سڑک نقل وحمل  اور شاہراہوں کے مرکزی وزیر جناب نتن گڈکری نے ایک مراسلہ میں کہا  ہے کہ اروناچل پردیش میں سیتو بندھن اسکیم کے تحت ، مالی سال 2023-24 میں 118.50 کروڑ روپے کی مجموعی لاگت کے ساتھ 7 پل پروجیکٹوں کے لیے منظوری دی گئی ہے۔

منظور شدہ پل درج ذیل ہیں:

- مشرقی کامینگ ضلع کے لیمویا، نیریوا اور سورووا گاؤں کو جوڑنے والا لچانگ کے مقام پر دریائے پاچا پر آر سی سی پل۔

- مشرقی کامینگ ضلع میں ڈونیگاؤں کے راستے پر گوانگ کے مقام پر  دریائے پاچا پر، گوانگ سے ڈونیگاؤں گرام تک آر سی سی پل۔

این  ایچ - 313 پر 3 پل، جو لوئر دیبانگ ضلع میں این ایچ پی سی  کالونی کے راستے روئنگ-انینی روڈ سے نیو چیڈو گاؤں تک  کا احاطہ کرتے ہیں۔

-  دیرنگ ویسٹ کامینگ ضلع میں کھر سا کے مقام پر  آر سی سی ڈیکنگ کے ساتھ ڈبل لین اسٹیل کمپوزٹ پل۔

-لوئر سیانگ ضلع میں کویو-گوئے روڈ پر تبریپو ساکو گاؤں کو جوڑنے کے لیے دریائے سیگن کے پار پکٹے پوائنٹ پر آر سی سی پل۔

مشرقی سیانگ ضلع میں میبو-ڈھولا روڈ پر دریائے نگپوک پر آر سی سی پل۔

- لوئر سبانسیری ضلع میں یزالی ایگری فارم کے قریب چلیو اور کیبی گاؤں کو جوڑنے کے لیے دریائے پنیور پر اسٹیل کمپوزٹ پل۔

جناب گڈکری نے کہا کہ تمام خطوں میں رابطوں کو بڑھانا، اور اقتصادی ترقی کو فروغ دینا نیز یہ منصوبے مجموعی معیار زندگی کو بہتر بنانے اور اروناچل پردیش کی سماجی و اقتصادی ترقی کو فروغ دینے کے ہمارے عزم کے عین  مطابق ہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح- ا ع - ق ر)

U-10732