প্রধান মন্ত্রী শ্রী নরেন্দ্র মোদী ওক্তোবর ৫ দা রাজস্থান অমসুং মধ্য প্রদেসতা চৎকনি।

অয়ুক পুং ১১:১৫ রোম তাবদা প্রধান মন্ত্রীনা রাজস্থানগী জোধপুরদা লম্বী, রেল, এভিএসন, হকশেল অমসুং অৱাংবা থাক্কী মহৈ-মশিংগী হিরমশিংগী লুপা করোর ৫০০০ রোমগী তোঙান-তোঙানবা চাউখৎ-থৌরাংগী প্রোজেকশিং উরেপ-উয়ুং তমগনি অমসুং মীয়ামদা কৎথোক্কনি। নুংথিলগী পুং ৩:৩০ রোম তাবদা প্রধান মন্ত্রী মধ্য প্রদেসকী জবলপুরদা থুংগনি অমসুং মফম অদুদা মহাক্না লম্বী, রেল, গ্যাস পাইপলাইন, য়ুম অমসুং অফবা থক্নবা ঈশিংগা মরী লৈনবা লুপা করোর ১২,৬০০ রোমগী তোঙান-তোঙানবা চাউখৎ-থৌরাংগী প্রোজেকশিং উরেপ-উয়ুং তমগনি অমসুং মীয়ামদা কৎথোক্কনি।

রাজস্থান্দা প্রধান মন্ত্রী

প্রধান মন্ত্রীনা রাজস্থান্দা হকশেলগী ইনফ্রাস্ত্রকচরশিং ফগৎনবা মরুওইবা প্রোজেকশিং উরেপ-উয়ুং তমগনি। প্রোজেকশিংগী মনুংদা ওল ইন্দিয়া ইন্সতিতুৎ ওফ মেদিকেল সাইন্সেস, জোধপুরদা ফমুং ৩৫০ লৈবা ‘ত্রোমা সেন্তর অমসুং ক্রিতিকেল কিয়ার হোস্পিতাল ব্লোক’ অমসুং প্রধান মন্ত্রী অয়ুস্মান ভারত হেল্থ ইনফ্রাস্ত্রকচর মিসনগী মখাদা রাজস্থান শীনবা থুংনা লিংখৎকদবা ক্রিতিকেল কিয়ার ব্লোক তরেৎ য়াওরি। ওল ইন্দিয়া ইন্সতিতুৎ ওফ মেদিকেল সাইন্সেস, জোধপুরগী ‘ত্রোমা, ইমর্জেন্সি অমসুং ক্রিতিকেল কিয়ার’গী ইন্তিগ্রেতেৎ সেন্তর অসি লুপা করোর ৩৫০ হেন্না চঙনা শেমগৎকদবনি। মসিদা ত্রাইয়েজ, দাইগ্নোস্তিক্স, দে কিয়ার, ৱার্দশিং, লনাই কাশিং, মোদুলার ওপরেসন থিয়েতরশিং, আই.সি.য়ুশিং অমসুং দাইলাইসিং তৌফমশিংগী খুদোংচাবশিং য়াওগনি। মসিনা অনাবশিংদা হিরম কয়াগী অমসুং অপুনবা ত্রোমা অমসুং ইমর্জেন্সি কেসশিং লায়য়েংনবা খুদোংচাবা অমা পীগনি। রাজস্থান শীনবা থুংনা লিংখৎকদৌরিবা ক্রিতিকেল কিয়ার ব্লোক তরেৎ অসিনা জিলা থাক্কী ক্রিতিকেল কিয়ার ইনফ্রাস্ত্রকচরশিংগী কান্নবা রাজ্য অসিগী মীয়ামদা ফংহনগনি।

প্রধান মন্ত্রীনা জোধপুর এয়রপোর্ততা অনৌবা তর্মিনেল বিল্দিং শানবা উরেপ-উয়ুং তমগনি। অনৌবা তর্মিনেল বিল্দিং অসি লম ইসক্বার মিতর ২৪,০০০ রোমদা লুপা করোর ৪৮০ গী অপুনবা শেনফম অমনা শেমগৎকদবনি অমসুং মসিনা মী য়াম্না চিনবা মতমদা পেসেঞ্জর ২,৫০০দা খুদোংচাবশিং ফংহনবা ঙমগনি। মসিনা চহি অমদা পেসেঞ্জর ৩৫ রোম খুদোংচাবা পীগনি অমসুং লমদম অসিদা চৎথোক-চৎশিনগী খুদোংচাবা ফগৎহনগনি অমসুং তুরিজম চাউখৎহনগনি।

প্রধান মন্ত্রীনা আই.আই.তি জোধপুর কেম্পস মীয়ামদা কৎথোক্কনি। অনৌবা কেম্পস অসি লুপা করোর ১১৩৫ হেন্না চঙনা শেমগৎপনি। মসি অৱাংবা থাক্কী মহৈ-মশিং তম্বা অমসুং রিছার্স অমসুং ইন্নোবেসনগী থবকশিংগী খুদোংচাবশিং ফংহন্নবা মাইকৈদা থাংজিনবা খোঙথাং অমনি।

