ভাৰত মাতা কী জয়।

ভাৰত মাতা কী জয়।

ভাৰত মাতা কী জয়। 

মুখ্যমন্ত্ৰী শ্ৰী শিৱৰাজ সিং চৌহান, মোৰ মন্ত্ৰী পৰিষদৰ সতীৰ্থবৃন্দ শ্ৰী নৰেন্দ্ৰ সিং টোমৰ জী, বীৰেন্দ্ৰ কুমাৰ জী, জ্যোতিৰাদিত্য সিন্ধিয়া জী, অন্যান্য বিশিষ্ট ব্যক্তিসকল আৰু মোৰ পৰিযালৰ সদস্যসকল, যিসকল ইমান বিশাল হাৰত ইয়াত সমবেত হৈছে। মই এই ঐতিহাসিক ভূমি গোৱালিয়ৰক অভিবাদন জনাইছো!

এই ভূমি সাহস, আত্মা, সামৰিক গৌৰৱ, সংগীত, ৰুচি আৰু আত্মাৰ প্ৰতীক। গোৱালিয়ৰে দেশক বহু বিপ্লৱী বীৰ দিছে। গোৱালিয়ৰ– চম্বলে দেশ ৰক্ষাৰ বাবে আমাৰ সেনাবাহিনীক বহু বীৰ পুত্ৰ দিছে। গোৱালিয়ৰে ভাৰতীয় জনতা পাৰ্টিৰ নীতি আৰু নেতৃত্বৰো নতুন ৰূপ দিছিল।

ৰাজমাতা বিজয়ৰাজ সিন্ধিয়াজী, কুশৱ থাকৰে, অটল বিহাৰী বাজপেয়ীৰ দৰে ব্যক্তিত্ব এই ভূমিৰ সন্তান। সেইবাবেই এই ভূমি সকলোৰে বাবে প্ৰেৰণাৰ উৎস। এই ভূমিত জন্ম লোৱা সকলো দেশপ্ৰেমীয়ে দেশৰ বাবে সৰ্বস্ব ত্যাগ কৰিছে।

মোৰ পৰিয়ালৰ সদস্যসকল

আমাৰ দৰে লাখ লাখ ভাৰতীয়ই স্বাধীনতা সংগ্ৰামত অংশ লোৱাৰ সৌভাগ্য হোৱা নাছিল। কিন্তু, ভাৰতক বিকশিত আৰু সমৃদ্ধিশালী কৰি তোলাৰ দায়িত্ব আমাৰ সকলোৰে আছে। আজিও এই অভিযানক আগুৱাই নিবলৈ আপোনালোকৰ মাজলৈ আহিছো। আজি প্ৰায় ১৯ হাজাৰ কোটি টকাৰ উন্নয়নমূলক প্ৰকল্প উদ্বোধন কৰাৰ লগতে আধাৰশিলা স্থাপন কৰা হয়। সেইবাবেই আপুনি হাত চাপৰি বজাই প্ৰকাশ কৰা আনন্দই আমাৰ সামৰ্থ্যক মজবুত কৰিব।

মোৰ পৰিয়ালৰ সদস্যসকল

দশেৰা, ধনতেৰাছ আৰু দীপাৱলীৰ আগে আগে মধ্যপ্ৰদেশৰ প্ৰায় ২ লাখ ২৫ হাজাৰ গৃহহীন পৰিয়ালে আজি নতুনকৈ পকী ঘৰত প্ৰৱেশ কৰে। আজি যোগাযোগ ব্যৱস্থাৰ কেইবাটাও প্ৰকল্পইও ইয়াৰ পৰাই শুভাৰম্ভণি কৰা হৈছে। উজ্জয়িনীৰ বিক্ৰম উদ্যোগাপুৰী আৰু ইন্দোৰৰ মাল্টিম’ডেল লজিষ্টিক পাৰ্কে মধ্যপ্ৰদেশৰ উদ্যোগীকৰণৰ সম্প্ৰসাৰণ কৰিব। ই ৰাজ্যখনৰ যুৱক-যুৱতীসকলক হাজাৰ হাজাৰ নতুন কৰ্মসংস্থাপনৰ সুবিধা প্ৰদান কৰিব। আজি আইআইটি ইন্দোৰতো বহু কাম আৰম্ভ হৈছে।

