সিবিল এবিয়েসন মন্ত্রালয়
শ্রী জ্যোতিরাদিত্য এম. সিন্ধিয়ানা অরুনাচল প্রদেশকী তেজু এয়রপোর্ত্তা অনৌবা ইনফ্রাস্ত্রকচর শঙ্গাখ্রে
অপুনবা লুপা করোর 170 চংনা দিবলপ তৌবা, নৌনা শেমগৎলবা ইনফ্রাস্ত্রকচরশিংদা রনৱে এক্সতেন্সন তৌবা, অনৌবা এপ্রোন অমা অমসুং এ.তি.আর. তর্মিনেল বিলদিং অনৌবা অমা অমসুং ফায়র স্তেসন কম এ.তি.সি. তৱার য়াওরি
শ্রী সিন্ধিয়ানা উদান 5.0 স্কিমগী মখাদা ইতানগরদগী দাইরেক্ত রুত অহুম লাউথোকখ্রে: ইতানগরদগী দিল্লী, ইতানগরদগী জোরহাত, অমসুং ইতানগরদগী রুপসি, অথুবা মতমদা মথৌ তৌবা হৌরগনি
Posted On:
24 SEP 2023 7:42PM by PIB Imphal
সিভিএ এভিয়েসন অমসুং স্তিলগী মন্ত্রী শ্রী জ্যোতিরাদিত্য এম. সিন্ধিয়ানা ঙসি অরুনাচল প্রদেশকী তেজু এয়রপোর্তকী নৌবা দিবলপ তৌরবা ইনফ্রাস্ত্রকচর শঙ্গাখ্রে।
তেজু এয়রপোর্ত অসি সিঙ্গল রনৱে অমগী থোংদা ওপরেত তৌবা তেজু তাউনদা লৈবা দোমেস্তিক এয়রপোর্ত অমনি। এয়রপোর্ত অসি লম একর 212দা দিবলপ তৌবনি অমসুং এ.তি.আর. 72 মখলগী এয়রক্রাফকী ওপরেসনশিং হেন্দল তৌবা ঙমই। রাজ্য সরকারনা হায়জরকপদগী এ.এ.আই.না তেজু এয়রপোর্ত মথৌ তৌনবা দিবলপমেন্ত অমসুং অপগ্রেদেসনগী থবক পায়খৎখি। লুপা করোর 170গী থবকশিং পায়খৎপদা রনৱেগী এক্সতেন্সন (1500m x 30m) অমসুং এ.তি.আর. 72 মখলগী এয়রক্রাফ মশিং 2গীদমক অনৌবা এপ্রোন অমা শাবা, তর্মিনেল বিলদিং অনৌবা অমা শাবা, অমসুং ফায়র স্তেসন কম এ.তি.সি. তৱার য়াওরি।
থৌরম অসিদা সিভিএ এভিয়েসন অমসুং স্তিলগী মন্ত্রী শ্রী জ্যোতিরাদিত্য এম. সিন্ধিয়ানা হায়খি মদুদি প্রধান মন্ত্রী নরেন্দ্র মোদীগী লুচিং মখাদা লৈবাক অসিগী অৱাং নোংপোক লমদমগী দিবলপমেন্তদা অখন্নবা ইনোৎ অমা পীরি।
মহাক্না মখা তাখি মদুদি পি.এম. মোদীনা অৱাং নোংপাক ভারতপু ভারতকী ‘হিরা’ (দাইমন্দ) ওইহল্লে, মদুগী অর্থদি রিজনগী হোলিস্তিক অমসুং ইনক্লুসিব দিবলপমেন্ত ওইথোকহল্লিবা মরুওইবা কম্পোনেন্ত মরি হায়ৱে, ইন্তরনেত, রেলৱে অমসুং এভিয়েসন্নি। মসিগী মতুং মহাক্না লমদম অসিবু চাউনা কানবা ফংহল্লিবা রিজনেল কনেক্তিবিতী স্কিম (আর.সি.এস.) – উদানগী মতাংদা ৱা ঙাংখি। মহাক্না হায়খি মদুদি পি.এম. শ্রী নরেন্দ্র মোদীনা উদান স্কিমগী থোংদা সিভিল এভিয়েসনবু দেমোক্রেতিক ওইহল্লে। স্কিম অসিগী মখাদা উদান ফ্লাইত লাখ 2.50 হেনবনা প্রজা করোর 1.32 হেনববু চত্থোক চৎশিন তৌহনবদা মতেং পাংলে হায়না মহাক্না ফোংদোকখি।
মহাক্না অরুনাচল প্রদেশ রাজ্যগী সিভিল এভিয়েসন সেক্তরগী ফিভমগী মতাংদা ৱারি শান্নখি। 2014গী ফিভমগা চাংদম্নরদুনা মহাক্না হায়খি মদুদি 2014 ফাওবদা অরুনাচল প্রদেশতা এয়রপোর্ত লৈরমদে অমসুং চহি 9গী মতম মনুংদা অনৌবা এয়রপোর্ত 4 দিবলপ তৌরে অমসুং মথৌ তৌবা হৌরে। মহাক্না মখা তাখি মদুদি তুজুদা লৈরিবা অনৌবা তর্মিনেল বিলদিং অসিনা রিজন অসিগী কনেক্তিবিতী মখা তানা হেনগৎহল্লগনি অমসুং রিজন অসিগী ইকোনোমিক দিবলপমেন্তদা অচৌবা থৌদাং অমা লৌগনি।