রাজস্থানগী সেন্ত্রেল য়ুনিভর্সিতিদা ইনফ্রাস্ত্রকচর ফগৎনবা, প্রধান মন্ত্রীনা ‘সেন্ত্রেল ইন্সত্রুমেন্তেসন লেবোরেতোরি’, স্তাফ ক্বাতর্রশিং অমসুং ‘য়োগ অমসুং স্পোর্ত সাইন্স বিল্দিং’ মীয়ামদা কৎথোক্কনি। মহাক্না রাজস্থানগী সেন্ত্রেল য়ুনিভর্সিতিদা মহৈরোয়শিংগী সেন্ত্রেল লাইব্রেরি, মহৈরোয় ৬০০গী হোস্তেল অমসুং চাক চাফম অমা উরেপ-উয়ুং তমগনি।

রাজস্থান্দা লম্বীগী ইনফ্রাস্ত্রকচর চাউখৎনবা খোঙথাং অমদা, প্রধান মন্ত্রীনা তোঙান-তোঙানবা লম্বীগী প্রোজকশিং উরেপ-উয়ুং তমনি। প্রোজেকশিংগী মনুংদা এন.ঐচ-১২৫এদা জোধপুর রিং রোদকী করৱার-দানগিয়াৱাস সেক্সন লেন মরিদা ওনখৎপা; এন.ঐচ-৩২৫গী বালোত্রা-সান্দেরাও সেক্সন ভাইয়া জালোরগী মরুওইবা সহরগী শরুকশিংদা বাইপাস/রি-এলাইনমেন্ত তরেৎ শেমগৎপা; এন.ঐচ-২৫কী পঞ্চপদ্রা-বগুন্দি সেক্সন লেন মরিদা ওনখৎপা য়াওরি। হায়রিবা লম্বীগী প্রোজেকশিং অসি লুপা করোর ১৪৭৫ রোম চঙনা পায়খৎকদবনি। জোধপুর রিং রোদনা গারি চিনবা হন্থহনবদা মতেং পাংগনি অমসুং সহর অসিদা গারিনা থোকহনবা পোল্লুসন হন্থহনগনি। প্রোজেকশিং অসিনা লমদম অসিদা চৎথোক-চৎশিন ফগৎহনবা, ললোন-ইতিক হেনগৎহনবা, থবক ফংহনবা অমসুং শেন্মিৎলোন চাউখৎহনবদা মতেং পাংগনি।

প্রধান মন্ত্রীনা রাজস্থান্দা অনৌবা ত্রেন সর্বিস অনি লমথাগনি। ত্রেনশিংগী মনুংদা জয়সালমরদগী দিল্লি য়ৌবা অনৌববা ত্রেন-রুনিচা এক্সপ্রেস অমসুং মারৱার জঙ্কসন-খামব্লি ঘাত শম্নবা অনৌবা হেরিতেচ ত্রেন অমা য়াওরি। রুনিচা এক্সপ্রেসনা জোধপুর, দেগানা, কুচামা সিতি, ফুলেরা, রিঙ্গাস, শ্রীমধোপুর, নীম কা থানা, নারনাউল, অতেলি, রেৱারি ফাওরগা লৈবাক্কী কোনুং য়ৌগনি। মারৱার জঙ্কসন-খামব্লি ঘাত শম্নবা অনৌবা হেরিতেচ ত্রেন অসিনা লমদম অসিদা তুরিজম চাউখৎহনগনি অমসুং থবক ফংবা হেনগৎহনগনি। মখা তানা, অতোপ্পা রেল প্রোজেক অনি প্রধান মন্ত্রীনা মীয়ামদা কৎথোক্কনি। হায়রিবা প্রোজেকশিং অদুদি কিমি ১৪৫ শাংবা ‘দেগানা-রাই কা বাগ’ রেল লাইন অমসুং কিমি ৫৮ শাংবা ‘দেগানা-কুচামান সিতি’ রেল লাইন দবল ওনখৎপা য়াওরি।

মধ্য প্রদেসতা প্রধান মন্ত্রী

মধ্য প্রদেসকী ইন্দোরদা লাইত হাওস প্রোজেক শঙ্গাদুনা ‘মীওই খুদিং য়ুম ফংহনবা’ প্রধান মন্ত্রীগী পান্দম মপাঙ্গল কনখৎহনগনি। প্রধান মন্ত্রী অৱাস য়োজনা-অর্বানগী মখাদা লুপা করোর ১২৮ রোম চঙনা পায়খৎপা প্রোজেক অসিনা ইমুং ১০০০ হেন্না কান্নবা পীরগনি। প্রোজেক অসিদা খুদোংচাবা খুদিংম য়াওরবা মগুন লৈবা য়ুমশিং শানবা ‘প্রি-ইঞ্জনিয়ার স্তিল স্ত্রকচরেল সিস্তেমগা লোয়ননা প্রি-ফেব্রিকেতেদ সেন্দৱিচ পনেল সিস্তেম’গী অনৌবা তেক্নোলোজি শীজিন্নরি অমসুং মসিনা য়ুম শাবদা চঙবা মতম হন্থহল্লে।

