ইজুকেসন অমসুং স্কিল দিবলপমেন্ত অমসুং ওন্ত্রেপ্রেনিউয়রশিপকী য়ুনিয়ন মিনিস্তর শ্রী ধর্মেন্দ্র প্রধান্না সেপ্তেম্বর ৩০,২০২৩দা নিউ দিল্লিদা ভারতীয় বসা উৎসব অমসুং নুমিৎ নিনিগী তেক্নোলোজি অমসুং বসা সম্মিৎ হৌদোকখ্রে। ভারতকী লোলশিংদা য়ুম্ফম ওইরিবা হৌজিক চৎনরিবা লাইরিক-লাইশু তম্বগী থবক অসি, এন.ই.পি-২০২০গী পান্দমগা লোয়ননা তেক্নোলোজি মপুংফানা শীজিন্নরিবা ভারতকী লোলশিংদা লাইরিক তাকপী-তম্বীবগী থবক পায়খৎনবা অহোংবা অমা পুরক্নবা মীফম অসিনা পান্দম থম্লি। ভারতীয় বসা তেক্নোলোজিগী পোৎথোকশিং অমসুং ইন্দস্ত্রিশিং, সরকারগী ওর্গনাইজেসনশিং অমসুং স্তার্দ-অপশিংনা পোৎথোকশিং অদু শীজিন্নফম উৎপা একজিবিসন অমসু পাংথোকখি। ইনাকখুল্লবা ভারতকী লোলশিং মশক তাকপা লাইরিক অমা থৌরম অদুদা শরুক য়াখিবা শক্নাইরবশিং অমসুং ওফিসিএলশিংদা খুদোল তমখি।

কেন্দ্রিয় বিদ্যলয়গী মহৈরোয়শিংনা লোল ২২দা মখোয়গী হৈথোই-শিংথোইবা অদু উৎখি।

মীফম অদুদা ৱা ঙাংবদা, শ্রী ধর্মেন্দ্র প্রধান্না হায়খি ভারত মালেমদা খ্বাইদগী অরিবা সভেত্য অমা ওইনা তেক্নোলোজিগা তৎন-থানবা য়াদ্রবা অমসুং য়াম্না নক্নবা মরী অমা লৈনরি। চহিচা কয়া মালেম শীনবা থুংগী অখঙ-অহৈ কয়া লৌশিং তান্নবা ভারত্তা লাকখি। ভারতকী লোলশিং অমসুং তেক্নোলোজি পুন্না থবক তৌমিন্নবা অসিনা লৈবাক অসিগী হৈথোই-শিংথোইরবা মীওইশিংদা মপান নাইদ্রবা খুদোংচাবা কয়া পীরগনি।

মহাক্না হায়খি মীফম মনুংদা ভারতকী লোলশিং অমসুং তেক্নোলোজি পুন্না থবক তৌমিন্নবা অসিনা লৈবাক অসিগী হৈথোই-শিংথোইরবা মীওইশিংদা মপান নাইদ্রবা খুদোংচাবা কয়া পীরগনি। মালেমগী মেদিকেল সেক্তরনা ভারতনা চাউনা মতেং পাংলি। মালেমগী কোদরশিংগী শরুক অহুম থোকপগী শরুক অমদি ভারত্তগী হৌখিবশিংনি, মসিনা লৈবাক অসিগী তেক্নোলোজি অমসুং ইন্নোবেসনগী শক্তি অদুগী খুদম অমনি।

শ্রী সঞ্জয় কুমারনা হায়খি অচুম্বা থৌশিল অমসুং লুচিংবনা প্রধান মন্ত্রী শ্রী নরেন্দ্র মোদীগী সংকল্প সাপ্তাহগী পান্দমশিং ফংবা ঙমগনি। অহানবা ওইনা এন.ই.পি ২০২০দা ফাউন্দেসনেল লিতরেসি এন্দ নিউমরেসি(এফ এল এন) য়াওরে। লোলশিং চাউখৎলকপদগী অফবা ৱাখলশিং লাকই অমসুং এন.ই.পি ২০২০না মসি খঙলে অমসুং মসি মহৈরোয়শিংদা খঙহনগদবনি। লোলগী খুদোংচাদবশিং কোকহন্নবা মহৈরোয়শিংনা এ.আইগুম্বা তেক্নোলোজি শীজিন্নগদবনি।

মরুওইবা থিমেতিক সেসন অহুমদা ভারতীয় বসা উৎসবকী শরুক অমা ওইনা মীফম অদু পাংথোকখি, সেসনশিং অদুদি (১) ভারতকী লোলশিংগীদমক তেক্নোলোজি; (২) ভারতকী লোলশিংদা তেক্নোলোজি; অমসুং (৩)ভারতকী লোলশিংগী খুৎথাংদা তেক্নোলোজি হায়বনি। ভারতকী লোলশিংগীদমক তেক্নোলোজি হায়বা হিরমদা ঙসি তেক্নিকেল সেসন অনি পাংথোক্কনি। হায়রিবা সেসনশিং অসিদা ভারতকী লোলশিংদা তেক্নোলোজি শীজিন্নবা হেনগৎহন্নবগী মতাংদা খন্নগনি। ভারতকী লোলশিং তাকপী-তম্বীবদা তেক্নোলোজিগী থৌদাং, মেছিন লার্নিং শীজিন্নবা, স্পিচ রিকক্নিসনগী লেঙ্গোইজ মোদেল্লিং, ভারতকী লোলশিংগী ময়েকশিংগী য়ুনিকোদ অমসুং অতোপ্পা মরুওইবা ৱাফমশিং খন্নখি। সেসন অনিমক্কী মতুংদা ভাবকশিং অমসুং ৱাঙাংলোয়শিংগী মরক্তা অকনবা খন্ন-নৈনবা পাংথোকখি।