আয়ুষ্মান ভাৰত স্বাস্থ্য আন্তঃগাঁথনি অভিযানৰ অধীনত আজি গোৱালিয়ৰৰ লগতে বিদিশা, বৈতুল, কাটনি, বুৰহানপুৰ, নৰসিংহপুৰ, দামোহ আৰু সাজাপুৰত নতুন স্বাস্থ্য কেন্দ্ৰ উদ্বোধন কৰা হয়। বহুতো জটিল ৰোগৰ চিকিৎসা সেৱা এই স্বাস্থ্য কেন্দ্ৰসমূহত উপলব্ধ। সেইবাবেই আজি মোৰ মধ্যপ্ৰদেশৰ পৰিয়ালৰ লোকলৈ বহুত শুভকামনা জনালোঁ।

বন্ধুসকল,

এই সকলোবোৰ কাম আমাৰ ডাবল ইঞ্জিন চৰকাৰৰ উমৈহতীয়া প্ৰচেষ্টাৰ ফল। দিল্লী আৰু ভূপালত যেতিয়া জনসাধাৰণৰ স্বাৰ্থৰ প্ৰতি উৎসৰ্গিত একেই চৰকাৰ থাকে, তেনেকৈয়ে কামবোৰ দ্ৰুতগতিত আগবাঢ়ে। সেইবাবেই আজি মধ্যপ্ৰদেশে ডাবল ইঞ্জিন চৰকাৰক ইমান বিশ্বাস কৰে। ডাবল ইঞ্জিন মানে মধ্যপ্ৰদেশৰ দুগুণ উন্নয়ন।

মোৰ পৰিয়ালৰ সদস্যসকল

বছৰ বছৰ ধৰি আমাৰ চৰকাৰে নিৰন্তৰ উন্নয়নৰ জৰিয়তে মধ্যপ্ৰদেশক দুখীয়া ৰাজ্যৰ পৰা দেশৰ শীৰ্ষ ১০খন ৰাজ্যৰ ভিতৰত এখনলৈ ৰূপান্তৰিত কৰিছে। আমি এতিয়া মধ্যপ্ৰদেশক দেশৰ শীৰ্ষ তিনিখন ৰাজ্যৰ ভিতৰত অন্যতম কৰি তুলিব বিচাৰিছো। আপোনালোকে কওকচোন  মধ্যপ্ৰদেশ দেশৰ শ্ৰেষ্ঠ তিনিখন ৰাজ্যৰ ভিতৰত এখন হ’ব লাগেনে? মধ্যপ্ৰদেশ দেশৰ শীৰ্ষ তিনিখন ৰাজ্যৰ ভিতৰত অন্যতম হ’ব লাগেনে? মধ্যপ্ৰদেশ দেশৰ শীৰ্ষ তিনিখন ৰাজ্যৰ ভিতৰত অন্যতম হ’ব লাগেনে? কোনে দিব এই নিশ্চয়তা? আপোনালোকৰ উত্তৰ ভুল। এজন দায়িত্বশীল নাগৰিক হিচাপে আপোনালোকৰ প্ৰতিটো ভোটে ইয়াৰ নিশ্চয়তা দিব। ডাবল ইঞ্জিন চৰকাৰক যিমানেই ভোট দিব সিমানেই দ্ৰুতগতিত মধ্যপ্ৰদেশে শীৰ্ষ তিনি নম্বৰ স্থানত উপনীত হ’ব।

