কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিত শাহনা নোরদর্ন জোনেল কাউন্সিলগী ৩১ লকশুবা মীফমদা ঙসি সেপ্তেম্বর ২৬, ২০২৩গী লৈবাকপোকপা নুমিৎতা পঞ্জাবকী অমৃতসরদা ময়াই তাংবল লৌগনি। নোরদর্ন জোনেল কাউন্সিল অসিদা পঞ্জাব, হরিয়ানা, রাজস্থান, হিমাচল প্রদেশ অমসুং দিল্লী, জম্মু অমসুং কাশ্মির, লদাখ অমসুং চান্দিগরগী য়ুনিয়ন তেরিতোরীশিং য়াওরি।

মীফম অসি ইন্তর স্তেত কাউন্সিল সেক্রেতরিএতনা, হোম এফিয়র্স, ভারত সরকারগী মখাদা পঞ্জাব সরকারগা খুৎশম্নদুনা পাঙথোকপনি। নোরদর্ন জোনেল কাউন্সিলগী ৩১ লকশুবা মীফম অসিদা মেম্বর স্তেতশিংগী মুখ্য মন্ত্রীশিংগা লোইননা রাজ্য অমমমদগী সেনিয়র মিনিস্তর অমসুং য়ুনিয়ন তেরিতোরীশিংদগী লেফতনেন্ত গবর্নর/এদমিনিস্ত্রেতরশিংনা শরুক য়াগনি। রাজ্য সরকার অমসুং য়ুনিয়ন তেরিতোরীশিংদগী চীফ সেক্রেতরী অমসুং অমসুং অতৈ মকোক থোংবা ওফিসরশিং অমসুং কেন্দ্র সরকারদগী মকোক থোংবা ওফিসরশিংসু মীফম অসিদা শরুক য়াগনি।

জোনেল কাউন্সিল মঙা স্তেতস রিওর্গানাইজেসন এক্ত, ১৯৫৬কী সেক্সন ১৫-২২গী মখাদা লিংখৎখি। কেন্দ্রগী গৃহ মন্ত্রীনা হায়রিবা জোনেল কাউন্সিল মঙা অসিগী চীয়রমেন ওইরি অদুগা জোনেল কাউন্সিল অসিদা য়াওরিবা রাজ্যশিংগী মুখ্য মন্ত্রীশিং অমসুং য়ুনিয়ন তেরিতোরীশিং অসিদগী এদমিনিস্ত্রেতর/লেফতনেন্ত গবর্নরনা মেম্বরশিং ওইরি, মখোয়গী মরক্তগী অমনা চহি খুদিংগী শিন্নদুনা ভাইস-চীয়রমেন ওইরি। রাজ্য অমমমদগী অহেনবা মন্ত্রী অনিবুনা গবর্নরনা নোমিনেত তৌদুনা কাউন্সিল অসিগী মেম্বরশিং ওইরি। জোনেল কাউন্সিলশিং অসিনা চীফ সেক্রেতরীগী থাক্তা স্তেন্দিং কম্মিতী অমা শেমখ্রে।

প্রধান মন্ত্রী শ্রী নরেন্দ্র মোদীনা মপাঙ্গল লৈবা রাজ্যশিংনা মপাঙ্গল লৈবা লৈবাক শেম্মি হায়না থাজৈ। জোনেল কাউন্সিলশিং অসিনা চাং নাইনা পাউ ফাওননবা অমসুং রাজ্য অনি নৎত্রগা হেনবা নৎত্রগা কেন্দ্র অমসুং রাজ্যশিংগী মরক্তা লৈবা সমশ্যাশিং নৈনবগী পথাপ নাইবা মেকানিজম অমগী খুত্থাংদা মরী ফগৎনবা ফম্বাক অমা পীরি।

