রোদ ত্রান্সপোর্ত অমদি হায়ৱেজকী কেন্দ্র মন্ত্রী শ্রী নিতিন গারকরীনা পোস্ত অমদা শেনবা চহি ২০২৩-২৪দা সেতু বন্ধন স্কীমগী মখাদা অরুনাচল প্রদেশতা পুন্না লুপা করোর ১১৮.৫০গী ওইগদবা থোংগী প্রোজেক্ত ৭কী অয়াবা পীরে হায়খ্রে‍।

অয়াবা পীখ্রবা থোংশিং অদুদি:

- ইস্ত কামেং দিস্ত্রিক্ততা লাইমোয়া, নেরেৱা অমদি সোরোৱা খুঙ্গংশিং শম্নহনগদবা লাচংদা পাচা তুরেলগী মথক্তা শাগদবা আর.সি.সি. থোং‍।

ইস্ত কামেং দিস্ত্রিক্তকী দোনিগন তাবা লম্বীদা গোৱংদা পাচা তুরেলগী মথক্তা গোৱংদগী দোনিগন খুল ফাওনবগী আর.সি.সি. থোং‍।

লৱর দিবং দিস্ত্রিক্ততা এন.ঐচ.পি.সি. কোলোনি ফাওরগা রোইং-অনিনি লম্বীদগী নিউ চিরু খুঙ্গং ফাওবা শাগদবা থোং ৩‍।

- ৱেস্ত কামেং দিস্ত্রিক্তকী খার্সা, দিরংদা আর.সি.সি. দেকিং য়াওরগা শাগদবা দবল লেন স্তীল কম্পোজিৎ থোং‍।

লৱর সিয়াং দিস্ত্রিক্ততা কোয়ু-গোয়ে লম্বীদা তাবিরিপো সাকু খুঙ্গং শম্নহনগদবা সিগেন তুরেল মথক্তা পিক্তে পোইন্ততা শাগদবা আর.সি.সি. থোং‍।

- ইস্ত সিয়াং দিস্ত্রিক্ততা মেবো-ধোলা লম্বীদা ঙোপোক তুরেল মথক্তা শাগদবা আর.সি.সি. থোং‍।

- লৱর সুবান্সিরি দিস্ত্রিক্তকী য়াজালী এগ্রি-ফার্ম মনাক্তা চুল্ল্যু অমদি কেবি খুল শম্নহনগদবা পনয়োর তুরেল মথক্তা শাগদবা স্তরী কম্পোজিৎ থোং‍।

লম অসিদা কন্নেক্তিবিতী ফগৎহন্দুনা অমদি শেন্মিৎলোন চাওখৎপা পুরক্তুনা, প্রোজেক্তশিং অসি অরুনাচল প্রদেশতা মপুং ওইবা পুন্সি মহিং ফগৎহন্নবা অমদি খুন্নাই শেন্মিৎলোন চাওখৎহন্নবা ঐখোয়না লেপ্লিবা খোঙফমগী পরিংদা চৎলি হায়না শ্রী গারকরীনা হায়খি‍।

*****