মোৰ পৰিয়ালৰ সদস্যসকল,

যিসকলৰ কোনো নতুন ধাৰণা নাই, কোনো ৰোডমেপ নাই-তেওঁলোকে মধ্যপ্ৰদেশৰ বিকাশ কৰিব নোৱাৰে। তেওঁলোকে মাত্ৰ এটা কাম কৰিব পাৰে, সেয়া হ’ল দেশৰ উন্নয়নৰ প্ৰতি ঘৃণা, ভাৰতৰ উন্নয়ন প্ৰকল্পৰ প্ৰতি ঘৃণা। আত্মগ্লানিৰ এই পৰিৱেশত তেওঁলোকে দেশৰ সফলতাক পাহৰি যায়। আজি আপোনালোকে দেখিছে, সমগ্ৰ বিশ্বই ভাৰতৰ গৌৰৱ গাইছে। আজি সমগ্ৰ বিশ্বই নিজৰ ভৱিষ্যতৰ বাবে ভাৰতৰ বাটলৈ চাই আছে। কিন্তু যিসকলে ৰাজনীতিত নিমগ্ন, চকীৰ বাহিৰে একো দেখা নাপায়, তেওঁলোকে ভাৰতৰ বিজয়ী যাত্ৰালৈ চোৱা নাই।

এবাৰ ভাবি চাওকচোন, বিগত ৯ বছৰত ভাৰত বিশ্বৰ দশম আৰ্থিক শক্তিৰ পৰা পঞ্চম স্থানলৈ গতি কৰিছে। কিন্তু, এনে একো নহ’ল বুলি প্ৰমাণ কৰাতহে সিদ্ধহস্ত বিৰোধী। পৰৱৰ্তী শাসনকালত ভাৰতক বিশ্বৰ শীৰ্ষ তৃতীয় অৰ্থনীতিৰ অন্যতম কৰি তোলাটো মোদীৰ নিশ্চয়তা। এই প্ৰতিশ্ৰুতি শুনি একাংশ ক্ষমতালোভী মানুহৰ গা বেয়া হ’বলৈ ধৰে।

মোৰ পৰিয়ালৰ সদস্যসকল,

দেশবাসীয়ে তেওঁলোকক উন্নয়নৰ বাবে ছয়টা দশক দিছিল। ৬০ বছৰ কম সময় নহয় বন্ধুসকন। ন বছৰত যদি ইমান কাম কৰা হৈছে, তেন্তে ৬০ বছৰত কিমান কাম কৰিব পৰা যাব? সুযোগটো আছিল, কিন্তু তেওঁলোকে কৰিব নোৱাৰিলে – সেয়াই তেওঁলোকৰ অদক্ষতা। তেওঁলোকে এতিয়াও দুখীয়াৰ আৱেগেৰে খেলা কৰে। আগতে দেশৰ নামত সমাজখন বিভাজিত কৰিছিল, আজিও সেই পাপ কৰি আছে। তেতিয়াও তেওঁলোক সন্ত্ৰাসবাদ আৰু দুৰ্নীতিৰ মাজত ডুব গৈ আছিল। আজিও তেওঁলোক দুৰ্নীতিত পোত গৈ আছে। তেওঁলোকে এতিয়াও মাত্ৰ এটা পৰিয়ালক মহিমামণ্ডিত কৰিছিল আৰু এতিয়াও তেওঁলোকৰ মাজত ভৱিষ্যত দেখিছে। সেইবাবেই তেওঁলোকে নিজৰ দেশৰ জাতীয় সংগীত ভাল নাপায়।

মোৰ পৰিয়ালৰ সদস্যসকল,

দুখীয়া, দলিত, পিছপৰা আৰু জনজাতীয় পৰিয়ালক মোদীয়ে নিশ্চয়তা দিছিল। ইতিমধ্যে সমগ্ৰ দেশৰ ৪ কোটি গৃহহীন পৰিয়ালে স্থায়ী ঘৰ লাভ কৰিছে । আজি বহুতে ইয়াত পকী ঘৰ পাইছে। যেতিয়া তেওঁলোকৰ চৰকাৰ দিল্লীত আছিল, তেতিয়া কেৱল দুখীয়াৰ নামত লুণ্ঠন হৈছিল। তেওঁলোকে গৃহহীন লোকৰ বাবে নিৰ্মাণ কৰা সকলো ঘৰ বসবাস কৰিব নোৱাৰা হৈ পৰিছিল। আমাৰ দেশৰ এনে লাখ লাখ হিতাধিকাৰীয়ে কেতিয়াও সেই ঘৰবোৰত ভৰি দিয়া নাই। কিন্তু, আজি যিসকলে নতুনকৈ পকী ঘৰ পাইছে, তেওঁলোকে অতি আনন্দত থাকিবলৈ লৈছে। কাৰণ, এই ঘৰবোৰ নিজৰ ইচ্ছামতে বনাব পাৰিছে।

