قبائلی امور کی مرکزی وزارت کے تحت ٹرائبل کوآپریٹو مارکیٹنگ ڈیولپمنٹ فیڈریشن آف انڈیا لمیٹڈ (ٹی آر آئی ایف ای ڈی) 21 ستمبر سے 10 نومبر تک 'شمالی مشرقی خطے کے لیے قبائلی مصنوعات کے فروغ' (پی ٹی پی- این ای آر 2.0) اسکیم کے دوسرے مرحلے کا آغاز کرے گا۔ اس مرحلے میں، 29 اضلاع جن میں ٹی آر آئی ایف ای ڈی ، شمال مشرقی دستکاری اور ہتھکرگھہ ترقی کارپوریشن   (این ای ایچ ایچ ڈی سی) – شمال مشرقی خطے کی ترقی کی مرکزی وزارت کی زیادہ سے زیادہ ٹیمیں اور ریاستی انتظامیہ کی ٹیمیں ایک بار پھر قبائلیوں تک پہنچنے کے لیے شمال مشرقی علاقے کا سفر کریں گی اور کاریگر اور ان کی مالا مال  ثقافت اور ورثے کو نہ صرف قوم بلکہ پوری دنیا کے سامنے پیش کریں گی۔

قبائلی امور کے مرکزی وزیر جناب ارجن منڈا نے شمال مشرقی خطے کے درج فہرست قبائل کے فائدے کے لیے مرکزی سیکٹر اسکیم 'شمال مشرقی خطہ (پی ٹی پی -این ای آر) سے قبائلی مصنوعات کے فروغ کے لیے مارکیٹنگ اور لاجسٹک ڈیولپمنٹ' کا آغاز 18 اپریل، 2023 کو منی پور میں کیا۔ (لنک: https://pib.gov.in/PressReleasePage.aspx?PRID=1917747) اس اسکیم کو اسی دن ٹی آر آئی ایف ای ڈی نے شروع کیا تھا، جس کا مقصد قبائلی کاریگروں کے لیے ٹیکنالوجی کے ذریعے ان کی  پیداواری صلاحیت کو بڑھا کر اور مؤثر مارکیٹنگ اور پرکشش پیکیجنگ کے ذریعے ان کی مصنوعات کو منڈیوں تک رسائی دے کر  روزی روٹی کے مواقع کو تقویت دینا اور ان کی حوصلہ افزائی کرنا تھا۔

اسکیم (پی ٹی پی – این ای آر 1.0) کے پہلے مرحلے میں، آٹھ ریاستوں کا احاطہ کیا گیا تھا اور ریاستی انتظامیہ کے ساتھ قریبی تعاون سے ٹی آر آئی ایف ای ڈی اور این ای ایچ ایچ ڈی سی کی ٹیموں نے 38 اضلاع کا دورہ کیا تھا۔ ان ٹیموں نے اپریل-مئی، 2023 میں 64 قبائلی دستکاروں کے ایمپینلمنٹ میلے (ٹی اے ای ایم) کا انعقاد کیا۔ اس اقدام کے ساتھ، ٹی آر آئی ایف ای ڈی نے 44 قبائل کے 2526 کاریگروں تک رسائی حاصل کی، ان میں سے 1056 کو شامل کیا اور 1465 کو تربیتی کیپسول کے لیے شناخت کیا۔ ٹیکسٹائل، جنگلاتی پیداوار، بانس کی اشیاء، زیورات، مٹی کے برتن، پینٹنگز  وغیرہ سے تعلق رکھنے والی 3115 موثر مصنوعات خریدی گئیں۔

باسر، اروناچل پردیش میں ٹی اے ای ایم               ایزاول میزورم میں ایس ایچ جیز کے ذریعہ  دکھائی       جانے والی مصنوعات

کاریگر  کاسوم منی پور میں مصنوعات کی نمائش کرتے ہوئے       مغربی جینتیا ہلس، میگھالیہ میں ٹی اے ای ایم میں دکھائی جانے والی مصنوعات

شمالی تریپورہ میں کاریگر مصنوعات کی نمائش کرتے ہوئے گینگٹک سکم میں ٹی اے ای ایم میں  کاریگر ڈبہ بند خوراک کی نمائش کرتےہوئے

ڈی سی اور ٹی آر آئی ایف ای ڈی  کی ٹیم ووکھا، ناگالینڈ  میں کاریگورں کی مصنوعات کا معائنہ  کرتے ہوئے     بکسا ، آسام میں  قبائلی زیورات نمائش کے لئے

شمال مشرقی خطے میں ٹی اے ای ایم ایز کے دوسرے مرحلے کا شیڈول: پی ٹی پی - این ای آر 2.0 اسکیم

*************

ش ح ۔ ا ک ۔ ر ب

U. No.9732