ದೇಶೀಯವಾಗಿ ಅಭಿವೃದ್ಧಿಪಡಿಸಿದ ಮೂರು ತಂತ್ರಜ್ಞಾನಗಳಾದ  ಸಿಎಂಒಎಸ್ ಸೆನ್ಸರ್ ಆಧಾರಿತ ಕ್ಯಾಮೆರಾ ಫಾರ್ ಇಂಡಸ್ಟ್ರಿಯಲ್ ಅಪ್ಲಿಕೇಶನ್, ಥರ್ಮಲ್ ಸೆನ್ಸರ್ ಕ್ಯಾಮೆರಾ ಫಾರ್ ಇಂಟೆಲಿಜೆಂಟ್ ಟ್ರಾನ್ಸ್ ಪೋರ್ಟೇಶನ್ ಸಿಸ್ಟಮ್ -(ಟಿವಿಐಟಿಎಸ್) ಮತ್ತು ಆನ್ ಲೈನ್ ಸುಕ್ರೊ ಕ್ರಿಸ್ಟಲ್  ಇಮೇಜಿಂಗ್ ಸಿಸ್ಟಮ್ (ಒಎಸ್ ಐಎಸ್) ಅನ್ನು ಇಂದು ಇಲ್ಲಿ ನಡೆದ 11ನೇ ಟ್ರಾಫಿಕ್ ಎಕ್ಸ್ ಪೋ ಮತ್ತು ಸ್ಮಾರ್ಟ್ ಮೊಬಿಲಿಟಿ ಕಾನ್ಫರೆನ್ಸ್ ನಲ್ಲಿ ಬಿಡುಗಡೆ ಮಾಡಲಾಯಿತು.

ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯದ (ಎಂಇಐಟಿವೈ) ಕಾರ್ಯದರ್ಶಿ ಶ್ರೀ ಎಸ್ ಕೃಷ್ಣನ್, ಎಂಇಐಟಿವೈನ ಇ ಮತ್ತು ಐಟಿಯಲ್ಲಿ ಆರ್ &ಡಿ ಗ್ರೂಪ್ ಸಂಯೋಜಕಿ ಶ್ರೀಮತಿ ಎಲ್ ಸುನೀತಾ ವರ್ಮಾ ಮತ್ತು ಟ್ರಾಫಿಕ್ ಇನ್ಫ್ರಾ-ಟೆಕ್ ಎಕ್ಸ್ ಪೋದ ಪ್ರಧಾನ ಸಂಪಾದಕಿ ಶ್ರೀಮತಿ ಮಂಗಳಾ ಚಂದ್ರನ್ ಮತ್ತು ಸರ್ಕಾರ ಮತ್ತು ಉದ್ಯಮದ ಹಿರಿಯ ಅಧಿಕಾರಿಗಳ ಉಪಸ್ಥಿತಿಯಲ್ಲಿ ಉತ್ಪನ್ನಗಳನ್ನು ಬಿಡುಗಡೆ ಮಾಡಿದರು. ಸಚಿವಾಲಯದ ಭಾರತೀಯ ನಗರಗಳ ಉಪಕ್ರಮಕ್ಕಾಗಿ ಇಂಟೆಲಿಜೆಂಟ್ ಟ್ರಾನ್ಸ್ ಪೋರ್ಟೇಶನ್ ಸಿಸ್ಟಮ್ ಎಂಡೀವರ್ ಅಡಿಯಲ್ಲಿ ತಂತ್ರಜ್ಞಾನಗಳನ್ನು ಅಭಿವೃದ್ಧಿಪಡಿಸಲಾಗಿದೆ.

ತಂತ್ರಜ್ಞಾನಗಳ ಕೆಲವು ವಿವರಗಳು:
 

1. ಸಿಎಮ್ಒಎಸ್ ಸೆನ್ಸರ್ ಆಧಾರಿತ ಕ್ಯಾಮೆರಾ ಫಾರ್ ಇಂಡಸ್ಟ್ರಿಯಲ್ ವಿಷನ್ ಅಪ್ಲಿಕೇಶನ್ಸ್ (ಐವಿಐಎಸ್): ಸ್ವಯಂಚಾಲಿತ ತಪಾಸಣೆ ಮತ್ತು ವಸ್ತುಗಳ ಗುರುತಿಸುವಿಕೆಗಾಗಿ ಸ್ಥಳೀಯ ತಂತ್ರಜ್ಞಾನ. ಇದು ಯಂತ್ರ ಕಲಿಕೆ ಮತ್ತು ಆಳವಾದ ಕಲಿಕೆ ತಂತ್ರಗಳನ್ನು ಬಳಸುವ ಎಐ ಆಧಾರಿತ ಅಪ್ಲಿಕೇಶನ್ ಗಳನ್ನು ಬೆಂಬಲಿಸುತ್ತದೆ.

2. ಥರ್ಮಲ್ ಸೆನ್ಸರ್ ಆಧಾರಿತ ಕ್ಯಾಮೆರಾ (ಟಿವಿಐಟಿಎಸ್): ರಸ್ತೆ ಸಂಚಾರ ಅನ್ವಯಿಕೆಗಳಿಗಾಗಿ ಎಐ ಚಾಲಿತ ಥರ್ಮಲ್ ಸೆನ್ಸರ್ ಆಧಾರಿತ ಸ್ಮಾರ್ಟ್ ವಿಷನ್ ಕ್ಯಾಮೆರಾ. ಇದು ಎಲ್ಲಾ ಹವಾಮಾನ ಪರಿಸ್ಥಿತಿಗಳಲ್ಲಿ ಸಂಪೂರ್ಣ ಕತ್ತಲೆ ವಾತಾವರಣದಲ್ಲಿಯೂ ಹೆಚ್ಚಿನ ನಿಖರತೆಯೊಂದಿಗೆ ಸ್ಟೇಷನರಿ ಮತ್ತು ಚಲಿಸುವ ವಸ್ತುಗಳ ಡೇಟಾವನ್ನು ಒದಗಿಸುತ್ತದೆ. ಮಾಡ್ಯುಲರ್ ವಿನ್ಯಾಸವು ಕಾರ್ಯಾಚರಣೆಯನ್ನು ಸುಲಭಗೊಳಿಸುತ್ತದೆ ಮತ್ತು ಅಗತ್ಯಕ್ಕೆ ಅನುಗುಣವಾಗಿ ಲೆನ್ಸ್ ಗಳನ್ನು ಬದಲಾಯಿಸುತ್ತದೆ.

3. ಆನ್ಲೈನ್ ಸುಕ್ರೊ ಕ್ರಿಸ್ಟಲ್ ಇಮೇಜಿಂಗ್ ಸಿಸ್ಟಮ್ (ಒಎಸ್ಐಎಸ್): ಇದು ಸಕ್ಕರೆ ಕೈಗಾರಿಕೆಗಳಲ್ಲಿ ಸ್ಫಟಿಕ ಗಾತ್ರವನ್ನು ಅಳೆಯಲು ಕೈಗಾರಿಕಾ ಕ್ಯಾಮೆರಾವನ್ನು ಬಳಸಿಕೊಂಡು ಅಭಿವೃದ್ಧಿಪಡಿಸಿದ ವ್ಯವಸ್ಥೆಯಾಗಿದೆ. ಇದು ಸಕ್ಕರೆ ಕೈಗಾರಿಕೆಗಳಿಗೆ ಅಗತ್ಯವಿರುವ ಅತ್ಯಂತ ಪ್ರಮುಖ ಗುಣಮಟ್ಟದ ನಿಯತಾಂಕವಾಗಿದೆ

******