দোমেস্তিক এভিএসন ইন্দস্ত্রীদা ইং২০২৩গী অহানবা থা নিপানসিদা মশক থোক্না পেসেঞ্জর ত্রাফিক হেনগৎলকপা থেংনখি‍। খ্বায়দগী নৌবা দেতা এনালাইসিসকী মতুং ইন্না, দোমেস্তিক এয়রলাইনশিংনা ইং ২০২৩গী জনুৱারীদগী ওগস্ত ফাওবদা পুখিবা পেসেঞ্জর মশিং শিংথানিংঙাই ওইনা লাখ ১১৯০.৬২ য়ৌদুনা, মমাঙ চহিগী চপ মান্নবা মতমদা লৈখিবা চাংগা য়েংনবদা ৩৮.২৭% হেনগৎলে‍।

ওগস্ত ২০২৩ মনুংখক্তদা পেসেঞ্জর মশিং লাখ ১৪৮.২৭ য়ৌদুনা ২৩.১৩%গী চাংদা থাগী ওইনা হেনগৎলকখি‍। অসুম্না পেসেঞ্জর মশিং হেনগৎলকপা অসিনা ইন্দস্ত্রী অসি অমুক হান্নবগী ফীভমদা হঞ্জিল্লকপা অমদি মালেমগী লাইচৎনা পীখিবা শিংনবা কয়াদগী অমু্ক হঙ্গৎলকপগী ফীভম মমি তারি‍।

পেসেঞ্জর ত্রাফিক্তা মশক থোক্না হেনগৎলক্লগসু, পনবা য়াবা ৱাফমদি ওগস্ত ২০২৩ মনুংদা সেদ্যুল দোমেস্তিক এয়রলাইনশিংদা কেন্সেলেসনগী চাং শুপ্নতগী ০.৬৫% ওইখি‍। ওগস্তি ২০২৩ মনুংদা, সেদ্যুল দোমেস্তিক এয়রলাইনশিংনা পেসেঞ্জরগা মরী লৈনবা ৱাকৎ ২৮৮ ফংদুনা পেসেঞ্জর ১০,০০০ গী মনুংদা লাকপা ৱাকৎকী চাং ০.২৩ খক্তমক ওইখি‍। ৱাকৎ য়াম্না লাকখিদবা অমদি কেন্সেলেসনগী চাং নেমখিবা অসি ইন্দস্ত্রী অসিনা কস্তরমর পেলহন্নবগী লমদা মরুওইবা মীৎয়েঙ থম্লিবা অমদি পেসেঞ্জরশিংদা থাজনিংঙাই ওইবা অমসুং মতিং লৈবা সর্ভিস পীনবা হোৎনরিবসিগী খুদম চাংদম ওইরি‍।

সেক্তর অসিদা উরিবা গ্রোথ অসিবু শিংথারদুনা, সিভিল এভিএসন অমদি স্তীলগী কেন্দ্র মন্ত্রী শ্রী জ্যোতিরদিত্য এম. সিন্দিয়ানা, লেপ্পা লৈতনা হেনগৎলক্লিবা অসি এয়রলাইন, এয়রপোর্ত অমদি সিভিল এভিএসন মন্ত্রালয়না শাফবা, মতিং লৈবা, অমদি কস্তমরদা য়ুম্ফম ওইবা এভিএসন ইকোসিস্তেম অমা থম্নবগী পুন্না হোৎনমিন্নবগী মহৈনি হায়খি‍। এভিএসন ইন্দস্ত্রী অসি মতমগী মতুং ইন্না হোংলক্লিবা ত্রাভেল দিমান্দ অমদি কাঙলোনশিংগা চুশিন্নহনবগা লোয়ননা পেসেঞ্জরদা শাফবা অমদি নুংঙাইবা মহাও পীননবগীদমক খোঙফম চেৎনা লেপ্লি‍। নোংথক্কী লম্বীদা চত্থোক চৎশিন তৌবগী থৌওং হান্নগী ফীভমদা অমুক হঙ্গৎলপনা মরম ওইরগা দোমেস্তিক এয়রলাইনশিংনা ভারত পুম্বদা শেন্মিৎলোন চাওখৎহনবা অমদি কন্নেক্তিবিতী হেনগৎহনবদা মতেং পাংনবগী মরুওইবা থৌদাং অমা লৌরক্কদৌরি‍ হায়না মহাক্না ফোঙদোকখি‍।

*****