મારા યુટ્યુબર મિત્રો, આજે હું એક સાથી યુટ્યુબર તરીકે તમારી વચ્ચે આવીને ખૂબ જ ખુશ છું. હું પણ તમારા જેવો જ છું, કોઈ જુદો નથી. 15 વર્ષથી હું દેશ અને દુનિયા સાથે પણ એક યૂટ્યૂબ ચેનલના માધ્યમથી જોડાયેલો છું. મારી પાસે યોગ્ય સંખ્યામાં સબસ્ક્રાઇબર્સ પણ છે.

મને જણાવવામાં આવ્યું છે કે આજે અહીં લગભગ 5000 સર્જકો, મહત્ત્વાકાંક્ષી સર્જકોનો મોટો સમુદાય ઉપસ્થિત છે. કેટલાક ગેમિંગ પર કામ કરે છે, કેટલાક ટેકનોલોજી પર શિક્ષિત કરે છે, કેટલાક ફૂડ બ્લોગિંગ કરે છે, જ્યારે કેટલાક ટ્રાવેલ બ્લોગર્સ અથવા લાઇફસ્ટાઇલ ઇન્ફ્લુએન્સર છે.

સાથીઓ, વર્ષોથી, હું નિરીક્ષણ કરી રહ્યો છું કે તમારી સામગ્રી આપણા દેશના લોકો પર કેવી અસર કરે છે. અને અમારી પાસે આ અસરને વધુ અસરકારક બનાવવાની તક છે. સંયુક્તપણે આપણે આપણા દેશમાં વિશાળ જનસંખ્યાના જીવનમાં પરિવર્તન લાવી શકીએ તેમ છીએ. સંયુક્તપણે આપણે ઘણી વધારે વ્યક્તિઓને સશક્ત અને મજબૂત બનાવી શકીએ તેમ છીએ. આપણે સાથે મળીને સરળતાથી કરોડો લોકોને મહત્ત્વની બાબતો શીખવી શકીએ છીએ અને સમજાવી શકીએ છીએ. આપણે તેમને આપણી સાથે જોડી શકીએ છીએ.

સાથીઓ, મારી ચેનલ પર ભલે હજારો વીડિયો હોય, પરંતુ સૌથી વધુ સંતોષ ત્યારે થયો જ્યારે મેં યુ-ટ્યુબના માધ્યમથી આપણા દેશના લાખો વિદ્યાર્થીઓ સાથે પરીક્ષાના તણાવ, અપેક્ષા સંચાલન, ઉત્પાદકતા જેવા વિષયો પર વાત કરી.

જ્યારે હું દેશના આટલા મોટા સર્જનાત્મક સમુદાયની વચ્ચે હોઉં છું, ત્યારે મને તમારી સાથે કેટલાક વિષયો પર વાત કરવાનું મન થાય છે. આ વિષયો જન આંદોલન સાથે જોડાયેલા છે, દેશના લોકોની શક્તિ તેમની સફળતાનો આધાર છે.

પહેલો વિષય છે સ્વચ્છતા - સ્વચ્છ ભારત છેલ્લા નવ વર્ષમાં એક મોટું અભિયાન બની ગયું. તેમાં બધાએ ફાળો આપ્યો, બાળકો તેમાં ભાવનાત્મક શક્તિ લાવ્યા. સેલિબ્રિટીઓએ તેને ઊંચાઈ આપી, દેશના ખૂણે ખૂણે લોકોએ તેને મિશનમાં ફેરવી નાખ્યું અને તમારા જેવા યુટ્યુબર્સે સ્વચ્છતાને વધુ શાનદાર બનાવી દીધી.

પણ આપણે અટકવાની જરૂર નથી. જ્યાં સુધી સ્વચ્છતા ભારતની ઓળખ નહીં બને, ત્યાં સુધી અમે અટકીશું નહીં. એટલા માટે, તમારામાંના દરેક માટે સ્વચ્છતા એક પ્રાથમિકતા હોવી જોઈએ.

બીજો વિષય છે - ડિજિટલ પેમેન્ટ. યુપીઆઈની સફળતાના કારણે આજે ભારત દુનિયામાં ડિજિટલ પેમેન્ટમાં 46 ટકા હિસ્સો ધરાવે છે. તમારે દેશના વધુને વધુ લોકોને ડિજિટલ પેમેન્ટ કરવા માટે પ્રેરિત કરવા જોઈએ, તમારા વીડિયો દ્વારા સરળ ભાષામાં ડિજિટલ પેમેન્ટ કરવાનું શીખવવું જોઈએ.

બીજો વિષય વોકલ ફોર લોકલનો છે. આપણા દેશમાં સ્થાનિક સ્તરે ઘણી બધી પ્રોડક્ટ્સ બનાવવામાં આવે છે. અમારા સ્થાનિક કારીગરોની કુશળતા આશ્ચર્યજનક છે. તમે તમારા કાર્ય મારફતે પણ તેમને પ્રોત્સાહન આપી શકો છો અને ભારતના સ્થાનિક વળાંકને વૈશ્વિક બનાવવામાં મદદ કરી શકો છો.

અને મારી વધુ એક વિનંતિ છે. બીજાને પણ પ્રેરણા આપો, ભાવનાત્મક અપીલ કરો કે આપણે એવી પ્રોડક્ટ ખરીદીશું જેમાં આપણી માટીની સુગંધ હોય, જેમાં આપણા દેશના કોઈ મજૂર કે કારીગરનો પરસેવો હોય. પછી તે ખાદી હોય, હસ્તકળા હોય, હાથવણાટ હોય કે બીજું કંઈ પણ હોય. દેશને જાગૃત કરો, આંદોલન શરૂ કરો.

અને એક બીજી વસ્તુ જે હું મારી બાજુથી સૂચવવા માંગું છું. એક યુટ્યુબર તરીકે તમારી પાસે જે ઓળખ છે તેની સાથે, તમે કોઈ પ્રવૃત્તિ ઉમેરી શકો છો. દરેક એપિસોડના અંતે એક પ્રશ્ન મૂકવાનો વિચાર કરો અથવા કંઈક કરવા માટે ક્રિયા બિંદુઓ પ્રદાન કરો. લોકો પ્રવૃત્તિ કરી શકે છે અને તેને તમારી સાથે શેર કરી શકે છે. આ રીતે, તમારી લોકપ્રિયતા પણ વધશે, અને લોકો ફક્ત સાંભળશે જ નહીં, પરંતુ કંઈક કરવામાં પણ વ્યસ્ત રહેશે.

મને તમારા બધા સાથે વાત કરવામાં ખરેખર આનંદ થયો. શું કહે છે તમારા વીડિયોના અંતે... હું તેનું પુનરાવર્તન પણ કરીશ: મારી ચેનલને સબસ્ક્રાઇબ કરો અને મારા તમામ અપડેટ્સ મેળવવા માટે બેલ આઇકોનને હિટ કરો.

તમને ખૂબ ખૂબ શુભકામનાઓ.

CB/GP/JD