আমাৰ চৰকাৰৰ কাম-কাজৰ পদ্ধতিৰ অগ্ৰগতি সম্পূৰ্ণৰূপে প্ৰযুক্তিৰ দ্বাৰা তদাৰক কৰা হয় আৰু হিতাধিকাৰীৰ বেংক একাউণ্টলৈ পোনপটীয়াকৈ ধন প্ৰেৰণ কৰা হয়। ফলত এতিয়া কোনো দালালক দিবলগীয়া ধন নাই আৰু দুৰ্নীতিও নাই। আগতে মাত্ৰ চাৰিখন দেৱালহে ঘৰ নিৰ্মাণৰ নামত নিৰ্মাণ কৰা হৈছিল। কিন্তু, আজি ঘৰটোত উজ্জলা প্ৰকল্পৰ জৰিয়তে ৰন্ধন গেছ, শৌচাগাৰ, বিদ্যুৎ আৰু খোৱাপানীৰ সংযোগ আদি আছে। আজি ইয়াত গোৱালিয়ৰ আৰু ছপুৰ জিলাৰ বাবে কেইটামান গুৰুত্বপূৰ্ণ জল প্ৰকল্পৰো কাম আৰম্ভ হৈছে। এইবোৰ সম্পূৰ্ণ হ’লে এই অঞ্চলৰ ঘৰলৈ পাইপেৰে পানী যোগান ধৰাটো সম্ভৱ হ’ব।

বন্ধুসকল,

মোদীয়ে লক্ষ্মী অৰ্থাৎ মোৰ মা আৰু ভগ্নীসকলক এই ঘৰবোৰৰ মালিক হোৱাটোও নিশ্চিত কৰিছিল। আপোনালোকে নিশ্চয় জানে যে প্ৰধানমন্ত্ৰী আৱাস যোজনাৰ ঘৰবোৰ বেছিভাগেই মহিলাৰ নামত পঞ্জীয়ন কৰা হয়। এইদৰে মোৰ কোটি কোটি ভগ্নী ঘৰে ঘৰে কোটিপতি হৈ পৰিছে। যিসকলৰ নামত কোনো সম্পত্তি নাছিল তেওঁলোকৰ আজি লাখ টকীয়া ঘৰৰ গৰাকী।

ভাই-ভনীসকল,

মোদীয়ে নিশ্চয়তা পূৰণ কৰিছে। এতিয়া মই ভগ্নীসকলৰ পৰা নিশ্চয়তা বিচাৰিছো।  মোক নিশ্চয়তা দিবানে ভগ্নীসকল? ঠিক আছে? আপোনালোকে মোক এটা নিশ্চয়তা দিয়ক যে ঘৰ পোৱাৰ পিছত আপোনাৰ সন্তানক ভাল শিক্ষা দিব। কিছুমান হাতৰ কামত আপোনাক পাকৈত কৰি তুলিব। কি কৰিব? আপোনাৰ নিশ্চয়তাই মোক অধিক কাম কৰিবলৈ শক্তি দিয়ে।

