ভারতনা এসিয়া-পেসিফিক ইন্সতিত্যুৎ ফোর ব্রোদকাস্তিং দিভেলপমেন্ত (এ.আই.বি.দি.) জেনেরেল কন্ফরেন্স (জি.সি.) গী প্রেসিদেন্ত ওইনা ২০১৮ – ২০২১ অমদি ২০২১-২০২৩দা থৌ পুখ্রবা মতুংদা হান্না খন্নরুদবা ফীভম অমদা, ভারতপু থংন-থংননা অহুম্লক শুবা ওইনা এ.আই.বি.দি.গী প্রেসিদেন্ত ওইনা লেমজনিংঙাই ওইরবা মালেমগী ওইবা লূপ অসিবু লমজিংনবগীদমক খল্লে‍।

হায়রিবা ফীভম অসিদা, ইনফোর্মেসন অমদি ব্রোদকাস্তিং মন্ত্রালয়গী সেক্রতরীনা, পন্দোল অসি চহি ৫০ শুরবা লূপ অমা ওইরিবা এ.আই.বি.দি.গী পুৱারীদা অহানবা ওইনা থোকপনি অমদি মসিনা এসিয়া পেসিফিক অমদি মালেম পুম্বগী ব্রোদকাস্তিং ওর্গনাইজেসনশিংনা ভারত্তা থম্লিবা থাজবা অমদি ভারতনা ব্রোদকাস্তিংগী অনৌবা ভেল্যু পীনবগী লম্বী উৎপা, লমজিংবা ঙমগনি হায়বা উৎলি‍ হায়খি‍।

য়ুনেস্কোগী মখাদা ১৯৭৭দা লিংখৎখিবা এ.আই.বি.দি. অসি তোপ তোপ্পা রীজনেল ইন্তর-গভর্নমেন্তেল ওর্গনাইজেসন অমনি, হৌজিক মসিদা ব্রোদকাস্তিং ওথোরিতীশিং অমদি ব্রোদকাস্তরশিং ৪৮না মীহুৎ ওইবা লৈঙাক্কী মেম্বর (লৈবাকশিং) ২৬, অমদি এসিয়া, পেসিফিক, য়ুরোপ, অফ্রিকা, আরব স্তেত অমদি নোর্থ অমেরিকাগী লৈবাক অমসুং রীজন ২৮না মীহুৎ ওইবা এফিলিএত (ওর্গনাইজেসন) ৪৪ য়াওনা লৈবাক ৪৪দগী মেম্বর ওর্গনাইজেসন ৯২ য়াওরি‍। ভারত এ.আই.বি.দি. হৌদোকখিবা মেম্বরশিংগী মরক্তা অমনি, অদুগা ভারতকী পব্লিক সর্ভিস ব্রোদকাস্তর, প্রসার ভারতীনা এ.আই.বি.দি.দা ভারত লৈঙাক্কী ইনফোর্মেসন অমদি ব্রোদকাস্তিং মন্ত্রালয়বু মহুৎ শিল্লিবা লূপ ওইরি‍।

এসিয়া-পেসিফিক ইন্সতিত্যুৎ ফোর ব্রোদকাস্তিং দিভেলপমেন্ত (এ.আই.বি.দি.)গী ২১শুবা জেনেরেল কন্ফরেন্স এন্দ এসোসিএতেদ মীতিংস ২০২৩ (জি.সি. ২০২৩) মসিগী প্রেসিদেন্ত ওইরিবা প্রসার ভারতী সি.ই.ও. শ্রী গৌরব দ্বিবেদীনা থৌরম মপু ওইদুনা মোরিসসকী পোর্ত লুইসতা ওক্তো১র ০২-০৪, ২০২৩দা পাঙথোকখি অমদি মায় পাক্না লোইশিনখি‍। নুমিৎ নিনি চত্থখিবা কন্ফরেন্স অসিনা পোলিসী অমদি রীসোর্স দিভেলপমেন্তকী খুত্থাঙদা এসিয়া-পেসিফিক রীজন্দা মশক মচু থোকপা অমদি অফবা ইলেক্ত্রোনিক মিদিয়া এনভাইরনমেন্ত অমা পুরক্নবা পান্দম থমখি‍।

মালেমগী ব্রোদকাস্তিং ইন্সতিত্যুৎ অমদা অসিগুম্লবা লেমজনিংঙাই ওইরবা ফম অমা পায়পা হায়বসিনা মালেমগী মিদিয়ানা ভারত অমদি প্রসার ভারতীদা থম্লিবা অচেৎপা থাজবা মমি তাবতা নত্তনা ব্রোদকাস্তিংগী লমদা পরিং চুম্না মখা তাবা পন্দোলশিং ফংনবগী ভারতকী য়ুম্ফমসু থোল্লি‍।

***