ভারত সরকারগী য়ুথ এফিয়ার্স অমসুং স্পোর্তস মন্ত্রালয়না নেস্নেল স্পোর্তস এৱার্দস 2023গীদমক এপ্লিকেসনশিং কৌরি। নেস্নেল স্পোর্তস এৱার্দস 2023গীদমক মতিকচাবা স্পোর্তসপর্সনশিং/ কোচশিং/ সংস্থানশিং/ য়ুনিবর্সিতীশিংদগী এপ্লিকেসনশিং কৌরি। এপ্লিকেসনশিং দেদিকেতেদ পোর্তেল অমগী থোংদা ওনলাইন মোদ খক্তদা কৌরি। এৱার্দ গাইদলাইনশিংগী মতুং ইন্না মতিক চাবা এপ্লিকান্তশিংবু ওথোরিতীশিং/মীওইশিংগী রিকমেন্দেসন য়াওদনা dbtyas-sports.gov.in পোর্তেল খক্তদা ওনলাইনদা সেল্ফ-এপ্লাই তৌবগী অয়াবা পীরি। ওনলাইন এপ্লিকেসনদা ইসু অমা হেক্তা মায়োক্নবা মতমদা এপ্লিকান্তনা ইমেল আই.দি. sportsawards-moyas[at]gov[dot]in দা নত্রগা তেলেফোন নম্বর 011-23387432 দা অয়ুক পুং 9.00 দগী নুমিদাং ৱাইরম পুং 5.30 ফাওবগী মনুংদা ৱার্কিং দে অমা হেক্তদা নত্রগা তোল ফ্রী নম্বর 1800-202-5155, 1800258-5155 (ৱার্কিং দে অমা হেক্তদা অয়ুক পুং 8দগী নুমিদাং ৱাইরম পুং 8 ফাওবগী মরক্তা)দা স্পোর্তস বিভাগতা কন্তেক্ত তৌবা য়াগনি। এৱার্দকীদমক মতিকচাবা স্পোর্তসপর্সনশিংগী এপ্লিকেসন 2023গী নবেম্বর 2গী নুমিদাং পুং 11.59 ফাওবদা dbtyas-sports.gov.in পোর্তেলদা সবমিত তৌগদবনি। অরোইবা নুমিৎকী মতুংদা লাকপা এপ্লিকেসনশিং লৌরোই।

স্পোর্তসতা রিকোগনাইজ তৌনবা অমসুং রিৱার্দ এক্সেলেন্সকীদমক চহি খুদিংগী স্পোর্তস এৱার্দশিং লান্থোকই। মেজর ধ্যান চান্দ খেল রত্ন এৱার্দ অসি চহি মরিগী মতম মনুংদা স্পোর্তসপর্সন অমনা স্পোর্তসকী লমদা স্পেক্তেকুলর অমসুং খ্বাইদগী থোইদোক হেন্দোকপা পর্ফোমেন্সকীদমক লান্থোকই; অর্জুন এৱার্দ অসি চহি মরিগী কন্সিসতেন্ত আউতস্তেন্দিং পর্ফোমেন্সকীদমক লান্থোকই; দ্রোনাচার্য় এৱার্দ অসি প্রেস্তিজিয়স ইন্তরনেস্নেল স্পোর্তস ইভেন্তশিংদা মেদল লৌবা ঙম্বা পুথোকপগীদমক কোচশিংদা লান্থোকই অদুগা ধ্যান চান্দ এৱার্দ অসি স্পোর্তস দিবলপমেন্তদা লাইফ তাইম কন্ত্রিব্যুসনগীদমক লান্থোকই। রাস্ত্রিয়া খেল প্রোতসাহন পুরুস্কার অসি স্পোর্তস প্রমোসন অমসুং দিবলপমেন্তকী লমদা মশক নায়বা থৌদাং অমা লৌরিবা কোর্পোরেত এন্তাইতীশিং অমসুং ইন্দিবিজুয়েলশিংদা লান্থোকই। মৌলানা অবুল কলাম অজাদ (এম.এ.কে.এ.) ত্রোফী অসি ইন্তর-য়ুনিবর্সিতী তুর্নামেন্তশিংদা ওবরওল তোপ পর্ফোমেন্সকীদমক য়ুনিবর্সিতীদা লান্থোকই।

য়ুথ এফিয়ার্স অমসুং স্পোর্তস মন্ত্রালয়, ভারত সরকারনা চহি খুদিংগী স্পোর্তস এৱার্দশিংগীদমক এপ্লিকেসনশিং কৌই। চহি 2023গী ওইনা স্পোর্তস এৱার্দশিং অসিগীদমক দরখাস্ত কৌবগী নোতিফিকেসন ৱেবসাইত www.yas.nic.in দা অপলোদ তৌরে। ইন্দিয়ান ওলেম্পিক এসোসিয়েসন/ স্পোর্তস ওথোরিতী ওফ ইন্দিয়া/ শকখংলবা নেস্নেল স্পোর্তস ফেদরেসনশিং/ স্পোর্তস প্রমোসন বোর্দশিং/ রাজ্য অমসুং য়ু.তি. সরকারশিং অসিনচিংবদসু খংহনখ্রে।

*****