مرکزی وزیر داخلہ اور باہمی امداد کے وزیر جناب امت شاہ نے وزیر اعظم مودی کی قیادت میں مرکزی حکومت کی طرف سے آج لوک سبھا میں ناری شکتی وندن بل پیش کرنے پر وزیر اعظم جناب نریندر مودی کا شکریہ ادا کیا۔ X پر اپنی پوسٹس کے ذریعے، جناب امت شاہ نے کہا کہ آج، وزیر اعظم جناب نریندر مودی نے ہندوستان کی ابدی ثقافت کے مطابق ملک کی جمہوریت میں "यत्र नार्यस्तु पूज्यन्ते, रमन्ते तत्र देवता:" کے اصول کو نافذ کیا ہے۔ انہوں نے کہا کہ آج لوک سبھا میں پیش کیا گیا 'ناری شکتی وندن بل' ایک ایسا فیصلہ ہے جس سے ملک کی خواتین کو حقیقی معنوں میں ان کے حقوق ملیں گے۔ جناب شاہ نے کہا کہ مودی جی نے دکھا  دیا ہے کہ ‘خواتین کی قیادت میں تفویض اختیارات’  مودی حکومت کا نعرہ نہیں ہے بلکہ ایک قرارداد ہے، کروڑوں ہم وطنوں کی طرف سے میں اس تاریخی فیصلے کے لیے مودی جی کو تہہ دل سے مبارکباد پیش کرتا ہوں۔

مرکزی وزیر داخلہ نے کہا کہ پالیسی ہو یا قیادت، ہندوستان کی خواتین کی طاقت نے ثابت کر دیا ہے کہ وہ کسی بھی میدان میں کسی سے کم نہیں ہیں۔ انہوں نے کہا کہ مودی حکومت کا ماننا ہے کہ ایک مضبوط اور خود کفیل ہندوستان کی تعمیر خواتین کی طاقت کی حمایت اور قوت کے بغیر ممکن نہیں ہے۔ جناب شاہ نے کہا کہ ملک کی خواتین کو ان کے جائز حقوق دینے کا مودی حکومت کا یہ فیصلہ آنے والے وقت میں ایک ترقی یافتہ اور خوشحال ہندوستان کی تعمیر کا اہم ستون بنے گا۔

*************

ش ح۔ا ک۔ ر ب

U-9705