దేశీయంగా అభివృద్ధి చేసిన మూడు సాంకేతికతలు, పారిశ్రామిక అప్లికేషన్ కోసం సీ ఎం ఓ ఎస్  సెన్సార్ ఆధారిత కెమెరా, ఇంటెలిజెంట్ ట్రాన్స్‌పోర్టేషన్ సిస్టమ్ కోసం థర్మల్ సెన్సార్ కెమెరా- మరియు ఆన్‌లైన్ సుక్రో క్రిస్టల్ ఇమేజింగ్ సిస్టమ్ ఈరోజు ఇక్కడ 11వ ట్రాఫిక్ ఎక్స్‌పో మరియు స్మార్ట్ మొబిల్‌లో ప్రారంభించబడ్డాయి.

ఈ & ఐటీ, ఎం ఈ ఐ టీ వై,గ్రూప్ కోఆర్డినేటర్ ఆర్ & డీ శ్రీమతి సునీతా వర్మ మరియు ఎడిటర్-ఇన్ చీఫ్, ట్రాఫిక్ ఇన్‌ఫ్రా-టెక్ ఎక్స్‌పో శ్రీమతి మంగళ చంద్రన్ ప్రభుత్వ  పరిశ్రమల శాఖ సీనియర్ అధికారుల సమక్షంలో  సమక్షంలో ఎలక్ట్రానిక్స్ మరియు ఇన్ఫర్మేషన్ టెక్నాలజీ మంత్రిత్వ శాఖ  కార్యదర్శి శ్రీ ఎస్ కృష్ణన్ ఈ ఉత్పత్తులను ప్రారంభించారు.  మంత్రిత్వ శాఖ యొక్క భారతీయ నగరాల చొరవ కోసం ఇంటెలిజెంట్ ట్రాన్స్‌పోర్టేషన్ సిస్టమ్ ప్రయత్నం కింద ఈ సాంకేతికతలు అభివృద్ధి చేయబడ్డాయి.

సాంకేతికతలకు సంబంధించిన కొన్ని వివరాలు:

ఇండస్ట్రియల్ విజన్ అప్లికేషన్స్ కోసం  సీ ఎం ఓ ఎస్  సెన్సార్ ఆధారిత కెమెరా: స్వయంచాలక తనిఖీ మరియు వస్తువుల గుర్తింపు కోసం దేశీయ సాంకేతికత. ఇది యంత్ర అభ్యాసం మరియు డీప్ లెర్నింగ్ టెక్నిక్‌లను ఉపయోగించే ఏ ఐ ఆధారిత అప్లికేషన్‌లకు మద్దతు ఇస్తుంది.

థర్మల్ సెన్సార్ ఆధారిత కెమెరా :  రోడ్డు ట్రాఫిక్ అప్లికేషన్‌ల కోసం ఏ ఐ తో థర్మల్ సెన్సార్ ఆధారిత స్మార్ట్ విజన్ కెమెరా. ఇది అన్ని వాతావరణ పరిస్థితుల్లో పూర్తి చీకటి వాతావరణంలో కూడా అధిక ఖచ్చితత్వంతో స్థిరంగా ఉండే మరియు కదిలే వస్తువుల డేటాను అందిస్తుంది. మాడ్యులర్ డిజైన్ ఆపరేషన్ సౌలభ్యాన్ని మరియు అవసరానికి అనుగుణంగా కటకాలను మార్చడాన్ని అందిస్తుంది.

ఆన్‌లైన్ సుక్రో క్రిస్టల్ ఇమేజింగ్ సిస్టమ్: ఇది చక్కెర పరిశ్రమలలో రేణువుల పరిమాణాన్ని కొలవడానికి పారిశ్రామిక కెమెరాను ఉపయోగించి అభివృద్ధి చేయబడిన వ్యవస్థ. చక్కెర పరిశ్రమలకు అవసరమైన నాణ్యతా ప్రమాణాలు ఇవి చాలా ముఖ్యమైనవి.

***