মন্ত্রীনা উদান 5.0 স্কিমগী মখাদা ইতানগরদগী দাইরেক্ত রুত অহুমসু লাউথোকখি: ইতানগরদগী দিল্লী, ইতানগরদগী জোরহাত, অমসুং ইতানগরদগী রুপসি, মদু অথুবা মতমদা মথৌ তৌবা হৌরগনি।
![](https://static.pib.gov.in/WriteReadData/userfiles/image/image001RVGK.jpg)
সিভি এভিয়েসন মন্ত্রালয়গী আর.সি.এস. উদান স্কিমগী মখাদা তেজু এয়রপোর্ত 2018দা মথৌ তৌবা হৌখি। এয়রপোর্ত অসি হৌজিক্কি ওইনা এলিয়েন্স এয়র অমসুং ফ্লাইবিগ এয়রলাইননা রেগুলর সেদ্যুলগী থোংদা দিব্রুগর, ইম্ফাল অমসুং গুৱাহাতি কনেক্ত তৌরি।
তর্মিনেল বিলদিংগী মওং মতৌশিং:
- তর্মিনেল এরিয়া: 4000 Sqm.
- পীক অৱার সর্বিং কেপাসিতী: 300 পেসেঞ্জর
- চেক-ইন কাউন্তরশিং: 05 + (03 তুংদা)
- এরাইবেল কেরৌসেল 02
- এয়রক্রাফ পার্কিং বে: 02 – এ.তি.আর.-72 মখলগী এয়রক্রাফ
মরুওইবা ফীচরশিং:
- দবল ইন্সুলেতেদ রুফিং সিস্তেম।
- ইনর্জী ইফিসিয়েন্ত ঐচ.ভি.এ.সি. & লাইতনিং সিস্তেম।
- লো হিৎ গেন গ্লেজিং।
- ই.সি.বি.সি.-কমপ্লেন্ত ইক্বিপমেন্ত।
- সোলিদ ৱেস্ত মেনেজমেন্ত সিস্তেম।
- ফ্লশিং অমসুং হোর্তিকলচর পর্পজগীদমক ত্রিতেদ ৱাতরগী রি-য়ুজ।
- সস্তেনেবল অর্বান দ্রেনেজ সিস্তেমগা লোয়ননা রেনৱাতর হার্বেস্তিং ইন্তিগ্রেতেদ।
- ইফিসেন্ত ৱাতর ফিক্সচর শিজিন্নবা।
প্রোজেক্তকী কান্নবা
- অহেনবা ত্রাফিক হেন্দল তৌনবা এয়রপোর্ত কেপাসিতী এক্সপান তৌবা।
- নোর্থ ইস্তর্ন রিজনবু লৈবাক্কী অতৈ মফমশিংগা লোয়ননা হেন্না ফবা কনেক্তিবিতী ফংহনবা।
- তুরিজম, ত্রেদ অমসুং এমপ্লোইমেন্ত জেনরেসন হেনগৎপা।
- রিজনগী ইনফ্রাস্ত্রকচর দিবলপমেন্ত অমসুং ইকোনোমিক গ্রোথ প্রমোত তৌবা।
![A group of people standing in front of a large black boardDescription automatically generated](https://static.pib.gov.in/WriteReadData/userfiles/image/image002ARJX.jpg)
থৌরম অসিদা অরুনাচল প্রদেশকী উপ-মুখ্য মন্ত্রী শ্রী চৌনা মীন, অরুনাচল প্রদেশকী তুরিজম অমসুং সিভিল এভিয়েসন মন্ত্রী শ্রী নাকাপ নালো, শ্রী নাবম রেবিয়া, এম.পি. (রাজ্য সভা), শ্রী তাপির গাও, এম.পি. (লোক সভা) অমসুং ভারত সরকারগী সিভিল এভিয়েসন মন্ত্রালয়গী সেক্রেতরী ভুমলুনমাং ভুৱালনামসু শরুক য়াখি।
তেজু অসি লোহিত তুরেল মপালদা লৈবা অপিকপা তাউন অমনি অমসুং অরুনাচল প্রদেশকী লোহিত জিলাগী হেদক্বাতরনি। তাউন অসি অশংবা উমং অমসুং চিংনা কাইশিনবা মসিগী মহৌশাগী ফজবগীদমক খংনৈ।
***
(Release ID: 1960651)
Visitor Counter : 86