জোনিং অমদি কম্পার্তমেন্তেলাইজেসনগী বেকগ্রাউন্দ

জোনিং অমদি কম্পার্তমেন্তেলাইজেসন হায়বসি মালেমগী লল্লোন ইতিক অমদি লায়না ঙাকথোক্নবা নৎত্রগা লাকশিন্নবগীদমক অকক্নবা হকশেলগী ফীভম লৈবা শা-উচেকশিংগী গ্রুপ শেম্বা অমদি ঙাক্তুনা থম্নবগী মরুওইবা খুৎলায়শিংনি‍। কম্পার্তমেন্তেলাইজেসন্দা লৈবাকসিগী ঙমখৈ মনুংদা অকক্নবা হকশেলগী ফীভম লৈবা শা-উচেকশিংগী সব-পোপুলেসন অমবু মশক তাকপা য়াওরি‍। হায়রিবা ফীভম অসি ঙাক্না থম্বা হায়বসি দব্লিউ.ও.ঐ.ঐচ. তেরেস্ত্রিএল কোদ (চেপ্তর ৪.৪ অমদি ৪.৫)দা পীরিবা স্তেন্তর্দশিং অমদি অকক্নবা লায়নাগী চেপ্তরশিংদা পীরিবা রিকম্মেন্দেসনশিং ঙাক্না চৎপা য়াম্না চেকশিনবা মেনেজমেন্ত অমদি হজবেন্দ্রী থৌওংশিংদা য়ুম্ফম ওইবনি‍।

ভারত্তা এভিয়ন ইনফ্লুএঞ্জা

হায়লী পেথোজিনিক এভিয়ন ইনফ্লুএঞ্জা (ঐচ.পি.এ.আই.), ময়াম্না বর্দ ফ্লু হায়না খঙনবা অসি ভারত্তা অহানবা ওইনা মহারাস্ত্র স্তেত্তা ফেব্রুৱারী ২০০৬তা থেংনখিবনি‍। মদুদগী হৌরগা লৈবাকসিগী তোঙান তোঙানবা মফমশিংদা ঐচ.পি.এ.আই. শন্দোরকপা থেংনদুনা শেন্মিৎলোন্দা চাউনা মাঙদুনা লাক্লি‍। লায়না অসি স্তেত অমদি য়ুনিয়ন তেরিতরী ২৪দা রিপোর্ত তৌরক্তুনা মদু শন্দোরকপা থিংননবগীদমক য়েন ঙানু মিলিয়ন ৯ হেন্না হাৎখি‍।

ঐচ.পি.এ.আই. লাকশিন্নবা ভারতকী থৌওং অসিনা নেস্নেল এক্সন প্লান ফোর প্রিভেন্সন, কন্ত্রোল, এন্দ কন্তেনমেন্ত ওফ এভিয়ন ইনফ্লুএঞ্জা (২০২১দা নৌনা শেমদোকখিবা) অসিদা পীরিবা ‘দিতেক্ত এন্দ কল” হায়রিবা থৌরাংসি ইন্দুনা চৎপনি‍। হায়রিবা মপুং ওইবা থৌরাং অসিদা লায়না পক্লবা অমদি এক্সপোজ তৌরবা শা-উচেকশিং, মরুম, মচিঞ্জাক, মথি-ময়ুং, অমদি অতৈ মোৎশিল্লবা মচাক মথুমশিং মওং মরিল নাইনা মাঙহন্বা য়াওরি‍। মসিগী মথক্তা, পোল্ত্রী অমদি পোল্ত্রী পোত্থোকশিং পুথোক পুশিন তৌবা থিংবা, শোক্লবা মফমশিংদা মহিক মতাং হাত্তোকপা অমদি শেংদোকপা, অমসুং পোস্ত-ওপরেতিব সর্ভিলেন্স প্লান (পি.ও.এস.পি.) অমসু চৎনহল্লি‍। মতাঙসিদা পনবা য়াবদি, ভারত্তা ঐচ.পি.এ.আই.গী মায়োক্তা তিকা থাবা য়াদে‍।