জোনেল কাউন্সিলশিং অসিনা এদভাইজরীগী থৌদাং অমা লৌরি, অদুবু চহি খরা অসিদা হায়রিবা কাউন্সিলশিং অসিনা তোঙান-তোঙানবা হীরমশিংদা অমগা অমগা ভাপ তামিন্ননবা অমসুং মরী ফগৎনবা মরুওইবা মেকানিজম অমা ওইনা শাগৎলক্লি। হৌখিবা চহি ৯ লোম অসিদা, জুন ২০১৪দগী হৌদুনা, তোঙান-তোঙানবা জোনেল কাউন্সিলশিংগী ওইবা অপুনবা মীফম ৫৩ ফমখ্রে অমসুং মসিদা স্তেন্দিং কম্মিতী ২৯ অমসুং জোনেল কাউন্সিল ২৪ য়াওরি।

কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিত শাহনা রাজ্যশিং অসিবু শক্তি হেনগৎহন্নবা অমসুং কেন্দ্র অমসুং রাজ্যগী ওইবা পোলিসী ফ্রেমৱার্কশিং হেন্না ভাপ তাহন্নবা কোওপরেতিব ফেদরেলিজমগী ৱাখল্লোন শাগৎলি। মহাক্না জোনেল কাউন্সিলশিং শীজিন্নদুনা চয়েৎনবশিং লোইশিন্নবা হোৎনরি অমসুং কোপরেতিব ফেদরেলিওম শাগৎনবা হোৎনরি।

নোরদর্ন জোনেল কাউন্সিল অসিনা ভাক্রা-বিস মেনেজমেন্ত বোর্দ, পঞ্জাব য়ুনিভর্সিতীদা এফিলিএত তৌবা, পি.এম.জি.এস.ৱাই.গী মখাদা লম্বী শেম্বা, কেনেল প্রোজেক্তশিং অমসুং ঈশিং লান্নবা, রাজ্যশিং রিওর্গানাইজ তৌবা, ইনফ্রাস্ত্রকচর ফগৎহনবা, লম লৌশিনবা, অকোইবা অমসুং উমংগা মরী লৈনবা ক্লিয়রেন্স, উরান স্কিমগী মখাদা লম অমগা অমগা শম্নহনবা অমসুং রিজনেলগী থাক্তা মান্নবা সমশ্যাশিংগা মরী লৈননা পাক চাউরবা সমশ্যা কয়া খন্ন নৈনৈ।

লৈবাক্কী থাক্তা লৈবা মরুওইবা সমশ্যা কয়াসু জোনেল কাউন্সিলগী মীফম খুদিংমক্তা নৈনরি। মসিদা ফাস্ত ত্রেক স্পেসিএল কোর্তশিং (এফ.এস.তি.সি.) ওপরেস্নেলাইজ তৌদুনা ইনভেস্তিগেসনগী খোঙজেল য়াঙশিলহনবা, অমসুং নুপী অমসুং অঙাংশিংদা চত্থবা রেপ কেসশিং অথুবদা লোইশিনবা, বেঙ্কশিং/ইন্দিয়া পোস্ত পেমেন্ত বেঙ্ক ব্রাঞ্চশিং খুঙ্গং খুদিংমক্তা কিলোমিতর ৫গী পাক চাউবদা থম্বা, লৈবাক অসিদা প্রাইমরী এগ্রিকলচরেল ক্রেদিত সোসাইতী (পি.এ.সি.এস.) লাখ অনি শেম্বা, ন্যুত্রিসন কেম্পেনগী খুত্থাংদা অঙাংশিংদা মচি ওইবা চীঞ্জাক ফংদবা কোকহনবা, স্কুল কাবা অঙাংশিং তোকপগী চাং হন্থহনবা, সরকারগী হোস্পিতালশিং অয়ুশ্মান ভারত প্রধান মন্ত্রী জন আরোগ্যা য়োজনা (এ.বি. পি.এম.-জে.এ.ৱাই.) শরুক য়াহনবা, অমসুং অতোপ্পা জাতিগী থাক্তা লৈবা মান্নবা সমশ্যাশিং কোকনবা হোৎনবা য়াওরি।

স্তেন্দিং কম্মিতীনা খনবা মেম্বর ওইরিবা রাজ্য/য়ুনিয়ন তেরিতোরীগী ওইবা নীংথিনা পাঙথোকপা থবক থৌরম অমমম জোনেল কাউন্সিলগী মীফম খুদিংমক্তা লান্থোকনরি।

***************