ભારતના ઉપરાષ્ટ્રપતિ અને રાજ્યસભાના અધ્યક્ષ શ્રી જગદીપ ધનખરે આજે 75 વર્ષની સંસદીય યાત્રાના મહત્વ પર ભાર મૂક્યો હતો અને ભારતીય લોકશાહીને આકાર આપનારી સિદ્ધિઓ, અનુભવો, યાદો અને જ્ઞાન પર પ્રકાશ પાડ્યો હતો. સંસદીય લોકશાહીમાં "જનતાની અતૂટ શ્રદ્ધા અને અડગ વિશ્વાસ" પર ભાર મૂકીને ઉપરાષ્ટ્રપતિએ ભારપૂર્વક જણાવ્યું હતું કે, "આપણી લોકશાહીની સફળતા એ "અમે ભારતના લોકો"નો સામૂહિક, સંકલિત પ્રયાસ છે.

આજે રાજ્યસભાના 261મા સત્રમાં શ્રી ધનખરે પ્રારંભિક ટિપ્પણી કરીને નોંધ્યું હતું કે, રાજ્યસભાનાં પવિત્ર પરિસરોમાં 15 ઓગસ્ટ, 1947નાં રોજ 'ટ્રાઇસ્ટ વિથ ડેસ્ટિની'થી માંડીને 30 જૂન, 2017નાં રોજ અભૂતપૂર્વ જીએસટી વ્યવસ્થાનાં અમલીકરણ સુધીનાં અનેક સીમાચિહ્નો જોવા મળ્યાં છે.

બંધારણ સભાની ત્રણ વર્ષ દરમિયાન થયેલી ચર્ચા દરમિયાન જોવા મળેલી શિષ્ટાચાર અને તંદુરસ્ત ચર્ચાને યાદ કરીને અધ્યક્ષે કહ્યું હતું કે, વિવાદાસ્પદ અને અતિ વિભાજનકારી મુદ્દાઓ પર સર્વસંમતિની ભાવનાથી વાટાઘાટો થઈ હતી.

તંદુરસ્ત ચર્ચાને ખીલતી લોકશાહીની ઓળખ ગણાવતા શ્રી ધનખરે સંઘર્ષપૂર્ણ વલણ અને વિક્ષેપ અને ખલેલના શસ્ત્રીકરણ સામે ચેતવણી આપી હતી. તેમણે ભારપૂર્વક જણાવ્યું હતું કે, "આપણે સૌ લોકશાહી મૂલ્યોને પોષવા માટે બંધારણીય રીતે નિયુક્ત છીએ અને તેથી લોકોના વિશ્વાસને વાજબી ઠેરવવો જોઈએ અને તેને યોગ્ય ઠેરવવો જોઈએ."

સંસદની અંદર સમજશક્તિ, રમૂજ અને કટાક્ષના મહત્વ પર પ્રકાશ પાડતા શ્રી ધનખરે તેમને "ઉત્સાહી લોકશાહીના અવિભાજ્ય પાસા" તરીકે ઓળખાવ્યા હતા અને આ પ્રકારના હળવા દિલના આદાન-પ્રદાન અને વિદ્વત્તાપૂર્ણ ચર્ચાઓને પુનર્જીવિત કરવા માટે આશા વ્યક્ત કરી હતી.

ઉપરાષ્ટ્રપતિએ ગૃહના સભ્યોને સંસદના પરિસરમાં જોવા મળેલા "ઉતાર-ચડાવ" પર ચિંતન કરવા અને વિચાર-વિમર્શ કરવા વિનંતી કરી હતી. તેમણે જણાવ્યું હતું કે, "આ સત્ર "સંવિધાન સભાથી શરૂ કરીને 75 વર્ષની સંસદીય યાત્રા – સિદ્ધિઓ, અનુભવો, યાદો અને અધ્યયન" પર પ્રતિબિંબિત કરવા અને આત્મનિરીક્ષણ કરવા માટે યોગ્ય તક ઉપલબ્ધ કરાવે છે.

ઉપરાષ્ટ્રપતિએ આપણા સ્વાતંત્ર્ય સેનાનીઓ, બંધારણીય પૂર્વજો, મુત્સદ્દીઓ, રાજકારણીઓ અને સનદી અધિકારીઓના યોગદાનનો પણ સ્વીકાર કર્યો હતો, જેમણે ભારતના લોકતાંત્રિક આદર્શોને સમર્થન આપ્યું છે અને સમૃદ્ધ બનાવ્યા છે.

ટિપ્પણીઓનું સંપૂર્ણ લખાણ: https://www.pib.gov.in/PressReleseDetail.aspx?PRID=1958422

CB/GP/JD