शेतमजूर आणि ग्रामीण मजुरांसाठीचा अखिल भारतीय ग्राहक दर निर्देशांकाचा आकडा, (आधारभूत वर्ष: 1986-87=100) ऑगस्ट, 2023 मध्ये अनुक्रमे 9 आणि 8 अंकांनी वधारला आहे आणि तो अनुक्रमे 1224 (एक हजार दोनशे चोवीस) आणि 1234 (एक हजार दोनशे चौतीस) इतका झाला आहे. शेतमजूर आणि ग्रामीण मजूर यांच्या सामान्य निर्देशांकात अनुक्रमे 8.38 आणि 7.69 अंक इतकी वाढ होण्यामागे, प्रामुख्याने तांदूळ, गव्हाचे पीठ, डाळी, दूध, बकऱ्याचे मांस, साखर, गुळ, मिरची-वाळवलेली, हळद, लसूण, आले, कांदा, मिश्र मसाले इ. अन्नधान्य उत्पादनाच्या किमतीत झालेल्या वाढीचे प्रमुख योगदान आहे.

निर्देशांकातील वाढ राज्यनिहाय बदलत असून, कृषी मजुरांच्या बाबतीत, 20 राज्यांमध्ये 2 ते 19 अंकांची वाढ नोंदवली गेली. तमिळनाडू राज्य 1423 अंकांसह निर्देशांकात अव्वल असून, सर्वात शेवटी 942 अंकासह हिमाचल प्रदेश हे राज्य आहे.

ग्रामीण मजुरांच्या बाबतीत, 20 राज्यांमध्ये 2 ते 18 गुणांची वाढ नोंदवली गेली. 1412 गुणांसह तामिळनाडू राज्य निर्देशांकात अव्वल तर हिमाचल प्रदेश 1003 गुणांसह सर्वात तळाशी आहे.

राज्यांमध्ये, कृषी मजुरांसाठीच्या ग्राहक दर निर्देशांकात सर्वाधिक वाढ मेघालयमध्ये (19 अंक) आणि ग्रामीण मजुरांसाठी गुजरात आणि मेघालयमध्ये (प्रत्येकी 18 अंक) झाली. ही वाढ प्रामुख्याने तांदूळ,डाळी,बीफ शेंगदाणा तेल , मिरची-हिरवी/वाळवलेली, सरपण, बस भाडे इत्यादींच्या किमतीत वाढ झाल्यामुळे होती.

शेतमजुरांसाठीचा ग्राहक दर निर्देशांक (CPI-AL) आणि ग्रामीण मजुरांसाठीचा ग्राहक दर निर्देशांक (CPI-RL) यावर आधारित महागाईचा दर ऑगस्ट, 2023 मध्ये अनुक्रमे 7.37% आणि 7.12% इतका होता. जुलै 2023 मध्ये तो अनुक्रमे 7.43% आणि 7.26% इतका, तर मागील वर्षीच्या याच महिन्यात तो अनुक्रमे 6.94% & 7.26% इतका होता. त्याचप्रमाणे ऑगस्ट 2023 मध्ये अन्नधान्यावर आधारित महागाईचा दर अनुक्रमे 8.89% आणि 8.64% होता. जुलै 2023 मध्ये तो 8.88% आणि 8.63%, आणि गेल्या वर्षीच्या याच महिन्यात तो अनुक्रमे 6.16% आणि 6.21% इतका होता.

अखिल भारतीय ग्राहक दर निर्देशांकाची आकडेवारी (सामान्य आणि गट निहाय):

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai