দিজিতেল তেক্নোলোজিশিংগী লমদা ভারত অমসুং ফ্রান্সকী মরক্তা মতেং পীননবা ভারতকী ইলেক্ত্রোনিক্স অমসুং ইনফোর্মেসন তেক্নোলোজি মিনিস্ত্রি অমসুং অমসুং ফ্রান্সকী ইকোনোমি, ফাইনান্স অমসুং ইন্দস্ত্রিএল অমসুং দিজিতেল সোভরেন্তি মিনিস্ত্রিগী মরক্তা মেমোরেন্দম ওফ অন্দরস্তেন্দিং(এম ও য়ু) খুৎয়েক পীনবা ঙসি প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীখ্রে।

অকুপ্পা মরোলশিং:

দিজিতেল তেক্নোলোজিশিংগী লমদা মতে পীনবা অমসুং ই-পাউ পীথোক পীশিন তৌনবা হেনগৎহন্নবা এম.ও.য়ু অসিনা পান্দম থম্লি অমসুং এম.ও.য়ুগী মতুংইন্না মখোয়গী লৈবাক্তা দিজিতেল তেক্নোলোজি শীজিন্নবা হেনগৎহন্নবা পান্দম ফংনবা অমনা অমবু শৌগৎকনি।

মরুওইবা কান্নবা:

মসিনা দিজিতেল পব্লিক ইনফ্রাস্ত্রকচর(দিপিআই)গী লমদা G2G অমসুং B2B নাকল অনিনা মতেং পাংনগনি।

এম.ও.য়ু অসিদগী মতেং পাংনবা হেনগৎলক্তুনা আই.তিগী লমদা থবক ফংবগী খুদোংচাবশিং পীনবা পান্দম থম্লি। 

থবক ওইনা পায়খৎনবা লাল্লোংশিং অমসুং পান্দমশিং:

এম.ও.য়ু অসিগী মখাদা মতেং পাংনবা লৈবাকশিংনা খুৎয়েক পীনখিবা নুমিত্তগী চৎনবা হৌগনি অমসুং মসি চহি মঙা চৎনগনি।

ইলেক্ত্রোনিক্স অমসুং ইনফোর্মেসন তেক্নোলোজি মিনিস্ত্রিনা আই.সি.তিগী লমদা মতেং পাংনবা হেনগৎহন্নবা লৈবাক কয়া অমসুং মালেমগী এজেন্সি কয়াগা মতেং পাংনরি। চহি কয়া অসিদা, ইলেক্ত্রোনিক্স অমসুং ইনফোর্মেসন তেক্নোলোজি মিনিস্ত্রিনা আই.সি.তিগী লমদা ই-পাউ পীথোক-পীশিন অমসুং মতেং পাংনবা হেনগৎহন্নবা তোঙান-তোঙানবা লৈবাকশিংগী লুপশিং অমসুং এজেন্সিশিংগা এম.ও.য়ুশিং/এম.ও.সিশিং খুৎয়েক পীনখ্রে। হোংলক্লিবা ফিবম অসিদা, মতেং পাংনবা হেনগৎহন্নবা দিজিতেল সেক্তরদা শেন থাদনবা পুক্নিং থৌগৎপা অমসুং ললোন-ইতিক্কী খুদোংচাবশিং মশক খঙদোকপা অমসুং খ্বাইদগী ফবা থবকশিং পীথোক-পীশিন তৌনবা অসি তঙাইফদবনি।

ইন্দো-য়ুরোপিয়ান লমদমদা ভারত অমসুং ফ্রান্স মতম শাংনা অচেৎপা মরুপ ওইদুনা লাক্লি। অফবা দিজিতেল ইকোসিস্তেম অমা শেমগৎনবা অমসুং মখোয়গী নাগরিকশিং শক্তি পীনবা মতেং পাংননবা অমসুং মখোয় দিজিতেলগী চহিচাদা মপুংফানা শরুক য়ানবা ভারত অমসুং ফ্রান্সনা মপুংফানা থাজনা পীনরে। 

২০১৯দা লাউথোকখিবা সাইবর সেকুরিতি অমসুং দিজিতেল তেক্নোলোজিগী ইন্দো-ফ্রেঞ্চ রোদ মেপ্তা য়ুম্ফম ওইদুনা, সুপরকম্পুতিং, ক্লাউদ কম্পুতিং, আর্তিফিসিএল ইন্তিলিজেন্স অমসুং ক্বান্তম তেক্নোলোজিশিং য়াওনা, গ্লোবেল পার্তনরশিপ ওন আর্তফিসিএল ইন্তিলিজেন্স(জিপিএআই) ঙাক্লৌ য়াওনা অৱাংবা থাক্কী দিজিতেল তেক্নোলোজিশিংগী লমদা লৈবাক অনি মতেং পীননবা ভারত অমসুং ফ্রান্সনা পান্দম থম্লি।

****