مرکزی وزیر صحت و خاندانی بہبود ڈاکٹر منسکھ منڈاویا نے آج ناگالینڈ کے کوہیما میں ناگالینڈ کے نائب وزیر اعلی جناب ٹی آر زیلیانگ اور ناگالینڈ کے صحت اور خاندانی بہبود کے وزیر جناب پی پی وانگ کونیاک کے ساتھ ناگالینڈ انسٹی ٹیوٹ آف میڈیکل سائنسز اینڈ ریسرچ (این آئی ایم ایس آر) کا افتتاح کیا۔

اس موقع پر خطاب کرتے ہوئے ڈاکٹر منڈاویا  نے کہا کہ این آئی ایم ایس آر صرف ایک میڈیکل کالج نہیں ہے بلکہ یہ ایک ریسرچ انسٹی ٹیوٹ بھی ہے۔ یہ نہ صرف طبی تعلیم فراہم کرنے کے مقصد کو پورا کرے گا بلکہ ناگا لوگوں کی صحت کے مسائل کو بھی حل کرے گا۔ ‘‘

مرکزی وزیر صحت نے طلبہ  اور دیگر اسٹیک ہولڈروں کی حوصلہ افزائی کی کہ وہ قومی سرحدوں کے اندر اپنی تحقیق کے دائرہ کار کو محدود نہ کریں۔ انھوں نے کہا،’’ہمیں بیرون ملک بھی مواقع سے فائدہ اٹھانا ہوگا۔‘‘ انھوں نے یہ بھی بتایا کہ مرکزی حکومت نے بہت سے میڈیکل تعلیمی اداروں میں غیر ملکی زبان کے کورس شروع کیے ہیں تاکہ طلبہ کو بیرون ملک ملازمت حاصل کرنے میں برتری حاصل ہوسکے۔

ڈاکٹر منڈاویا نے کہا کہ ملک میں میڈیکل ، نرسنگ اور فارمیسی کی تعلیم کو مضبوط بنانا ملک کے صحت کے شعبے کی مجموعی ترقی اور توسیع کے لیے مرکزی حکومت کی ایک کوشش ہے۔ انھوں نے کہا کہ اس کا مقصد یہ یقینی بنانا ہے کہ بھارت کا ہر شہری ملک بھر میں سستی اور قابل رسائی طبی خدمات تک رسائی حاصل کرسکے۔ انھوں نے سبھی کے لیے معیاری اور سستی ادویات تک رسائی کو بہتر بنانے کے لیے ملک بھر میں جن اوشدھی کیندروں کی توسیع پر بھی روشنی ڈالی۔

جناب نیفیو ریو نے کہا کہ ’’آج ناگالینڈ کے لوگوں کے لیے ایک تاریخی دن ہے کیونکہ ہم نے ریاست کے پہلے میڈیکل کالج کا افتتاح کیا ہے۔‘‘ اس بات پر روشنی ڈالتے ہوئے کہ ناگالینڈ کے لوگوں کا اپنی ریاست میں ایک میڈیکل کالج ہونا ایک دیرینہ خواب تھا ، انھوں نے اس پروجیکٹ کو ثابت قدمی سے شروع کرنے کے لیے مرکزی حکومت کا شکریہ ادا کیا۔ انھوں نے یہ بھی کہا کہ این آئی ایم ایس آر ریاست کی ثانوی اور تیسرے درجے کی طبی خدمات کو مضبوط بنانے میں مدد کرے گا اور انھوں نے مزید امید ظاہر کی کہ یہ آنے والے دنوں میں ایک بہترین مرکز بن جائے گا۔

جناب کونیاک نے کہا کہ این آئی ایم ایس آر کا افتتاح ریاست ناگالینڈ کے لیے ایک مبارک موقع ہے اور انھوں نے ریاست میں طبی تعلیم اور صحت کے بنیادی ڈھانچے کو مضبوط بنانے کو دی گئی اہمیت کے لیے مرکزی حکومت کا شکریہ ادا کیا۔ انھوں نے عالمی بینک، جاپان انٹرنیشنل کوآپریشن ایجنسی (جے آئی سی اے) اور دیگر شراکت داروں اور ایجنسیوں کا بھی شکریہ ادا کیا جو این آئی ایم ایس آر کوہیما پروجیکٹ میں شامل تھے۔

این آئی ایم ایس آر کوہیما کا مقصد این آئی ایم ایس آر کے تحت داخل ہونے والے ایم بی بی ایس طلبہ کو جامع طبی تعلیم فراہم کرنا، طبی خدمات کے مختلف پروگراموں، اضافی اور اندرونی تحقیقی سہولیات کے ذریعے مریضوں کو جامع اسپتال پر مبنی اور کمیونٹی آؤٹ ریچ ہیلتھ کیئر خدمات فراہم کرنا ہے۔

این آئی ایم ایس آر اپنے جدید ترین اسکل ڈیولپمنٹ ڈومین مخصوص تدریسی ٹولز، لیبارٹریز، سینٹرل لائبریری، کھیلوں کی سہولیات اور میڈیکل ایجوکیشن یونٹ کے ساتھ معروف فیکلٹی اور ریزیڈنٹس ہیں جو قومی اور بین الاقوامی شہرت کے دیگر معروف میڈیکل کالجوں اور طبی تنظیموں کے ساتھ شراکت داری، مفاہمت ناموں اور نیٹ ورکنگ کے ذریعے مزید ترقی کے لیے صلاحیت سازی، اہلیت اور اعتماد کی ترقی، تعاون اور تعاون پر توجہ مرکوز کرتے ہیں۔

این آئی ایم ایس آر کوہیما ناگالینڈ یونیورسٹی سے وابستہ ہے۔ اسے اپریل 2023میں نیشنل میڈیکل کمیشن (این ایم سی) سے تعلیمی سال 2023-2024 سے ایم بی بی ایس کی 100 نشستوں میں داخلہ کے لیے اجازت نامہ موصول ہوا، جس سے ناگالینڈ کے لوگوں کے دیرینہ خواب کو پورا کرتے ہوئے ریاست کے قیام کے 60 سال بعد ریاست میں پہلا میڈیکل کالج شروع کرنے کی راہ ہموار ہوئی۔

ریاست ناگالینڈ کے 85 ایم بی بی ایس طلبہ اور آل انڈیا سیٹوں کے 6 طلبہ نے این آئی ایم ایس آر میں داخلہ لیا اور یکم جولائی کو انڈکشن پروگرام کے بعد ایم بی بی ایس کلاسوں میں شامل ہوئے ہیں۔

این آئی ایم ایس آر کوہیما کا افتتاح ناگالینڈ اور پورے شمال مشرقی خطے میں طبی تعلیم اور صحت کی دیکھ بھال کے بنیادی ڈھانچے کے معیار کو بہتر بنانے کی حکومت کی کوششوں کا ایک اہم حصہ ہے۔

ناگالینڈ حکومت کے کابینہ کے ارکان؛ اس موقع پر مرکزی اور ناگالینڈ حکومت کے سینئر عہدیدار، سول سوسائٹی کے ممبران اور خصوصی مدعو افراد موجود تھے۔

***

(ش ح – ع ا – ع ر)

U. No. 10811