ভারতকী লোলশিং তম্বীবদগী, ত্রেনিং, পরিখা অমসুং লাইরি-লাইশুগী মচাকশিং হন্দোকপদা তেক্নোলোজি শীজিন্নদুনা ভারতকী লোলশিং চাউখৎনবা ৱাফমশিং হায়রিবা থিমশিং অদুদা খন্নখি। ভারতকী লোলশিংদা য়ুম্ফম ওইরিবা হৌজিক চৎনরিবা লাইরিক-লাইশু তম্বগী থবক অসি, এন.ই.পি-২০২০গী পান্দমগা লোয়ননা তেক্নোলোজি মপুংফানা শীজিন্নরিবা ভারতকী লোলশিংদা লাইরিক তাকপী-তম্বীবগী থবক পায়খৎনবা অহোংবা অমা পুরক্নবা মীফম অসিনা পান্দম থম্লি।

মীফম মনুংদা ‘ভারতকী লোলশিংদা তেক্নোলোজি শীজিন্নবা’, ‘ওপরেতিং সিস্তেমশিং অমসুং সোফৱায়র লোকেলাইজেসন’, ‘সর্চ ইঞ্জিন লোকেলাইজেসন’ অমসুং অতোপ্পা হিরমশিংদা মরুওইনা খন্ন-নৈনগনি। ভারতকী লোলশিংদা লাইরিক-তাকপী তম্বীনবা অপুনবা লম্বী অমা শেমগনি অমসুং মসিদা অখঙ-অহৈশিং, মহৈরোয়শিং, রিছার্স স্কোলারশিং, ইদুতেক অমসুং ইনফোতেক ইন্দস্ত্রিগী মীওইশিং, তেক্নিকেলগী অখঙ-অহৈশিং, মেদিয়াগী মীওইশিং অমসুং ফ্রিলান্সরশিং শরুক য়ারি।

শক্নাইরবা তমিল কবি অমসুং নিংতম লান্মী মহাকবি চিন্নাশ্বামী সুব্রমনিয়া ভারতীকী মপোক নুমিৎ অসি ভারতীয় বসা বিৱস(দিশেম্বর ১১) হায়না থৌরম পাংথোক্নবা ভারত সরকারনা হৌদোক্লে। সেপ্তেম্বর ২৮,২০২৩দগী হৌদোকখিবা ভারতীয় বসা উৎসব অসি নুমিৎ ৭৫ পাংথোক্কনি অমসুং দিশেম্বর ১১,২০২৩দা লোইশিনগনি। থৌরম মনুংদা ভারতকী লোলশিংগা মরী লৈনবা তোঙান-তোঙানবা থৌরমসিং স্কুলশিং অমসুং অৱাংবা থাক্কী মহৈলোয়শঙশিংদা পাংথোক্কনি।

থৌরম অদুদা ইজুকেসন মিনিস্ত্রিগী হয়ার ইজুকেসনগী সেক্রেতরি শ্রী কে সঞ্জয় মুর্তি; ইজুকেসন মিনিস্ত্রিগী স্কুল ইজুকেসন অমসুং লিতরেসিগী সেক্রেতরি শ্রী সঞ্জয় কুমার, য়ু.জি.সিগী চিয়ারমেন প্রোফেসার এম জগাদেস কুমার অমসুং লোলগী অখঙ-অহৈ কয়া শরুক য়াখি।

মীফম অদু ইজুকেসন মিনিস্ত্রি, স্কিল দিবলপমেন্ত অমসুং ওন্ত্রেপ্রেনিউয়রশিপ মিনিস্ত্রি, সেন্ত্রেল ইন্সতিতুৎ ওফ ইন্দিয়ান লেঙ্গোইজেস, য়ু.জি.সি, নেসনেল ইজুকেসনেল তেক্নোলোজি ফোরম, ওল ইন্দিয়া কাউন্সিল ফোর তেক্নিকেল ইজুকেসন, নেসনেল সেন্তর ফোর ভোকসনেল এন্দ তেক্নিকেল ইজুকেসন, নেসনেল কাউন্সিল ফোর তিচর্স ইজুকেসন, ভারতীয় বসা সমিতিনা পুন্না শীনবনি।

মীফম অসিগী অহেনবা ই-পাউশিং লৌনবা অমসুং রেজিস্তার তৌনবা মখাগী ৱেবসাইত অসিদা চঙবীয়ু:

website: https://technology-bharatiyabhasha.aicte-india.org

***