কম্পার্তমেন্তেলাইজেসন: মরুওইবা লাকশিন্নবা থৌরাং অমা

হায়রিবা শিংনবশিং অসি লৈরগসু, ভারতনা পোল্ত্রী কম্পার্তমেন্তেলাইজেসনগী ৱাখল্লোন্দা থবক পায়খত্তুনা ভারতনা ঐচ.পি.এ.আই.গা লোয়নবা খুদোংথিবশিং হন্থহন্নবা ইচঙ থৌবা থবক পায়খৎলি‍। কম্পার্তমেন্তেলাইজেসন হায়বসি শা-উচেক্কী মশা মউ ফগৎহনবা, কম্পার্তমেন্ত মনুং অমদি মপান্দ লায়না শন্দোরকপগী খুদোংথিবা হন্থহনবা, অমদি পোল্ত্রী অমদি পোল্ত্রীগা মরী লৈনবা পোত্থোকশিং লল্লোন ইতিক তৌবদা মতেং পাংবা মরুওইবা খুৎলায় অমনি‍।

দব্লিউ.ও.এ.ঐচ.)না সেল্ফ-দিক্লারেসনগী অয়াবা পীরকপা

ভারত লৈঙাক্কী দিপার্তমেন্ত ওফ এনিমেল হজবেন্দ্রী এন্দ দেরিইংনা ৱর্ল্দ ওর্গনাইজেসন ওফ এনিমেল হেল্থ (দব্লিউ.ও.এ.ঐচ.)তা পোল্ত্রী কম্পার্তমেন্ত ২৬তা হায় পোথেজিনিসিতী এভিয়ন ইনফ্লুএঞ্জাদগী মনীং তম্লে হায়না মশানা লাউথোকচবা য়াহন্নবা চে অমা থাখি‍। ওক্তোবর ১৩, ২০২৩দা মালেমগী য়েরুমগী নুমিৎকা চুননা দব্লি.ও.এ.ঐচ.না সেল্ফ-দিক্লারেসন অসি অয়াবা পীরকখি‍। দিক্লারেসন অসি হৌজিক দব্লিউ.ও.এ.ঐচ. ৱেবসাইত (https://www.woah.org/app/uploads/2023/10/2023-10-india-hpai-compartments-eng.pd) অসিদা মীয়াম্না য়েঙবা য়ানবা ফংলে‍।

হায়রিবা পোল্ত্রী কম্পার্তমেন্তশিং অসি ভারতকী স্তেত মরিদা, মমিং ওইনা মহারাস্ত্র, তামিল নাদু, উত্তর প্রদেশ, অমদি ছত্তিসগরদা লৈবনি‍। দব্লিউ.ও.এ.ঐচ.না শকখঙলক্লিবা অসিনা ইন্তরনেস্নেল বাইওসিক্যুরিতী স্তেন্দর্দতা ভারতনা লেপ্লিবা খোঙফম তাক্লি অমদি মশা অমদি মরুম য়াওনা ভারতকী পোল্ত্রী অমদি পোল্ত্রীগী পোত্থোকশিং মপান্দা থাদোকপগী মতিং হেনগৎহনবদা মতেং ওইরগনি‍। ভারত মালেমগী ওইনা অহুমশুবা খ্বায়দগী চাউনা য়েন ঙানু মরুম পুথোকপা (বিলিয়ন ১২৯.৬০) অমদি মঙাশুবা খ্বায়দগী চাউনা পোল্ত্রী মীত পুথোকপা (বিলিয়ন তন ৪.৪৭) লৈবাক ওইদুনা, হায়রিবা মায় পাকপা অসিদগী খুদোংচাবা লৌনবা শেম শারি‍।

শেনবা চহি ২০২২-২৩ মনুংদা, ভারতনা লৈবাক ৬৪দা পোল্ত্রী অমদি পোল্ত্রী পোত্থোক থাদোক্তুনা, য়ু.এস.দি. মিলিয়ন ১৩৪গী রিভিন্যু লাকখি‍। সেল্ফ-দিক্লারেসন অসি অয়াবা পীরকপা অসিনা মালেমগী কৈথেলদা ভারতকী পোল্ত্রীগী অনৌবা খুদোংচাবশিং হাংদোরক্তুনা লৈবাকসিগী শেন্মিৎলোন চাওখৎহনবদা মতেং ওইরগনি‍।

*****