মোৰ পৰিয়ালৰ সদস্যসকল,

নাৰী সৱলীকৰণ কেৱল ভাৰতৰ বাবে ভোটবেংক নহয়, ই দেশ আৰু জাতি গঠনৰ কল্যাণৰ বাবে উৎসৰ্গিত এক অভিযান। আমি দেখিছোঁ যে বহু চৰকাৰ আহিল আৰু গ’ল৷ কিন্তু, আমাৰ ভগ্নীসকলে দাবী কৰা মতে, লোকসভাৰ ৩৩ শতাংশ আসন সংৰক্ষণৰ প্ৰতিশ্ৰুতি পূৰণ হোৱা নাছিল। এই প্ৰতিশ্ৰুতিৰে তেওঁ বাৰে বাৰে ভোট বিচাৰিছিল যদিও সংসদত ষড়যন্ত্ৰৰ জৰিয়তে আসন সংৰক্ষণ বিধেয়কখন আইনত পৰিণত হ’বলৈ নিদিলে। বাৰে বাৰে বাধা দি আহিছিল। কিন্তু, ভগ্নীসকলক প্ৰতিশ্ৰুতি দিলে মোদীয়ে। আৰু মোদীৰ কথা দিয়া মানে তেওঁৰ প্ৰতিশ্ৰুতি পালন কৰা।

আজি 'নাৰী শক্তি বন্দন আইন' বাস্তৱত পৰিণত হ’ল। আজি এই সভাত থিয় হৈ মই আপোনালোক সকলোকে কৈছোঁ যে এই উন্নয়নৰ কাহিনীত আমাৰ মাতৃশক্তিৰ অংশীদাৰিত্ব বৃদ্ধি কৰি উন্নয়নৰ পথ মুকলি কৰাৰ লক্ষ্যৰে আমি আগবাঢ়িব লাগিব।

ভাই-ভনীসকল,

আজি আমি যিবোৰ উন্নয়নমূলক প্ৰকল্প ৰূপায়ণ কৰিছো– এই আইনখনে সেইবোৰ সকলোকে শক্তিশালী কৰিব।

মোৰ পৰিয়ালৰ সদস্যসকল,

গোৱালিয়ৰ–চম্বলে আজি বহু সুযোগৰ দুৱাৰ মুকলি কৰিছে। কিন্তু, সদায় এনেকুৱা নাছিল। বহু দশক ধৰি নেতাসকলে ইয়ালৈ আহি ডাঙৰ ডাঙৰ কথা কৈছে। কিন্তু, কোনো কাম কৰা নাছিল। ইয়াৰ প্ৰমাণ কি? প্ৰথমবাৰৰ বাবে ভোটদান কৰা আমাৰ যুৱ বন্ধুসকলে সৰুৰে পৰা ভাৰতীয় জনতা পাৰ্টিৰ চৰকাৰ দেখিছে। তেওঁলোকে দেখিছে এখন প্ৰগতিশীল মধ্যপ্ৰদেশ। কিন্তু, পূৰ্বৰ প্ৰজন্মৰ সকলে মধ্যপ্ৰদেশত কেৱল অন্যায় আৰু অত্যাচাৰহে দেখিছিল। পূৰ্বৰ শাসকসকলৰ সময়ত সামাজিক ন্যায় বিভাজিত হৈছিল। তেতিয়া দুখীয়া, দলিত আৰু পিছপৰা মানুহৰ কথা কোনেও নুশুনিছিল। ফলত মানুহে আইন নিজৰ হাতলৈ লৈ গ’ল। সাধাৰণ মানুহে শান্তিৰে যাত্ৰা কৰিব নোৱাৰিলে। আমাৰ চৰকাৰে আজি এই অঞ্চলৰ পৰিস্থিতি সলনি কৰিবলৈ বহুত কষ্ট কৰিছে। ইয়াৰ পৰা আমি পিছলৈ ঘূৰি চাব নালাগে।

