ఆగస్ట్ 2023 నెలలోనే 23.13 శాతం గణనీయమైన నెలవారీ వృద్ధి రేటును సాధించింది, ప్రయాణీకుల సంఖ్య 148.27 లక్షలకు పెరిగింది. ప్రయాణీకుల పెరుగుదల ధోరణి పరిశ్రమ స్థితిస్థాపకత, ప్రపంచ మహమ్మారి ద్వారా ఎదురయ్యే సవాళ్ల నుండి కోలుకోవడాన్ని ప్రతిబింబిస్తుంది.

ప్రయాణీకుల రద్దీలో ఆకట్టుకునే వృద్ధి ఉన్నప్పటికీ, ఆగస్టు 2023లో షెడ్యూల్ చేయబడిన దేశీయ విమానయాన సంస్థల మొత్తం రద్దు రేటు కేవలం 0.65 శాతం మాత్రమే కావడం గమనార్హం. ఆగస్ట్ 2023లో, షెడ్యూల్ చేసిన దేశీయ విమానయాన సంస్థల ద్వారా మొత్తం 288 ప్రయాణీకులకు సంబంధించిన ఫిర్యాదులు అందాయి, 10,000 మంది ప్రయాణీకులకు దాదాపు 0.23 ఫిర్యాదులు వచ్చాయి. ఈ తక్కువ ఫిర్యాదు, రద్దు రేటు కస్టమర్ సంతృప్తికి అద్దం పడుతుంది. అలాగే ప్రయాణీకులకు నమ్మకమైన, సమర్థవంతమైన సేవలను అందించడానికి పరిశ్రమ చేస్తున్న ప్రయత్నాలకు నిదర్శనం.

ఈ రంగంలో వృద్ధిని అభినందిస్తూ కేంద్ర పౌర విమానయాన, ఉక్కు శాఖ మంత్రి శ్రీ జ్యోతిరాదిత్య ఎం. సింధియా మాట్లాడుతూ సురక్షితమైన, సమర్ధవంతమైన సేవలను అందించడంలో విమానయాన సంస్థలు, విమానాశ్రయాలు, పౌర విమానయాన మంత్రిత్వ శాఖ సమిష్టి కృషికి ఈ స్థిరమైన వృద్ధి, కస్టమర్-సెంట్రిక్ ఏవియేషన్ ఎకోసిస్టమ్ కు నిదర్శనమని అన్నారు. అభివృద్ధి చెందుతున్న ప్రయాణ డిమాండ్లు, నిబంధనలకు అనుగుణంగా ప్రయాణీకుల భద్రత, సౌకర్యాన్ని నిర్ధారించడానికి విమానయాన పరిశ్రమ కట్టుబడి ఉంది. విమాన ప్రయాణం కోలుకుంటున్నందున, దేశీయ విమానయాన సంస్థలు భారతదేశం అంతటా ఆర్థిక వృద్ధి, కనెక్టివిటీని సులభతరం చేయడంలో కీలక పాత్ర పోషించడానికి సిద్ధంగా ఉన్నాయి. 

***