লনাই য়ুমশিংদা তোতি শমদুনা অফবা থক্নবা ঈশিং মরাং কাইনা ফংহন্নবা প্রধান মন্ত্রীগী মঙলান মঙফাওনবা ঙম্নবা মাইকৈদা থাংজিনবা খোঙথাং অমদা, মন্দলা, জবলপুর অমসুং দিন্দোরি জিলাশিংদা লুপা করোর ২৩৫০ হেনবগী তোঙান-তোঙানবা জল জিবন মিসন প্রোজেকশিং উরেপ-উয়ুং তমগনি। প্রধান মন্ত্রীনা সিওনি জিলাদা লুপা করোর ১০০ হেনবগী জল জিবন মিসন প্রোজেক মীয়ামদা কৎথোক্কনি। হায়রিবা প্রোজেকশিং অসিনা মধ্য প্রদেসকী খুঙ্গং ১৫৭৫ রোম কান্নবা পীরগনি।

মধ্য প্রদেসতা লম্বীগী ইনফ্রাস্ত্রকচর চাউখৎহন্নবা লুপা করোর ৪৮০০ হেনবগী তোঙান-তোঙানবা প্রোজেকশিং প্রধান মন্ত্রীনা উরেপ-উয়ুং তমগনি অমসুং মীয়ামদা কৎথোক্কনি। প্রধান মন্ত্রীনা উরেপ-উয়ুং তমগদবা প্রোজেকশিংগী মনুংদা এন.ঐচ-৩৪৬গী ঝারখেদা-বেরাসিয়া-ধোলখেরি শম্নবা লম্বী ফগৎহনবা; এন.ঐচ-৫৪৩গী বালাঘাত-গোন্দিয়া সেক্সন লেন মরি ওনখৎপা; রুধি অমসুং দেসগাউন শম্নবা খান্দৱা বাইপাস লেন মরি ওনখৎপা; এন.ঐচ-৪৭গী তেমাগাউনদগী চিচোলি ফাওবগী সেক্সন লেন মরি ওনখৎপা; বোরেগাউনদগী সাহপুর ফাওবা শম্নবা লম্বী লেন মরি ওনখৎপা অমসুং সাহপুরদগী মুকতাইনাগর শম্নবা লম্বী লেন মরি ওনখৎপা য়াওরি। এন.ঐচ-৩৪৭সিগী খালঘাত-সারৱারদিউলা শম্নবা লম্বী ফগৎহনবগী প্রোজেক প্রধান মন্ত্রীনা মীয়ামদা কৎথোক্কনি।

প্রধান মন্ত্রীনা লুপা করোর ১৮৫০ হেনবগী রেল প্রোজেকশিং মীয়ামদা কৎথোক্কনি। হায়রিবা প্রোজেকশিং অদুগী মনুংদা কাত্নি-বিজয়সোতা(কিমি ১০২) শম্নবা রেল লাইন অমসুং মারৱাসগ্রাম-শিংগ্রাউলি(কিমি ৭৮.৫০) রেল লাইন য়াওরি। হায়রিবা প্রোজেকশিং অসিনা মধ্য প্রদেসকী রেল ইনফ্রাস্ত্রকচর চাউখৎহন্দুনা রাজ্য অসিদা ললোন-ইতিক অমসুং তুরিজমদা কান্নবা পীগনি।

প্রধান মন্ত্রীনা বিজয়পুর-ঔরাইয়ান-ফুলপুর পাইপলাইন প্রোজেক মীয়ামদা কৎথোক্কনি। কিমি ৩৫২ শাংবা পাইপলাইন অসি লুপা করোর ১৭৫০ চঙনা শেমগৎপনি। প্রধান মন্ত্রীনা মুম্বাই নাগপুর ঝারসুগুদা পাইপলাইন প্রোজেক্কী নাগপুর জবলপুর সেক্সন(কিমি ৩১৭)গী উরেপ-উয়ুংশু তমগনি। প্রোজেক অসি লুপা করোর ১১০০ হেন্না চঙনা পায়খৎকদবনি। গ্যাস পাইপলাইন প্রোজেকশিং অসিনা উদোগশিং অমসুং য়ুমশিংদা মৈখু থাংদবা অমসুং মমল হোংবা নেচরেল গ্যাস ফংহনগনি অমসুং মহৌশাগী অকোয়বদা মৈখু থাদোকপা হন্থহন্নবা মাইকৈদা থাংজিনবা খোঙথাং অমনি। জবলপুরদা লুপা করোর ১৪৭ রোম চঙনা শেমগৎপা অনৌবা বোত্তলিং প্লান্ত অমসু প্রধান মন্ত্রীনা মীয়ামদা কৎথোক্কনি।

***