“এক তারীখ, এক ঘন্তা, এক সাথ” খোঙথাংগী শরুক অমা ওইনা, লৌউ-শিংউ অমসুং লৌমীশিংগী য়াইফ থৌরাং বিভাগকী থৌমী 300 হেনবনা হাউজ খাস্তা লৈবা SFACগী বিলদিংদা চত্থগদবা লম-তু শেংবগী থৌরমদা শরুক য়াগদৌরি।

 “এক তারীখ, এক ঘন্তা, এক সাথ” হায়বসি হন্দক্কী চহিগী ‘স্বচ্ছতা হি সেবা’ (SHS) কেম্পেনগী য়াম্না মরু ওইবা থৌরমশিংগী মনুংদা অমনি, মসিনা লৈবাক শিনবা থুংবগী মীয়ামদা ওক্তোবর 1, 2023গী অয়ুক্কী পুং 10 তাবা মতমদা মশানা থোক্লক্তুনা লম-তু শেংবগীদমক্তা পুং 1 কাইথোকহন্নবা পুক্নিং থৌগৎলি।

 ‘সেচ্ছতা হি সেবা’ (SHS) কেম্পেন অসি সেপ্তেম্বর 15দগী ওক্তোবর 2 ফাওবা পাংথোক্কদবনি। থবক থৌরমশিংদা মশানা য়ানা শরুক য়াহনবা অমসুং খুন্নাইনা শরুক য়াহনবগী পান্দম থম্বা অমসুং ‘ফত্ত হৌদী লৈতবা ভারত’ হায়বা থীমগা লোয়ননবা অমসুং মশানা য়ানা তেংবাংবা নত্ত্রগা ‘শ্রামদান’গী ইথিল অসিনা লৈবাক শিনবা থুংবগী মী য়াম্না তাবা মীয়ামগী মফমদা পাংথোক্নবা থৌরাং য়াৎলিবা থৌরমশিং অসিগী খ্বাইদগী মাঙজিল থানা লৈগনি। লৈবাক শিনবা থুংবদা চত্থগদবা থৌরম অসি ইন্সতিত্যুত, স্কুল, কৈথেল অমসুং পার্কশিংদা পাংথোক্তুনা মীয়াম্না থৱাই য়াওনা শরুক য়াহন্নবা অমসুং মীওই মশিং য়াম্বগী মফমদা মসিদা শরুক য়াহন্নীংবা ফাওনবা পুক্নিং থৌগৎপগী মতৌগা শাগোন্নদুনা থৌরাং অসি য়াৎপনি। 

বাপুজী (মহাত্মা গান্ধী)গী মপোক কুমওনগা নোংমা মাংওইননা মহাক্কী মফমদা মীয়াম পুন্না কৎপা ‘স্বচ্ছাঞ্জলী’ (ইকায় খুম্নবা উৎপা) অমনি হায়রদুনা, প্রধান মন্ত্রী শ্রী নরেন্দ্র মোদীনা মীয়াম্না মশাগী মতম কাইথোক্তুনা কেম্পেন অসিদা তেংবাংনবা হায়খিবনি। মীয়াম্না লম-তু শেংবগী থবকশিং অসি মখোয়গী লৈরক, য়ুম্লোন-কৈরোন্নবা, পার্ক, পাৎ, তুরেল নত্ত্রগা মীয়ামগী মফম অমা হেক্তদা শরুক য়াবা য়াগনি হায়না মহাক্না মখা তাখি।

লৌউ-শিংউ অমসুং লৌমীশিংগী য়াইফ থৌরাং বিভাগ্না মখোয়গী মখাদা লৈবা ওফিসশিংগা লোয়ননা ওক্তোবর 1দা লৈবাক শিনবা থুংবগী মফম 250 হেনবদা থৌরম কয়া শীন-লাঙবগী থৌদাং লৌখ্রে, অমসুং খোঙথাং অসিগী ‘জন আন্দোলন’ ইহৌগা মরী লৈননা, মসিদা মীয়াম 7000 হেনবনা শরুক য়ারক্কনি হায়বগী থাজবা থম্লি। অহেনবা ৱাফম অমা ওইনা, কৃষি ভবন কোরিদোরবুসু নৌনা থাবা পাম্বীশিংনা লৈতেংগনি।

মখা তারকপদা ওক্তোবর 2দা, DA&FWগী থৌমীশিংগী মচাশিংগী লাইয়েকপা তান্নবগী থৌরম অমসু স্বচ্ছতা হি সেবা কেম্পেনগী শরুক অমা ওইনা শীন-লাঙলি, মসিনা নহা ওইরিবা শরুক য়ারিবা অঙাংশিংগী মরক্তা লু-নান্না লৈবগী মরু ওইবশিং খঙহনবদা তেংবাংগনি। মসিগা লোয়ননা, থৌরম অসিগীদমক্তা শীন-লাঙলিবা থৌমীশিংগী রেল্লীনা কেম্পেন অসিগী ভিজিবিলিতী হেনগৎহনগনি অমসুং মীয়ামগী মরক্তা মখোয়গী থৌদাংশিং খঙহনবদসু তেংবাংগনি।

সোসিএল মীদিয়াগী পাক চাউরবা কেম্পেন অমসু “এক তারীখ, এক ঘন্তা, এক সাথ”কীদমক্তা থৌরাং য়াৎখ্রবনি। কেম্পেন অসিনা ফোতো কোলাজ, ভিদিও বাইত অমসুং রীলগা লোয়ননা মীয়াম পাক শন্না খঙহন্নবগীদমক্তা মরী লৈনবা মন্ত্রালয় খুদিংবুসু তেগ তৌবগী থৌওংশিংনা রিএল তাইম অপদেত পীগনি। ওফিসিএল সোসিএল মীদিয়া প্লেতফোর্ম অসিনা বিভাগ অমসুং মহা তাবা বিভাগশিংগী থবক খুদিংমক উৎলি। থৌরমশিং অসিদি DA&FW সেক্রেতরী, শ্রী মনোজ অহুজা অমসুং ওফিসিএলশিংনা লুচিংদুনা লম-তু শেংবগী থবক থৌরম য়েংশিল্লিবা অদুদগী হৌরগা বিভাগকী মফম, গারী অমসুং কেন্তীন পাকতক্ননা শেংবগী থৌরমশিং ফাওবা মনুং চল্লি। নাগালেন্দগী সেন্ত্রেল ইন্সতিত্যুত ওফ হোর্তিকলচর অমসুং দাইরেক্তোরেত ওফ এক্সতেন্সন, MANAGEনচিংবনা স্বচ্ছতা হি সেবা কেম্পেনগীদমক্তা পাংথোকপা থবকশিংসু মন্ত্রালয়গী সোসিএল মীদিয়া হেন্দলশিংদা উৎলি। ইন্তর্নেস্নেল য়র ওফ মিল্লেত পাংথোক্লিবা মসিগা মরী লৈননা, লৌউ-শিংউ অমসুং লৌমীশিংগী য়াইফ থৌরাং মন্ত্রালয়না তরু-তনানবা অমসুং মতম কুইনা চৎকদবা অকোয়বগী ফিভম অমা শোইদনা লৈহনবদা মিল্লেতনা লৌরিবা মরু ওইবা থৌদাং অমসুং লৈবাক লৈহাও শোকহনবা থিংবদা লৌরিবা থৌদাংবুসু সোসিএল মীদিয়া কেম্পেন অসিগী শরুক অমা ওইনা মীয়ামদা তাক্লি।

****