اطلاعات ونشریات کی وزارت نے آج ٹیلی ویژن چینلوں کو ایک ایڈوائزری جاری کرکے کہا ہے کہ وہ ایسے افراد کو پلیٹ فارم مہیا نہ کریں جن کے خلاف دہشت گردی سمیت سنگین جرائم کے الزامات ہیں یا وہ قانون کے ذریعے پابندی لگائی گئی تنظیموں سے متعلق ہوں۔

یہ ایڈوائزری حال ہی میں ایک ٹیلی ویژن چینل پر ایک غیر ممالک سے تعلق رکھنے والے شخص کے مباحثے میں شرکت کے تناظر میں جاری کی گئی ہے جس کے خلاف دہشت گردی سمیت دیگر جرائم کے سنگین الزامات ہیں جو ایک ایسی تنظیم سے ہے جسے ہندوستان میں غیر ممنوعہ میں قرار دیا جاچکا ہے۔بحث کے دوران اس شخص نے کئی ایسے تبصرے کیے جو ملک کے اتحاد /سالمیت، ہندوستان کے تحفظ کے تناظر میں دوست ممالک کے ساتھ ہندوستان کے باہمی تعلقات کے لیے نقصان دہ ہے اور ملک کے عوامی نظم وضبط کو بھی اس سے نقصان پہنچنے کا سخت اندیشہ لاحق ہے۔

وزارت نے واضح طور سے کہا ہے کہ سرکار میڈیا کی آزادی کو برقرار رکھنا چاہتی ہےاور آئین کے تحت اس کے اختیارات کا احترام کرتی ہے لیکن اس کے ساتھ ساتھ ٹیلی ویژن چینلوں کے ذریعے نشر شدہ مواد کیبل ٹیلی ویژن نیٹ ورکس (ریگولیشن) ایکٹ 1995 سمیت دفعہ 20 کی ذیلی دفعہ (2) کی خلاف ورزی بھی ہے۔

تفصیلی ایڈوائزری ذیل میں دیے گئے لنک پر دستیاب ہے:

https://new.broadcastseva.gov.in/digigov-portal-web-app/Upload?flag=iframeAttachView&attachId=140712323&whatsnew=true

*************

  ش ح۔ ج ق ۔ ج ا  

U-9811