মধ্যপ্ৰদেশৰ বাবে আগন্তুক পাঁচটা বছৰ অতি গুৰুত্বপূৰ্ণ। আজি গোৱালিয়ৰত নতুন বিমানবন্দৰৰ টাৰ্মিনেল নিৰ্মাণ কৰা হৈছে, উচ্চ পথ নিৰ্মাণ কৰা হৈছে, নতুন হাজাৰ বিছনাযুক্ত চিকিৎসালয় নিৰ্মাণ কৰা হৈছে, নতুন বাছ টাৰ্মিনেল, আধুনিক ৰে’লৱে ষ্টেচন, নতুন বিদ্যালয়-মহাবিদ্যালয়সমূহে সমগ্ৰ অঞ্চলটোৰ ভাবমূৰ্তি সলনি কৰি তুলিছে। এইদৰেই আমি সমগ্ৰ মধ্যপ্ৰদেশৰ ভাবমূৰ্তি সলনি কৰিব লাগিব। আৰু সেইবাবেই ইয়াত ডাবল ইঞ্জিন চৰকাৰখনক পুনৰ ক্ষমতাত অধিষ্ঠিত কৰিব লাগে।

আধুনিক আন্তঃগাঁথনিয়ে মানুহৰ জীৱন সহজ কৰি তোলাই নহয়, সমৃদ্ধ কৰে। ঝাবুৱা, মন্দসৌৰ আৰু ৰাতলাম সংযোগৰ বাবে ৮ লেন এক্সপ্ৰেছৱে আজি উদ্বোধন কৰা হয়। যোৱা শতিকাত মধ্যপ্ৰদেশে ভাল দ্বৈত পথৰ বাবে হাহাকাৰ কৰিছিল। কিন্তু, আজি ইয়াত ৮ লেনযুক্ত এক্সপ্ৰেছৱে নিৰ্মাণ কৰা হৈছে। তদুপৰি ইন্দোৰ, দেৱাছ আৰু হৰদাৰ মাজত ফ’ৰলেন পথৰ কামো আজিৰে পৰা আৰম্ভ হৈছে। ৰে’লৱেৰ গোৱালিয়ৰৰ সুমাৱালী অংশলৈ ব্ৰড গজলৈ ৰূপান্তৰণৰ কাম ইতিমধ্যে সম্পূৰ্ণ হৈছে। আজি উদ্বোধন কৰা হয়। অলপ আগতে এই পথৰ প্ৰথমখন ৰে’ল শুভাৰম্ভ কৰা হয়। যোগাযোগ ব্যৱস্থাৰ এই সকলোবোৰ কামে সমগ্ৰ অঞ্চলটোৰ জনসাধাৰণৰ জীৱন সহজ কৰি তুলিব।

বন্ধুসকল,

আধুনিক আন্তঃগাঁথনি আৰু ভাল আইনী ব্যৱস্থাই কৃষিৰ পৰা আৰম্ভ কৰি বাণিজ্যলৈকে সকলো উন্নত কৰে। উন্নয়নবিৰোধী চৰকাৰ এখন আহিলে এই সকলোবোৰ বিপথে পৰিচালিত হয়। ৰাজস্থানলৈ চাওকচোন। দিন দুপৰতে ডিঙি কাটি যায় আৰু তাত চৰকাৰে একো কৰিব পৰা নাই। উন্নয়ন বিৰোধী ক্ষমতালৈ আহিলেই আৰম্ভ হ’ল তুষ্টিকৰণৰ ৰাজনীতি। ফলত যিমানেই গুণ্ডা, দুষ্কৃতিকাৰী, অপৰাধী, দাঙ্গা আৰু দুৰ্নীতিগ্ৰস্ত মানুহ পুৰষ্কৃত হয়। মহিলা, দলিত, পিছপৰা আৰু জনজাতীয় লোকৰ ওপৰত অত্যাচাৰ বৃদ্ধি পালে। এই উন্নয়নবিৰোধী সকলৰ শাসনৰ অধীনত থকা ৰাজ্যসমূহত বিগত বছৰবোৰত অপৰাধ আৰু দুৰ্নীতি সৰ্বাধিক বৃদ্ধি পাইছে। সেইবাবেই মধ্যপ্ৰদেশৰ ৰাইজ সাৱধান হোৱা উচিত।

