Ka Tribal Cooperative Marketing Development Federation of India Ltd. (TRIFED) hapoh ka Tnat Tribal Affairs jong ka Sorkar Pdeng, kan plie ia ka bynta ba 2 jong ka skhim ‘Promotion of Tribal Products for North East Region’ (PTP-NER 2.0), naduh ka 21 tarik Nailur haduh 10 tarik Naiwieng, 2023. Ha kane ka bynta, 29 tylli ki distrik ryngkat bad bun ki kynhun jong ka TRIFED, North Eastern Handicrafts and Handlooms Development Corporation (NEHHDC) – Ka Tnat DoNER, bad ki bor pyniaid ha ki Jylla kin wan sha ka thain shatei lammihngi, ban iakynduh biang sa shisien ia ki nongshna tiar da ka kti jong ka thain bad ban pyni ia ka jingriewspah ka deiriti jong ki bad ka pateng ym tang sha ka ri hynrei sha ka pyrthei baroh kawei.

U Myntri Sorkar Pdeng ba dei khmih ia ka tnat Tribal Affairs, u Arjun Munda u la plie paidbah ia ka skhim jong ka Sorkar Pdeng ‘Marketing and Logistics Development for Promotion of Tribal Products from North -Eastern Region (PTP-NER)’ ban ai jingmyntoi ia ki Scheduled Tribe jong ka thain shatei lammihngi, ha Manipur ha ka 18 tarik u Iaiong, 2023. (Link: https://pib.gov.in/PressReleasePage.aspx?PRID=1917747) Ia kane ka skhim la sdang ha kajuh ka sngi da ka TRIFED, ha ka jingthmu ban pynkhlain bad aibor ia ki lad kamai jakpoh na ka bynta ki nongshna tiar da ki kti kiba dei na ki thain rilum da kaba kyntiew ia ka jinglah pynmih tiar lyngba ka teknoloji bad ka jingplie lad ia ki tair jong ki ba kin poi sha ki iew lyngba ka jingpyniaid iew bad ka jingsong kaba itynnad.

Ha ka bynta kaba nyngkong jong ka skhim (PTP-NER 1.0), la peit ia 8 tylli ki jylla bad 38 tylli ki districts ki dei kiba la leit ki kynhun ka TRIFED bad NEHHDC ha ka jingiatreilang bad ki bor pyniaid ha ki jylla. Kine ki kynhun ki la pynlong 64 tylli ki Tribal Artisans Empanelment Mela (TAeM) ha u Iaiong-Jymmang, 2023. Lyngba kane ka sienjam ka TRIFED ka la ioh pyniadei kam bad 2562 ngut ki nongshna tiar da ki kti na 44 tylli ki jaitbynriew, ka la pynrung kyrteng ia 1056 ngut na ki bad ka la ioh 1465 ngut ban ai jinghikai. 3115 tylli ki tiar ki dei kiba la thied kiba kynthup ia ki jain, ki mar khlaw, ki tiar ba shna da ki siej, ki jingdeng, ki khiew, ki jingdro bad kiwei kiwei.

Ki tiar ba pyni da ki SHG, Aizawl, Mizoram TAeM ha Basar, Arunachal Pradesh

Ki tiar ba pyni da ka TAeM, West Jaintia Hills, Meghalaya Ki nongshna tiar da ki kti kiba pyni ia ki tiar ha Kasom, Manipur

Ka jingpyni ia ki mar bam ha ka TAeM Gangtok, Sikkim Ka jingpyni ia ki tiar ha North Tripura

Ki jingdeng tynrai ba la pyni ha Baksa, Assam U DC & ka Kynhun TRIFED kiba dang peit ia ki tiar ha Wokha, Nagaland

Ka jingpynlong ia ka bynta kaba ar jong ki TAeM ha ka thain shatei lammihngi: PTP-Skhim NER 2.0

*****