগী মশিং য়েংবা য়ারগনি।
  4. দাসবোর্দ অসি ই.ভিগী থবকশিংগী থৌশিলশিং অমসুং ভেলু চেনশিং কোনশিনবা চৎন-কাংলোনশিং য়াওরে। পোলিসি মোদুলনা রাজ্যশিংনা মখোয়গী থৌশিলশিং চাংদম্নবদা মতেং পাংলে অমসুং মখোয়গী খুদোংচানবা নৌথোকহনবা য়ারে।
  5. দাসবোর্দ অসিদা লৈবাক অসিদা চার্জ তৌফমশিং উৎলে। মসিগী মথক্তা লম্বীদা লৈরিবা চার্জ তৌফমশিংগী কুংনা লৈবগী চাংসু উৎলে। মসিগী মোদুল অসিদা রাজশিংগী চার্জ তৌবগী মমলশু উৎলে।
  6. ই.ভি ভেলু চেনশিং, গারি শাবা, বেত্তরি তেক্নোলোজি, বেত্তরি রিসাইক্লিং নত্ত্রগা অর্বান মাইনিং, রিছার্স অমসুং দিবলপমেন্ত খোঙ্গুল লীদুনা ভারতকী শেন-থুম চাউখৎনবা অমসুং থবক পীবদা মতেং পাংলিবশিং দাসবোর্দ অসিনা উৎলে।
  7. লৈবাক শীনবা থুংনা ই.ভি শীজিন্নদুনা ভারতনা মৈখু অমতা থাদোক্তনবা মাইকৈদা চঙশিল্লিবা খোঙচৎ অসিদা দাসবোর্দ অসিনা মতেং পাংলি।
  8. অরোইবদা, দাসবোর্দ অসিদা ই.ভি শীজিন্নবগী পাউ অমসুং ব্লোগশিং উৎলি অমসুং ই.ভিগী থবকশিংগী ভেল চেনশিংগী দেতাদা য়ুম্ফম ওইবা ৱারেপ লৌবগী থবকশিং মফম অমদা পাংথোক্লি।

হৌদোকপগী থৌরম অদুদা “দেতা-দ্রাইভন দিসিজন মেক্কিং ইন ই.ভি সেক্তর” হায়বা হিরমদা খন্ন-নৈনবা অমসু পাংথোকখি।

https://evreadyindia.org/ দা দাসবোর্দ য়েংবীয়ু।

অদোম্না মসি চেক তৌবা য়াগনি:

  1. https://powermin.gov.in/en/content/electric-vehicle
  2. Centre sanctions Rs. 800 crores under FAME Scheme Phase II for 7432 public fast charging stations
  3. Three schemes launched and several steps taken by the Centre to promote adoption of electric vehicles in India
  4. ELECTRIC VEHICLES
  5. EVs purchased under FAME INDIA scheme

 

****



(Release ID: 1968379) Visitor Counter : 58