মোৰ পৰিয়ালৰ সদস্যসকল,

আমাৰ চৰকাৰ প্ৰতিটো শ্ৰেণীৰ মানুহৰ উন্নয়নৰ বাবে উৎসৰ্গিত। যাৰ প্ৰতি কোনেও লক্ষ্য নকৰিলে, মোদীয়ে লক্ষ্য কৰিলে, পূজা কৰিলে। আপোনালোকৰ পৰা জানিব বিচাৰিছো যে ২০১৪ চনৰ আগতে আপোনালোকৰ কোনোবাই ‘দিব্যাংগ’ শব্দটো শুনিছিল নে? শাৰীৰিক অক্ষম লোকসকলক পূৰ্বৰ চৰকাৰসমূহে অসহায় কৰি পেলাইছিল। আমাৰ চৰকাৰে প্ৰথমে তেওঁলোকৰ বিষয়ে চিন্তা কৰে, তেওঁলোকক আধুনিক সঁজুলি যোগান ধৰে, তেওঁলোকৰ বাবে সাধাৰণ সাংকেতিক ভাষাৰ প্ৰৱৰ্তন কৰে। আজি গোৱালিয়ৰত দিব্যাংগ বন্ধুসকলৰ বাবে এটা নতুন ক্ৰীড়া কেন্দ্ৰ উদ্বোধন কৰা হয়। এইদৰে গোৱালিয়ৰ দেশৰ ক্ৰীড়া কেন্দ্ৰ হিচাপে পৰিচিত হ’ব। আৰু বন্ধুসকলে মোক বিশ্বাস কৰক, এদিন ইয়াৰ দিব্যাংগ মানুহবোৰে আন্তঃৰাষ্ট্ৰীয় ক্ৰীড়াৰ ক্ষেত্ৰত গোৱালিয়ৰৰ নাম উজ্জ্বল কৰি তুলিব – লিখি থওক।

গতিকে মই কৈ আছিলো যে যিসকলৰ যত্ন লোৱা হোৱা নাছিল, মোদীয়ে তেওঁলোকৰ যত্ন লয়, পূজা কৰে। ইমান বছৰে দেশৰ ক্ষুদ্ৰ কৃষকসকলক কোনেও গুৰুত্ব দিয়া হোৱা নাছিল। ইতিমধ্যে আমি প্ৰধানমন্ত্ৰী কিষাণ সন্মান নিধিৰ জৰিয়তে দেশৰ প্ৰতিজন ক্ষুদ্ৰ কৃষকৰ বেংক একাউণ্টলৈ ২৮ হাজাৰ টকা প্ৰেৰণ কৰিছো। এতিয়া আমাৰ দেশত ডেৰ কোটিতকৈও অধিক ক্ষুদ্ৰ কৃষকে বাজৰা উৎপাদন কৰি আছে। আগতে কোনেও সেইবোৰৰ কথা ভবা নাছিল। আমাৰ চৰকাৰে বাজৰাক 'শ্ৰী অন্ন' নাম দিছে। সমগ্ৰ বিশ্বৰ বজাৰত সেইবোৰ প্ৰদান কৰিছে।

বন্ধুসকল,

আমাৰ চৰকাৰৰ এই ধাৰণাটোৰ আন এটা ডাঙৰ প্ৰমাণ হ’ল প্ৰধানমন্ত্ৰী – বিশ্বকৰ্মা যোজনা। আমাৰ মৃৎশিল্পী, লোহাৰ মিস্ত্ৰী, কাঠমিস্ত্ৰী, সোণৰ মিস্ত্ৰী, গহনা বিক্ৰেতা, দৰ্জী, ধোৱী, নাপিত আৰু মুচি আমাৰ জীৱনৰ গুৰুত্বপূৰ্ণ স্তম্ভ। তেওঁলোকৰ অবিহনে আমাৰ জীৱনটো কল্পনা কৰাটো অসম্ভৱ। কিন্তু, স্বাধীনতাৰ পিছৰে পৰা আমাৰ কোনো এখন চৰকাৰে ইমান দশক ধৰি সেইবোৰৰ বিষয়ে চিন্তা কৰা নাই।

