প্রধানমন্ত্রীগী লোইশঙ
প্রধান মন্ত্রীনা মুম্বাইদা ইন্তরনেসনেল ওলেম্পিক কম্মিতি(আই ও সি)গী ১৪১গী মীফম হৌদোক্কনি
চহি ৪০গী মতুংদা ভারত্তা আই.ও.সিগী মীফম পাংথোক্কদবনি
Posted On:
12 OCT 2023 7:03PM by PIB Imphal
প্রধান মন্ত্রী শ্রী নরেন্দ্র মোদীনা ওক্তোবর ১৪,২০২৩দা মুম্বাইগী জিও ৱার্ল্দ সেন্তরদা ইন্তরনেসনেল ওলেম্পিক কম্মিতি(আই ও সি)গী ১৪১গী মীফম হৌদোক্কনি।
আই.ও.সিগী মীফম অসি ইন্তরনেসনেল ওলেম্পিক কম্মিতি(আই ও সি)গী মেম্বরশিং উন্নবগী মরুওইবা মীফম অমনি। তুংগী ওলেম্পিক গেমশিংগী মতাংদা মরুওইবা ৱারেপশিং আই.ও.সি মীফমশিংদা লৌই। চহি ৪০গী মতুংদা অনিরকশুবা ওইনা ভারতনা য়ুম্বু ওইদুনা আই.ও.সি মীফম পাংথোক্কদবনি। ১৯৮৩দা নিউ দিল্লিদা আই.ও.সিগী ৮৬শুবা মীফম পাংথোকখি।
ভারতনা আই.ও.সিগী ১৪১ মীফম য়ুম্বু ওইদুনা পাংথোক্কদৌরিবা অসিনা লৈবাক অসিনা মালেমগী মতেং পাংনবা হেনগৎহন্নবা, শান্নবগী হৈথোই-শিংথোইবা হরাওবা ফোঙদোকপা, মরুপ-মপাং ওইবগী ওলেম্পিক্কী ফিদমশিং হেনগৎহনগনি। তোঙান-তোঙানবা শান্নবগা মরী লৈনবশিংগী মরক্তা লৌশিং পীথোক-পীশিন তৌনবা অমসুং ৱারি শানবগী খুদোংচাবা অমা মীফম অসিনা পীগনি।
মীফম অসিদা ইন্তরনেসনেল ওলেম্পিক কম্মিতি(আই ও সি)গী প্রসিদেন্ত থোমাস বাচ অমসুং আই.ও.সিগী অতোপ্পা মেম্বরশিং, ভারতকী শক্নাইরবা শান্নরোয়শিং অমসুং ইন্দিয়ান ওলেম্পিক এসোসিএসন য়াওনা তোঙান-তোঙানবা স্পোর্তস ফেদেরেসনশিংগী মীহুৎশিং শরুক য়াগনি।
***
(Release ID: 1967365)
Visitor Counter : 94
Read this release in:
Kannada
,
Tamil
,
Malayalam
,
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Telugu