আমাৰ চৰকাৰে এই পিছপৰা ভাই-ভনীসকলৰ বাবে এটা ডাঙৰ অভিযান আৰম্ভ কৰিছে। তেওঁলোকক প্ৰশিক্ষণ দিয়াৰ বাবে হাজাৰ হাজাৰ টকা আবণ্টন দিয়া হৈছে। ভাৰতীয় জনতা পাৰ্টি চৰকাৰে সকলোকে আধুনিক সা-সৰঞ্জাম ক্ৰয় কৰিবলৈ ১৫ হাজাৰ টকা দিব। ইয়াৰ উপৰিও ব্যৱসায়টো ভালদৰে আৰম্ভ কৰিবলৈ তেওঁলোকৰ ঋণৰ ব্যৱস্থা সহজ কিস্তি আৰু ন্যূনতম সুতৰ সৈতে কৰা হয়। এই বিশ্বকৰ্মা বন্ধুসকলৰ ঋণৰ নিশ্চয়তা মোদীয়ে লৈছে, কেন্দ্ৰীয় চৰকাৰে লৈছে।

মোৰ পৰিয়ালৰ সদস্যসকল,

দেশৰ উন্নয়ন বিৰোধী ৰাজনৈতিক দলসমূহে মধ্যপ্ৰদেশক পিছুৱাই নিব বিচাৰে। কিন্তু, আমাৰ ডাবল ইঞ্জিন চৰকাৰে ভৱিষ্যতক মনত ৰাখি কাম কৰে। সেইবাবেই উন্নয়নৰ স্বাৰ্থতহে ডাবল ইঞ্জিন চৰকাৰক বিশ্বাস কৰিব পাৰি। উন্নয়নৰ জৰিয়তে মধ্যপ্ৰদেশ যে দেশৰ আগশাৰীৰ ৰাজ্য হ’ব তাৰ নিশ্চয়তা কেৱল আমাৰ চৰকাৰেহে দিব পাৰে।

শিৱৰাজীয়ে অলপ আগতেই কৈছিল যে স্বচ্ছতাৰ ক্ষেত্ৰত মধ্যপ্ৰদেশ এতিয়া দেশৰ ভিতৰতে শীৰ্ষত আছে। আজি গান্ধী জয়ন্তী। গান্ধীজীয়ে সদায় স্বচ্ছতাৰ কথা কৈছিল। কালি সমগ্ৰ দেশতে স্বচ্ছতা কাৰ্যসূচী উৎসাহ আৰু উদ্দীপনাৰে উদযাপন কৰা হয়। আপোনালোকে কোনোবা এজন কংগ্ৰেছীক চাফাই অভিযানত অংশগ্ৰহণ কৰা দেখিছেনে? কাৰোবাক দেখা পাইছেনে, স্বচ্ছতাৰ বিষয়ে অনুৰোধ কৰা শুনিছেনে। স্বচ্ছতাৰ ক্ষেত্ৰত মধ্যপ্ৰদেশ দেশৰ ভিতৰতে প্ৰথম-যিসকলে এই বিষয়টো ভাল নাপায়, তেওঁলোকে কেনেকৈ মধ্যপ্ৰদেশৰ উন্নয়ন কৰিব? তেওঁলোকক বিশ্বাস কৰিব পাৰিনে?

আৰু সেই কাৰণেই আপোনালোক সকলোকে অনুৰোধ জনালোঁ যে আজি আপোনালোকে এই বিকাশৰ গতি অটুট ৰাখিবলৈ দ্ৰুত বিকাশৰ স্বাৰ্থত বৃহৎ সংখ্যক আশীৰ্বাদ দিবলৈ আহিছে, আপোনালোক সকলোকে অন্তৰৰ পৰা ধন্যবাদ জনাইছো।

মোৰ লগত সকলোৱে একেলগে কওক –

ভাৰত মাতা কী জয়!

ভাৰত মাতা কী জয়!

ভাৰত মাতা কী জয়!

সকলোকে বহুত বহুত ধন্যবাদ। 

****

DS/RT/IG/AK/DB/BM